BÚIN Á ÞVÍ...

..eftir allan spenningin í kringum kosningarnar.  Ég hef farið seint að sofa, vaknað snemma, hugsað um pólitík, bloggað um hana og dreymt um hana.  Nú eru kosningarnar að baki og ég lyppaðist niður.  Úrslitin ljós og virðist ekki vera mikið gleðiefni ef rétt er að Sjálfstæðisflokkurinn sé að reyna að lappa upp á stjórnina með Framsókn illa laskaða.  Geir sagði í sjónvarpsfréttum í kvöld að honum lægi ekkert á, hann þyrfti ekkert að flýta sér.  Halló vinur, hvað með okkur sem kusum? Skiptum við engu máli þegar við erum búin að greiða atkvæði?  Allt í einu er þetta bara einkamál í héraði hjá Geir.

Þrátt fyrir gífurlega andlega þreytu, vökur og vesen gat ég ekki annað en hlegið með sjálfri mér þegar ég hlustaði á Guðna Ágústsson (ekki að ég vilji honum neitt illt) tala við Ögmund um stjórnarmöguleikann VG-Samfó-studd af Framsókn.  Guðna var svo misboðið og hann var svo sár og hann harðneitaði að taka þessari hugmynd sem skellt var fram í bríaríi í afmælispartíi í gær öðruvísi en niðurlægjandi (ég skil hann nú smá karlinn).  Það eru bókstaflega allir að fara á taugum þessa dagana.

Ég sendi Geir hugskeyti hér með, bið hann um að hraða stjórnarmynduninni og taka með sér einhvern þeirra flokka sem kjósendur gerðu ekki heiðarlega tilraun til að þurrka út.  Þeas ef VG eða Samfylking hafa áhuga svona yfirhöfuð.   Svona Geir...komaso

Athugasemdir

[Guðríður Hrefna Haraldsdóttir, 14.5.2007 kl. 22:46]

Tek undir þetta. Drífa sig, Geir og hlusta á kjósendur!!!

Hvíldu þig, heillin! 

[Heiða Þórðar, 14.5.2007 kl. 23:41]

Vona bara að hægðirnar séu komnar í lag elskan

[Katrín Snæhólm Baldursdóttir, 14.5.2007 kl. 23:45]

Sko ef stjórnmálamenn geta skipt um skoðun á einu sólarhring og sagt..hey það sem ég sagði í gær er úrelt og núna meina ég eitthvað allt annað hljótum við að mega slíkt lika. ÆÆÆÆ....í gær kaus ég þig en í dag hef ég skipt um skoðun og set núna Xið mitt annars staðar. Sorry...fúlt þegar maður meinar eitt og segir annað..ekki satt? Sama gengur yfir mig og þig kæri stjórnmálamaður? Takk ég vissi að þú myndir skilja og vera jafn sanngjarn við mig og þú ert gagnvart sjálfum þér.

[Anna Ólafsdóttir Björnsson, 15.5.2007 kl. 00:11]

Ég er með í hugskeytasendingunum. Líst bara vel á það, þar sem venjulegar aðferðir, skynsemi, fortölur, virðing við vilja kjósenda og fleira þess háttar virðist ekki virka. Komin með í hugskeytasendingarnar og vonandi dugar það.

[Anna Ólafsdóttir Björnsson, 15.5.2007 kl. 00:12]

Æi, já, ég ætlaði líka að segja: Fáðu góða hvíld og vertu endurnærð þegar næstu fréttir koma, ég var eins og undin tuska í gær, þannig að ég veit alveg nákvæmlega hvað þú ert að tala um.

[Jóna Á. Gísladóttir, 15.5.2007 kl. 00:17]

Dreymdi þig stjórnarmyndun í nótt? Ekki liggja á upplýsingum. Jenný.. komaso

[halkatla, 15.5.2007 kl. 00:41]

oj þetta er svo perró. Geir ætlar semsagt að taka sér tíma í allar þreifingarnar, úff, hehe

[halkatla, 15.5.2007 kl. 00:42]

annars er ég líka í andlegu áfalli einsog svo margir og það er eldsneyti fyrir mig að gera grín að GH

[Laufey Ólafsdóttir, 15.5.2007 kl. 00:56]

Búin á því. Þessi skrípaleikur er grátbroslegur. Verðum við ekki bara að hugsa jákvætt og vona a.m.k. að okkur verði komið skemmtilega á óvart?

Ég spái því versta en vona það besta... þangað til annað kemur í ljós. Hvílum okkur bara í bili

[Jenný Anna Baldursdóttir, 15.5.2007 kl. 02:19]

Já stelpur nú sýnum við betri hliðina og bíðum fagurlega.  Eins og okkur einum er lagið