I MADE HIM AN OFFER HE COULDN´T REFUSE

Norska útlendingastofan ákvað nú síðdegis að skipta sér ekki af komu hóps rúmenskra ferðamanna til landsins frá Íslandi. 

Norðmenn vilja meina að fólkið hafi komið til landsins með lögmætum hætti inn á Schengensvæðið og geti dvalið í þrjá mánuði í landinu sem ferðamenn.

Ég skammast mín fyrir að vera íslendingur.  Löggan segir reyndar að rúmenunum hafi ekki verið vísað úr landi heldur boðin aðstoð við að fara.  Munið þið eftir myndinni um Guðföðurinn?  Þegar þeir gerðu fólki tilboð "sem þeir gátu ekki hafnað"?  Erum við rasistar við íslendingar?

Norðmenn skipta sér ekki af komu Rúmena

Athugasemdir

[Ásthildur Cesil Þórðardóttir, 9.5.2007 kl. 17:41]

Það er ansi stutt í rasisma hjá sumu fólki.  En sá rasismi beinist líka gagnvart öðrum íslendingum, ef þeir til dæmis segja eitthvað sem ekki fittar inn í viðtekna venju.  Eða vilja vekja athygli á ákveðnum hættum í þjóðfélaginu.  Við mættum stundum hugsa aðeins áður en við fellum dóma.  Bæði í þessu máli og mörgum öðrum Jenný mín.  Og ég er ekki að beina þessu til þín elskuleg.

[Anna, 9.5.2007 kl. 18:13]

Lögreglan hafði, að mér skilst, afskipti af þessu fólki vegna þess að til þess að mega spila á götum úti á Íslandi þarf leyfi frá viðkomandi lögregluyfirvöldum sem þetta fólk hafði ekki.  Svo veit maður náttúrulega ekki meira um samskipti lögreglunnar við þau, hvort þau hafi ákveðið sjálf að fara eða hvort það hafi verið einhver þrýstingur.  En þeim var ekki vísað úr landi í eiginlegri merkingu.

Æ mér finnst þetta frekar sorglegt allt saman, helst vegna þess að mér finnst sorglegt að fólk skuli vera í þeirri aðstöðu að þurfa að betla til að lifa, sama hvaðan það er eða hvar það er.

[Örvar (IP-tala skráð) 9.5.2007 kl. 21:27]

Ég hef hins vegar sjaldan verið eins stoltur að vera íslendingur.  Þessu fólki er þröngvað til að koma hingað, betla sér til viðurværis til að glæpahringir fái aurinn þeirra. 
Margir hafa verið að benda á að þetta séu ágætustu "tónlistarmenn", ég vil meina að það eitt að halda á harmóniku og misþyrma úr henni eitt stef tímunum saman geri þig ekki að tónlistarmanni.   Og eins og bent hefur verið á þá þarf leyfi til að koma fram sem götulistamaður og þá þarf einnig atvinnuleyfi, þessi hópur sóttist eftir hvorugu, enda ekki að hugsa sér þetta sem löglega vinnu.
Ég tel það ekki rasisma að vilja sporna við frjálsu flæði inní landið og jafnvel velja úr hverja maður vill hafa hér.  Það er ekkert að því að hafa harðduglegt fólk sem kemur til að vinna, þeir sem koma til að betla hafa hér ekkert að gera.  Ég var hins vegar alls ekki stoltur af því að vera íslendingur þegar letingjar héðan flyktust til danmerkur og svíþjóðar til þess eins að fara á sósjalinn þar.

Letingjar eru hvergi vel séðir...

[halkatla, 9.5.2007 kl. 22:16]

þarna misstum við mjög svala gesti úr landi

megi þeim ganga betur næst og bara í framtíðinni almennt. 

[Jenný Anna Baldursdóttir, 10.5.2007 kl. 00:47]

Örvar minn mikið rosalega þarf lítið til að gera þig stoltan af að vera íslendingur.