JÚRÓVISJÓN ÚJE-JEJE

Hér er Jenny Una Errriksdóttirrrr í öflugri Júróvisjón sveiflu.  Hún ætlar að koma til ömmu og Einarrrs á eftir í smá heimsókn.  Fyrirsögnin er villandi því ég ætla ekki að horfa á Júróvisjón.  Ég ætla að sýna hinum smáðu Norðurlandaþjóðum stuðning minn í verki (af því að kosningasjónvarpið er meira lokkandi ef ég á að vera strangheiðarleg).  Það getur þó verið að ég skjótist til að kjósa sænska lagið en Svíþjóð er mitt annað föðurland og ég elska það upp til agna.  Annars myndi ég ekki gráta það þó Ungverjaland myndi vinna.  Það er flottasta lagið sem ég hef heyrt í Júróvisjon í áraraðir.  Mér finnst tímaeyðsla að glápa á Júró þegar Eiki megatöffari er ekki með.  Hann var nottla flottastur.  Meiri asnarnir í Balkanlöndunum að sjá það ekki. 

Nú fer ég og skúra gólf.  Svo mikil húsmóðir alltaf.  Þegar ég vaknaði í morgun (enda á byrjuninni) þá fékk ég svona gleðikast inni í mér (sennilega sálin að verki) yfir að vera allsgáð og aldrei þunn.  Það er BARA stórkostlegt og ég hlakka til kvöldsins.  Vinstri stjórn er í sjónmáli börnin góð og hananú.

Lofjúgæs

Athugasemdir

[Jóna Á. Gísladóttir, 12.5.2007 kl. 14:25]

þú ert flottust, bestust og duglegustust.

[Guðríður Hrefna Haraldsdóttir, 12.5.2007 kl. 14:42]

Elsssssggga þig líka!!!

[Jenný Anna Baldursdóttir, 12.5.2007 kl. 14:53]

Smútsj á ykkur báðar dömur mínar.

[Merlin, 12.5.2007 kl. 15:59]

Mér finnst þú ættir að horfa á keppnina, allavega með öðru, það er fullt af ágætislögum í boði. Góða skemmtun í kvöld hvort sem þú horfir á söngin eða talningu

[Ester Júlía, 12.5.2007 kl. 18:38]

Ég ætla líka að kjósa Sverige!   I Love Sweden!  Grikkneska lagið finnst mér skemmtiegt og ungverska lagið og söngurinn er snilld.  Ég á að vera að læra, er að fara í mikilvægt próf á mánudaginn ..ætla að horfa á júróvisjon með öðru auganu ( hvernig er það hægt)   Var að koma úr kosningaklefanum.. og er að elda Doritoskjúkling.  Blaðrið í mér ..

[Laufey Ólafsdóttir, 12.5.2007 kl. 19:31]

Meiraðsegja ég kemst í júrófíling við þessa mynd Hún er í rétta gallanum og allt! Annars sitja þrjár ungar stúlkur í stofunni hjá mér að glápa á júró, mig dauðlangar að horfa á kosningasjónvarpið ...endurheimti stofuna mína og sjónvarpið á eftir og  glápi þá með athygli. Góða skemmtun!!!

[Hugarfluga, 12.5.2007 kl. 21:44]

Hreeeekalega trúttleg mynd!! Herre Gud! Og til hamingju með að vera edrú og frísk! Megaflott!

[Steingerður Steinarsdóttir, 13.5.2007 kl. 00:34]

Þú og nafna þín eruð bestar. Það þarf ekki vitnanna við. kær kveðja SS

[Anna Ólafsdóttir (anno) (IP-tala skráð) 13.5.2007 kl. 02:40]

Færslan þín skrifuð 12. 5 kl. 14:19. ...  Nú er 13.5 kl. 2.38 (um nótt). Mikið svakalega ertu búin að vera lengi að skúra þetta gólf!!!!!!!

[Jenný Anna Baldursdóttir, 13.5.2007 kl. 05:32]

Anna mín er búin að sitja límd við sjónvarpið og er á leiðinni inn í rúm.  Er að bíða eftir að stjórnin falli aftur.