Kerlingabók

Miðvikudagur, 18. apríl 2007

REYKJAVÍK BRENNUR

Rosalega er þetta sorglegt að horfa á eldinn í miðborginni. Gömlu húsin sem hafa verið þarna svo lengi sem ég man öll að brenna til kaldra kola. Ég get ekki horft á eyðilegginguna, þetta verður að hafa sinn gang. Fyrst var það Nýj-Bíó, núna Kaffi Ópera, Rosenberg og gamli Haraldur Níelson. Ég ætla rétt að vona að eldurinn berist ekki í Hressó líka. Úff.. hryllilegur dagur.

Meginflokkur: Bloggar | Aukaflokkar: Dægurmál, Ferðalög, Kvikmyndir, Lífstíll, Matur og drykkur, Menning og listir, Sjónvarp, Spil og leikir, Stjórnmál og samfélag, Vefurinn, Vinir og fjölskylda | Breytt s.d. kl. 17:00 | Facebook

Athugasemdir

skelfilegt.......

Hrönn Sigurðardóttir, 18.4.2007 kl. 16:57

Já þetta er hræðilegt og sorglegt vonadi geta þeir byggt gömlu húsin aftur upp.

Kristín Katla Árnadóttir, 18.4.2007 kl. 19:20

Ég fékk einmitt í hjartað þegar ég sá þetta og heyrði í sjónvarpinu í dag. Ég ber svo miklar tilfinningar til miðbæjarins, enda alin þar upp. þetta er óhemju sorglegt. En brann Rosenberg líka ? Þá er þetta í annað skipti sem Rosenberg brennur.

Ester Júlía, 18.4.2007 kl. 20:38

Mér finnst líka hræðilegt að horfa á þessa eyðileggingu í miðbænum, manstu eftir peningalyftunni í Haraldarbúð? Keypti mamma þín leikfimifötin þín þar eins og mín mamma? Og svo ég vitni í fyrri færslu þína- varstu mætt í biðröðina við bókasafnið á Hofsvallagötunni kl. 6? Keyptir þú kindakæfu í smjörpapppír í kjötbúðinni í "Verkó"? Var hellt upp í þig volgu lýsi úr könnu í Meló? Lástu í grasinu á róló, horfðir upp í skýin og bjóst úr þeim ævintýramyndir ? Manstu eftir götunum (eftir naglapinnaháuhælana) á linoleudúknum í stóra holinu í Meló?

Ef svo er, þá erum við vinkonur !!!

Svava (IP-tala skráð) 18.4.2007 kl. 21:46

1976-1977 vann ég á Sunnu og þá voru þakgluggarnir sem rauk upp úr í dag gluggarnir mínir, þarna sat ég og færði bókhald, það var oft gaman á þessum árum.

Ásdís Sigurðardóttir, 18.4.2007 kl. 23:10

Svava kannast við þetta allt nema lýsið. Slapp við það. Erum við samt ekki vinkonur?

Jenný Anna Baldursdóttir, 18.4.2007 kl. 23:55

Bæta við athugasemd [Innskráning]

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir

Bara eins og ég kem fyrir af skepnunni. Er með róttæka vinstri slagsíðu, með fagurgrænu ívafi ásamt femínískum töktum þegar við á. Ég bít ekki. Eða bít ég? Það fer tvennum sögum af því.

jennfo.baldursdttir@gmail.com