ÉG ÞARF AÐ FARA Í MEGRUN - INNVORTIS!

Úff alltaf gleðifréttir úr rannsóknarheiminum.  Amk. ein á dag svona til að peppa mann upp.  Mælingar með nýrri tækni þykja benda til þess að fita safnist fremur saman innvortis í grönnu fólki en feitlögnu en læknar segja samansafnaða fitu í kring um hjarta, lifur og briskirtil geta verið jafn hættulega heilsu fólks og fitan sem liggur undir húðinni, svona frjálsleg og utanádinglandi þið vitið.

Eftir að ég hætti að vera fyllibytta fóru bjórkílóin af og sykursýkin (sem ég btw. drakk á mig hjálpaði til).  Nú er ég töluvert undir kjörþyngd.  Nánast of mjó.  Millivegurinn vandfundinn eins og venjulega, alla vega í mínu tilfelli.  Ætli ég sé bara ekki spikfeit að innan?  Að fituviðbjóðurinn sem á mér var hafi flúið inn á við þegar ég snéri við blaðinu og fór að lifa alsgáðu og heilbrigðu lífi.  Kannski er hjartað beinlínis vatterað í mör.  OMG ætli séu til einhverjar Jónínur í heiminum sem taka mann í innvortis megranir (ekki stólpípur samt).  Hvernig get ég komist að því hvort ég er offitusjúklingur?

Fitan innvortis í grannvöxnu fólki?

Athugasemdir

[Anna Ólafsdóttir (anno) (IP-tala skráð) 11.5.2007 kl. 16:17]

„svona frjálsleg og utanádinglandi þið vitið.“ Gúddgrív!!!  Eru þá kannski fleiri eins ég sem upplifa stöðugt vaxandi „frelsi“ á þessu sviði????

[Hrönn Sigurðardóttir, 11.5.2007 kl. 19:55]

setti dæmið bara svona upp "því meira af þér, því betra...."

[Ásthildur Cesil Þórðardóttir, 11.5.2007 kl. 21:09]

Ekki þýðir að hlaupa eða fara í líkamsrækt með þessa innri fitu elskuleg  en ég held að þetta sé bara eitt af þessu rugli sem sífellt er verið að troða í okkur, eins og að; lýsi sé óhollt, að kók geti verið krabbameinsvaldandi (spurning um að drekka heilt baðkar í báðum tilvikum) Að það sér hægt að grenna sig með því að éta bara kjöt einhver Atkinsonkúr.  Vertu bara þú sjálf.  Elskaðu líkamann og láttu hann vita að þú viljir heilbrigði en ekki fitu.  Og drekktu bara nóg af blávatni.  Við hin elskum þig eins og þú ert.  Það áttu að gera líka.

[Steingerður Steinarsdóttir, 11.5.2007 kl. 21:11]

Allt er nú til. Meira svelti til að ná af sér innvortis fitunni þegar sú útvortis er horfin.

[Ester Júlía, 11.5.2007 kl. 22:00]

Reyndar er það staðreynd að fólk þarf ekki að vera feitt til að greinast með of hátt kolestról td.   Ég er grönn og allt það en því miður elska ég súkkulaði of mikið.  Er alltaf á leiðinnni í kolestról mælingu og verð að fara að láta verða af því.   Allt fyrir heilsuna.