LOKSINS DEBATT Í SJÓNVARPI

Ég var orðin nær úrkula vonar um að sjónvarpsstöðvarnar myndu sýna almennilegar sjónvarpsumræður milli flokkanna nú fyrir kosningar.  Í kvöld rættist nú heldur betur úr þegar Stöð 2 var með langan og skemmtilegan þátt þar sem bæði voru umræður og yfirheyrslur mann á mann.  Ég held að þeir sem voru óákveðnir ættu að vera einhverju nær.

Mér fannst Steingrímur J. standa sig best eins og venjulega og Ingibjörg Sólrún var líka flott.  Guðjón Arnar hjá Frjálslynda kom vel fyrir.  Jón Sig. talar í frösum og er eins og gangandi yfirlýsingabók og eflaust skilja fáir nema innanbúðarmenn hvað hann er að tala um. 

Mér fannst hálf hallærislegt að vera með "dómara" til að dæma frammistöðu formannanna en þeir voru sammála um að ISG og Steingrímur J. hefðu staðið sig best.  Geir héldi sjó og Jón Sig. væri í vörn.  Að Ómar talaði bara um umhverfismál (sem er nú ekki alveg rétt) og að Guðjón Arnar kæmi vel út.  Ég held að það sé hugsjónahitinn og tilfinningin sem skilar sér til  áhorfandans og ræður mestu um hvað fólki finnst. 

Sigríður Dögg kom með þarfa ábendingu (að vísu aðeins of seint) um að það ætti að spyrja Framsókn og Sjálfstæðisflokk um femínisma.  Spyrja Ómar um annað en umhverfismál osfrv.

Jæja við fengum allavega flottan debatt.  Það bjargar sálarheill minni. 

Síjúgæs!

Athugasemdir

[halkatla, 9.5.2007 kl. 22:15]

Það væri ekki amalegt að fá þriggja flokka stjórn með þremur flottustu í kvöld, samkvæmt þínu mati. Þá yrði mikið fagnað, að ég tel

[Magnús Þór Jónsson, 9.5.2007 kl. 22:28]

Sammála því að þátturinn var fínn.  Ingibjörg var á mikilli siglingu og Geir og Steingrímur eru alltaf flottir.  Alltaf. Guðjón er að ná smá byr í Frjálslyndu seglin, en Ómar og Jón stóðu sig ekki.  Sem kennari sjálfur er ljóst að Jón er flottur kennari.  Kennarahlutverkið verður hann að yfirgefa, tala almenna íslensku og REYNA að heilla fólk.  Er búinn að taka ákvörðun um atkvæðið mitt.  Gaman að vera ekki óákveðinn lengur!

[Ásdís Sigurðardóttir, 9.5.2007 kl. 23:06]

Og mér fannst Geir bestur eins og venjulega. Afhverju þarf að spyrja um Jón og Geir um femínisma?? við erum allar mjög kvenlegar í flokknum    og enginn reynir að segja okkur annað.

[Jóna Á. Gísladóttir, 9.5.2007 kl. 23:15]

Ég er búin að ákveða mig da-da-ra. hahahí. Takk Jenný og Takk guðmundur Jóns fyrir hjálpina.

[Anna Ólafsdóttir (anno) (IP-tala skráð) 9.5.2007 kl. 23:25]

Algjörlega sammála þér um gæði dagskrárinnar. Bloggaði það sama á minni síðu. Bætti við pirringi um dómarana. Þeim fannst Ingibjörg flott en töluðu meira um útlit, bros, léttleika, fatnað o.s.frv. heldur en málefnaframsetningu, dálítið súrt svona í beinu framhaldi af umræðu um femínisma og jafnrétti. Karlarnir virtust ekki hafa verið í neinum fötum - eða þannig

[Jenný Anna Baldursdóttir, 9.5.2007 kl. 23:44]

Jóna hvaða karl er Guðmundur Jóns? Hm...

Anna: Það er alveg merkilegt hvað fjölmiðlungar missa sig í uppúrveltingi af fötum og hárgreiðslum.

Ásdís: Sínum augum lítur hver silfrið. 

Jón Kristófer við tölum þetta eins og við segjum með VINSTRI

Magnús Þór: Eru það örgla ekki VG sem þú ætlar að kjósa? Hehe

[Sigurður Sveinsson, 10.5.2007 kl. 06:54]

Auðvitað fellum við stjórnina. Það er ekki von að nokkur skilji Jón formann því hann skilur ekki sjálfur það sem hann segir. Allt í véfréttastílnum. Þjóðhyggja og allt í samfellu. Skyldi hann vera í samfellu undir jakkafötunum?

[Ásthildur Cesil Þórðardóttir, 10.5.2007 kl. 08:55]

Það var gott það sem ég sá, en ég var að fara á tónleika.  Ætla að horfa á þetta á netinu á eftir.