BARA "TERTUBITI" AÐ VERA MEÐ BARNAKLÁM!

Ég verð svo reið, svo hrygg og vondauf þegar svona mál ber á góma.  Héraðsdómur Suðurlands hefur dæmt karlmann í 6 mánaða fangelsi þar af þrjá skilorðsbundið fyrir að vera með í sinni vörslu 6548 ljósmyndir og 179 hreyfimyndir sem sýndu börn á kynferðislegan og klámfenginn hátt.

"Í dómnum segir að um hafi verið að ræða mikið magn af myndum og meðal þeirra hafi verið myndir af mjög ungum börnum, nánast niður í reifabörn, sem svívirt séu á ruddalegan og klámfenginn hátt. Í gögnum málsins komi fram að maðurinn sagðist hafa „einhverja söfnunarþörf“ á svona klámefni og safnað því undanfarin tvö ár þegar lögreglan lagði hald á tölvur hans. Sagðist hann hafa verið í þeirri trú að löglegt hefði verið að eiga slíkt efni en jafnframt sagðist hann hafa talið að efnið væri svo tryggilega geymt að enginn annar kæmist í það. Bendi það til þess að hann hafi ekki verið í góðri trú með vörslur efnisins."

Maðurinn ber fyrir sig "söfnunarþörf".  Svona menn eru samviskulausir þrjótar.  Af hverju eru ekki refsingar við hæfi í svona málum?  Af hverju sendir kerfið út þau skilaboð að það sé tertubiti (pease of cake), nánast að eiga og skoða klám?  Barnaklám!

Ekkert bendir til þess að maðurinn hafi reynt að leita sér hjálpar og NB hann er sagður vera fjölskyldumaður!! Hvað ætli það þýði í börnum?´

Mér er óglatt.

Fangelsi fyrir að vera með barnaklám

Athugasemdir

[Ásthildur Cesil Þórðardóttir, 11.5.2007 kl. 13:52]

Þetta eru ekki menn, þeir sem eru svona eiga ekki skilið að vera kallaðir menn, því þeir setja manneskjuna ofan í heim skrímsla og illberma.  Stundum langar mig til að drepa.  En ég veit að ég gæti það aldrei.  Ég sem er búin að bjarga fleiri tuga hunangsflugum upp úr tjörninni minni.  En ég set mörkin þar.  Ég veiði ekki upp fiskiflugurnar.  Ætli ég færi ekki líkt að við svona tækifæri.

[Jenný Anna Baldursdóttir, 11.5.2007 kl. 16:44]

Nei ég geri ekki greinarmunur í stórum dráttur á barnaklámsglápendum og barnaníðingum.  Er sami grautur í sömu skál.  Ertu tilbúinn að fullyrða að þetta tvennt fari ekki saman?

Þú sést hér víða um bloggheima og ert hávær talsmaður kláms og viðlíka.  Ég vil ekki diskútera við þig um þessi málefni á þessum nótum.  Vona að þú virðir það.

[Ásthildur Cesil Þórðardóttir, 11.5.2007 kl. 21:13]

Ég stend fyllilega við það sem ég sagði hér áðan.  Og ég til mig ekki þurfa að leita mér hjálpar.  Það er bara ógeðslegt að hafa gaman af því að skoða svona myndir.  Sjúklegt og skapar jarðveg fyrir kvikindi eins og barnaníðinga. Börn eiga að fá að vera í friði fyrir svoleiðis skepnum.  Þeir eiga sér engan másvara eða tilverurétt að mínu mati. Og já að vel hugsuðu máli ef ég kæmi að svona uppákomu, myndi ég sennilega drepa viðkomandi með köldu blóði og ekki skammast mín vitund.  Þar hefurðu það.

[Jóna Á. Gísladóttir, 11.5.2007 kl. 22:33]

Yfirþyrmandi reiði og djúp sorg eru tilfinningar sem brjótast um í mér þegar ég heyri fréttir eins og þessar. Og ekki verð ég minna reið þegar ég sé sjónarmið eins og Óskars. Vissulega er það rétt hjá þér Óskar að ekki er hægt að dæma manninn eins og hann hefði sjálfur lagst á börn. En... Það er alveg ljóst að það þarf að greiða fyrir að eignast myndir eins og þær sem fundust í tölvu þessa manns. Eftirspurn skapar framboð. Við vitum hvað það þýðir. Með því að sækjast eftir myndum sem þessum er beinlínis verið að ýta undir glæpi. 6 mánuðir, þar af þrír skilorðsbundnir!!!! þetta er til skammar. Að öllum líkindum er bara tímaspursmál hvenær þessi maður lætur draumana rætast. Ef þú átt sjálfur barn/börn og þau yrðu fest á filmu á þennan hátt. Hugsaðu um það. Þig myndi langa til að drepa þann sem fremur glæpinn en hvað myndi þig langa til að gera við alla þá sem keyptu myndirnar, horfðu á þær og fróuðu sér yfir þeim? Segðu mér það? Hvað myndirðu vilja gera við þá?

[Ósk Sigurðardóttir, 12.5.2007 kl. 00:55]

Ja hérna....langar til að drepa! Get alls ekki tekið undir þessa yfirlýsingu Ásthildur Cesil. Mér finnst þetta auðvitað algjör viðbjóður, en verð að segja að ég hallast að  áliti Óskars; Maðurinn þarf augljóslega á hjálp að halda, er auðvitað ekki í lagi, en hann hefur hins vegar ekki verið dæmdur sem barnaníðingur. Ef ég ætti sjálf börn og þau yrðu fest á filmu á þennan hátt, myndi ég örugglega flippa - og myndi vilja að viðkomandi kríp fengi laaaangan fangelsisdóm og allsherjar skrúbb á heilabúi!

[Laufey Ólafsdóttir, 12.5.2007 kl. 03:24]

VIÐBJÓÐUR. Ekki annað að segja. Engin afsökun til að geyma svona viðbjóð. Opinber henging öðrum til viðvörunnar!