ÆFING FYRIR KOSNINGAR 1. MAÍ

Ég verð alltaf svolítið væmin 1. maí, á frídegi verkalýðsins.  Var alin upp við að þetta væri hátíðisdagur okkar alþýðunnar.  Ég er ekki mikið fyrir kröfugöngur en hef gengið oftar en ekki og það er stemming að vera í göngunni.  Nokkurs konar vorjól.  Ég verð smá klökk, finn fyrir samkenndinni með félögunum svona eins og þegar klukkurnar hringja inn jólin.  Yndisleg móment. 

1. maí á kosningaári er sérstaklega hátíðlegur og mikilvægur dagur.  Krafan í dag er að "fátækt verði útrýmt í einu ríkasta landi veraldar". 

Nú eru bara 10 dagar í kosningar.  Það er um að gera að fljóta ekki sofandi að feigðarósi.  Það er kominn tími á breyttar áherslur á Íslandi alsnægtanna.  5000 börn lifa undir fátæktarmörkum og það er ekki náttúrulögmál að það eigi að vera svoleiðis.  Það er heldur ekki náttúrulögmál að aldraðir og öryrkjar lepji dauðann úr skel margir hverjir.  Stjórnarliðar tala um að það sé verið að vinna í málum þessara hópa.  Sjálfstæðisflokkurinn hefur haft 16 ár til þess og Framsókn 12.  Úff þeir eru bara alveg sveittir við að kippa þessu í liðinn.  Rosalega er þetta erfitt mál að laga.  Bara tugir ára og nú þegar við göngum til kosninga er þetta alveg að bresta á samkvæmt þeim.

Ég vona að hinn almenni maður átti sig á vægi atkvæðisins og noti það skynsamlega.  Það er á fjögura ára fresti sem við getum valið.  Við getum valið viðvarandi ástand sem hentar sumum í þessu þjóðfélagi eða breytt því þannig að forgangsröðunin verði önnur og í þágu stórs meirihluta þjóðarinnar. 

Generalprufan er á morgun.  Eigum við ekki að þramma saman og efla baráttuandann? Sjáumst í göngunni.

Krafan 1. maí að fátækt verði útrýmt á Íslandi

Athugasemdir

[Hrönn Sigurðardóttir, 1.5.2007 kl. 02:02]

get ekki ákveðið mig hvað ég á að kjósa....... Hvað finnst þér?

 hehehe

[Ragnheiður , 1.5.2007 kl. 02:21]

Ég þramma með í huganum,verð að flytja á morgun...smútjs

[Jenný Anna Baldursdóttir, 1.5.2007 kl. 02:22]

Hrönnsla hm... bíddu hugs...hugs... jú vandræðagrænkuna. Smútsj.

[Anna Ólafsdóttir (anno) (IP-tala skráð) 1.5.2007 kl. 02:37]

Hrönn: Ég las eina tillögu í einhverju kommenti á bloggi - ALLIR (líka xVG, xS, xF og xI) kjósa xD og xB  ...  með því verða þeir skikkaðir til að taka almennilega til eftir sig áður en hinir taka við. Það þýðir svo margar óvinsælar aðgerðir að þegar kemur að nýjum kosningum verða báðir flokkar undir pilsner-fylgi. Mér finnst eiginlega algjör synd að þeir skuli geta messað öllu upp á 12 árum (16 árum) og látið hina flokkana taka skellinn.

[Hlynur Hallsson, 1.5.2007 kl. 09:47]

Til hamingju með daginn og bestu baráttukveðjur öll!

[Hrönn Sigurðardóttir, 1.5.2007 kl. 10:11]

Já Anna - en heldurðu að þeir gera það? þ.e. taka til? Ég leyfi mér að efast um það.... held þeir stingi bara sínu strútshöfði á dimman stað

Annars er ég búin að ákveða mig

[Kristín Katla Árnadóttir, 1.5.2007 kl. 10:59]

Til hamingju með daginn og baráttu kveðjur.

[Jenný Anna Baldursdóttir, 1.5.2007 kl. 11:16]

Hm Hrönnsla las yfir athugasemd hjá þér og sé að þú kýst annanhvorn stjórnarflokkinn (held ég).  Þú hefur geggjaðan og skemmtilegan húmor.  Niðurstaða: Það getur ekki verið Framsókn sem þú ætlar að kjósa! Hehe

Krakkar tökum þetta með vinstri,  já líka þú Dúa!

[Jenný Anna Baldursdóttir, 1.5.2007 kl. 12:07]

Þú verður læst inni á kjördag.  Auli

[Ásthildur Cesil Þórðardóttir, 1.5.2007 kl. 12:34]

Til hamingju með daginn öll sömul.  Ekkert fengi mig til að setja x við Dé eða Bé í vor.  Ég hef krossað við Déið fyrir lífstíð, og hef aldrei merkt við Béið og ætla að hafa það þannig áfram.

[Jenný Anna Baldursdóttir, 1.5.2007 kl. 17:16]

Já skamm Ásthildur hvað varstu að hugsa hérna í denn? Smútsj.