DÓTTIR MÍN VERÐUR LOKUÐ INNI!

Hún Helga mín (frumburðurinn) er lögfræðingur og vinnur hjá Reykjavíkurborg.  Hún verður læst inni á kjördag þar til búið er að telja.  Hún er í hverfiskjörstjórn.  Það er best að það komi fram að hún og ég erum ekki sammála um pólitík.  Stúlkan hefur aldrei látið að stjórn og mér hefur aldrei tekist að leggja inn gott orð hjá henni varðandi hvaða flokk hún eigi að kjósa.  Nú mér finnst það dálítið leiðinlegt að hafa ekki aðgang að henni á kjördag þannig að ég ætla að hitta hana á föstudaginn í staðinn.

Helgubarn!  Hagaðu þér nú og ekki missa kjörkassana þannig að atkvæðin flæði um allt.  Þú veist að þá verður þú að leggjast endilöng yfir þau þar til Granni lögga kemur og innsiglar.  Ok?

Athugasemdir

[halkatla, 7.5.2007 kl. 15:14]

mér finnst að það ætti að læsa alla sem kjósa vitlaust inni á kjördag, í sem mestri fjarlægð frá kjörstöðum

[Ibba Sig., 7.5.2007 kl. 15:25]

Það er ljóst að þér hefur algerlega mistekist í uppeldinu. Skítt með að stelpan vel menntuð og kunni sína mannasiði því þegar börnin manns kjósa vitlaust er ljóst að innrætingin hefur brugðist. Og þar með allt uppeldið.

[Jenný Anna Baldursdóttir, 7.5.2007 kl. 15:36]

Já þarna hefur mér mistekist herfilega.  Dætur mínar heimta eitthvað sjálfstæði í hugsun sem er nottla helber hégómi Ibba mín eins og þú veist.

[Jenný Anna Baldursdóttir, 7.5.2007 kl. 15:37]

Já en sumir eru lokaðir inni á röngum stöðum AK. Hehe

[Ásthildur Cesil Þórðardóttir, 7.5.2007 kl. 16:10]

Hjúket, las fyrirsögnina og hélt að blessuð stúlkan hefði gert eitthvað af sér annað en að kjósa vitlaust

[Frumburðurinn (IP-tala skráð) 7.5.2007 kl. 16:11]

Viltu gera svo vel að taka þessa mynd út af mér þar sem ég er eins og pillupoppandi húsmóðir á 19. glasi. Barnaverndarnefnd á leiðinni að sækja Ollmund.

 Svo harðneita ég því að kjósa ekki rétt, ég kýs allavega tölvert réttara en stóristórimeirhlutinn sem ætti ekki bara að loka inni á kjördag. Réttast væri að taka kennitöluna af þeim.

[Ibba Sig., 7.5.2007 kl. 16:31]

En Jenný mín, þú getur huggað þig við að dætur þínar eru sætar. Við vitum sem er að það skiptir öllu máli.

[Jenný Anna Baldursdóttir, 7.5.2007 kl. 17:07]

Dúa mín læt ekki ljúga að mér hehe.  Helga á ekkert bágt. Sendu mér aðra mynd krakki þar sem þú ert alsgáð!!! (djók)  Ibba mín það skiptir öllu máli að börnin manns séu sæt.  Þá skipta karríer og skoðanir ekki máli, konur komast svo vel áfram á útlitinu ef það er í norminu. Hehe

[Edda Agnarsdóttir, 7.5.2007 kl. 21:06]

Góða Jenný, láttu ekki eins og það hafi ekki unnið með þér að vera sæt! Ég leit á myndina og hugsaði, er hún að setja gamla mynd af sér inn eða er þetta dóttir hennar? Ég er auðvitað búin að fá svarið hér á undan. Hún er bæði sæt og myndarleg.

[Jenný Anna Baldursdóttir, 8.5.2007 kl. 09:07]

Edda mín þú ættir að vita það kona að það er ekki verra að hafa útlitið með sér hm