DAUFLEGT SILFUR

Mikið rosalega varð ég fyrir miklum vonbrigðum með Silfrið í dag (og þá er ég ekki að tala um kynjakvótann).  Nú þegar nokkrir dagar eru í kosningar þá bjóst ég við líflegum þætti og var að vona að það yrðu jafnvel kappræður milli frambjóðenda upp á gamla mátann.  En ó ekkí.  Viðtölin við Guðmund P. Ólafsson og Guðmund Ólfafsson voru fróðleg en ekki beint efni til að horfa á þegar kosningabaráttan er að ná hámarki, þrátt fyrir að bæði viðtölin sé hægt að skilgreina sem innlegg í kosningabaráttuna.  Spjallið við Halldór, Hjörleif og Margréti var líka notalegt en algjör tímaskekkja.  Vettvangur dagsins alltaf eins, fólk kallandi hvert upp í annað og ekkert kemur út úr viðræðunum.  Kannski á maður ekki að vera með væntingar en ég ætla rétt að vona að vikan framundan verði meira upplýsandi svona á síðustu metrunum áður en við göngum til kosninga.

 

Athugasemdir

[Anna Ólafsdóttir Björnsson, 7.5.2007 kl. 00:08]

Takk fyrir að spara mér að skoða þetta á netinu. Missti af þættinum í dag og hélt í alvöru að þetta hefði verið alger tímamótaþáttur, greinilega ekki rétt.