PÓLITÍK - STJÖRNUSPÁ

 

Steingeit: Þú ert að ganga inn í mánaðar langt tímabil þar sem orð þín eru lög. Það er til fólk sem vill - nei, lifir fyrir að - gera þér til geðs. Finndu það.

Noh þarna hljóp á snærið hjá mér.  Ég er eins og áður hefur komið fram, ekki sérstaklega upptekin af stjörnumerkjum en geri mér það til gamans að lesa Moggastjörnuspána.  Áðan datt ég heldur betur í lukkupottinn.  Ég óska hér með sjálfri mér til hamingju með að næsta mánuðinn munu orð mín vera lög.  Ekki er verra að fólk muni lifa fyrir að gera mér til geðs.  Ég er hógvær kona þannig að ég bið aðeins um eitt (allavega til að byrja með hehe): Allir sem koma inn á síðuna mína, vinir mínir ættingjar og kjósendur annarra flokka, ég fer hér með fram á að þið kjósið VG á laugardaginn og munið að þið LIFIÐ fyrir að gera mér til geðs.

P.s.  Stjörnuspáalestur er hreinn unaður þessa dagana þegar grafalvarlegir frambjóðendabloggarar eru að drepa mann úr leiðindum með möntrukenndum bloggum sínum um ágæti sjálfs síns og flokksins.  Þetta er með örfáum undantekningum nottla,  Sjálfstæðis- og Framsóknarflokkur.  Jeminneini hvar er húmorinn og útgeislunin hjá þessu fólki?  Þetta getur drepið hvern meðalmann fyrir hádegi ef hann missir sig í pistlana. OMG  Gott fólk ef ykkur leiðist, lesið stjörnuspána!

Síjúinalitlevæl

Athugasemdir

[Ásthildur Cesil Þórðardóttir, 8.5.2007 kl. 10:12]

Já iss hér eiga að vera háalvarlegar umræður um ágæti Vinstri grænna og hinna hehehehe......

[Katrín Snæhólm Baldursdóttir, 8.5.2007 kl. 10:28]

Hey ég er rísandi steingeit. Gefur mér það einhver völd til að segja nei við þessari kosningabón þinni Jenný??? Ég meina þessari nýju löggjöf. Ég mun gera þér til geðs ef ég lifi..hehe!! Smjúts

[Hugarfluga, 8.5.2007 kl. 10:32]

Ég horfði á þetta með kjánahrolli ... finnst alltaf eins og Guðfríður Lilja sé uþb að fá hláturskast og Steingrímur sé í mælskukeppni. 

[Jenný Anna Baldursdóttir, 8.5.2007 kl. 10:47]

Hugarfluga sínum augum lítur hver silfrið.