ELDHEITT ÁSTARSAMBAND D OG B

Eftir að hafa horft á Kastljósið í kvöld er ekki lengur neinn vafi í huga mínum um að stjórnarflokkarnir þrá ekkert heitar en að halda áfram í ríkisstjórn.  Þvílík ást og gagnkvæm aðdáun.  Nú hélt ég að stjórnarflokkarnir gengu óbundnir til kosninga.  Það er amk. yfirlýst stefna þeirra.  Það var svo sannarlega ekki hægt að sjá það í kvöld.  Ég hefði getað trúað að þarna sætu fulltrúar eins flokks svo kært var með Magnúsi og Guðlaugi og í seinni hlutanum Þorgerði og Jóni.  Framsóknarflokkurinn er ekki að heyja sína eigin kosningabaráttu.  Hann rígheldur í hendina á stóra bróður og taumlaus aðdáun Jóns á gjörðum Þorgerðar Katrínar var með ólíkindum. Svo má reyndar spyrja sig hvers vegna þessi uppröðun hefur verið viðhöfð á þessum kosningafundum Kastljóssins til þessa.  Stjórnarliðar öðrum megin og stjórnarandstæðan í hnapp hinum megin.  Það er hreint frámunalega  hallærislegt en gæti komið sér vel fyrir D og B þar sem þeir vilja greinilega ekkert frekar en að fá að halda áfram saman í valdabandalaginu.

Ég held að þeir sem gæla við möguleikann á breyttu stjórnarmynstri eftir 12. maí ættu að hafa þessa miklu kærleika stjórnarflokkana í huga.  Það breytist ekkert í íslenskum sjjórnmálum ef stjórnin  nær lágmarksmeirihluta.  Þetta er heitasta ástarsamband þessarar aldar það sem af er.

 

Athugasemdir

[halkatla, 24.4.2007 kl. 21:21]

vá þetta hefur verið einsog klámmynd bara samt fyndið ef það væri ekki svona sorglegt...

[Jenný Anna Baldursdóttir, 24.4.2007 kl. 21:24]

Ætlaði að segja að stjórnarflokkarnir hefðu verið í andlegum sleik en þorði ekki. en þorði því ekki. Hm....

[Árni Gunnarsson, 24.4.2007 kl. 21:40]

Ég sat svo nærri turtildúfunum Jóni og Þorgerði að ég varð hálfpartinn vandræðalegur. Mér fannst eins og ég væri að gægjast inn í viðkvæmt einkalíf þegar ég sá tilbeiðsluna í augnaráði Þorgerðar er hún festi augun á sessunautnum. Ekki gat ég merkt svona heita strauma milli Margrétar og Magnúsar Þórs. Hafi svo verið tókst þeim meistaralega að leyna því. 

[Björg K. Sigurðardóttir, 24.4.2007 kl. 21:41]

Þorgerður og Jón sátu þarna eins og nýgift hjón í sínu eigin brúðkaupi

En mikið rosalega fannst mér konurnar standa sig vel í þessum þætti og koma sínum skoðunum vel til skila, sérstaklega Þorgerður og Katrín Jakobs.  Karlarnir hefu getað sleppt því að mæta því þeir höfðu ekkert að segja og engar skoðanir.

[Jenný Anna Baldursdóttir, 24.4.2007 kl. 21:43]

Ég er sammála þér Börg þær stóðu sig afburða vel.

Já Árni þau voru afskaplega brúðhjónaleg þessar elskur.

[Anna Ólafsdóttir Björnsson, 24.4.2007 kl. 22:28]

Þetta er óttalegt, við verðum bara að stoppa það að svona lagað gerist!

[Sædís Ósk Harðardóttir, 24.4.2007 kl. 22:34]

úff ég fæ örugglega martröð núna nótt....

[Ásdís Sigurðardóttir, 25.4.2007 kl. 00:28]

Missti af þættinum, er farin að láta ljós mitt skína á kosningaskrifstofunni, er óborganleg í kaffi og hlýlegheitum. Ég reyni að kíkja á þetta á netinu, Þorgerður er í miklum metum hjá mér, frábær einstaklingur sem gaman er að þekkja.  Þið sem sofið illa fáið ykkur bara eitthvað sætt í morgunmat, það svínvirkar.

[Jenný Anna Baldursdóttir, 25.4.2007 kl. 01:24]

Love is in the air! Ég sef ágætlega enda ánægð með konur þáttarins og með skoðanir Katrínar einkum og sér í lagi. 

[Ásthildur Cesil Þórðardóttir, 25.4.2007 kl. 08:33]

Jenný þú skrifar D og F. Please lagaðu það ég fær hræðilegan ógeðshroll, við höfum ekkert með þessa ríkisstjórn að gera........ Jedúdamína Jenný

[Jenný Anna Baldursdóttir, 25.4.2007 kl. 08:56]

Slagvilla kæra Ásthildur og ég kippi þessu í liðinn.  Þegar ég var að vinna sem læknafulltrúi og var að skrifa rannsóknarlýsingu skrifaði ég einu sinni "graðari tíðni" í staðinn fyrir "hraðari tíðni".  Krúttlegar þessar slagvillur.

[Jenný Anna Baldursdóttir, 25.4.2007 kl. 08:56]

Slagvilla kæra Ásthildur og ég kippi þessu í liðinn.  Þegar ég var að vinna sem læknafulltrúi og var að skrifa rannsóknarlýsingu skrifaði ég einu sinni "graðari tíðni" í staðinn fyrir "hraðari tíðni".  Krúttlegar þessar slagvillur.

[Ásthildur Cesil Þórðardóttir, 25.4.2007 kl. 09:54]

Hjúkket takk mér líður betur.  Jamm þær geta verið slæmar þessar slagvillur.