ÚLLEN DÚLLEN DOFF

Nú hafa Danir áttað sig á því að það hefði verið hægt að koma í veg fyrir nærri helminginn af þeim morðum sem framin hafa verið af afbrýðisömum eiginmönnum og kærustum þar í landi hefði lögregla haft sérfræðinga með þjálfun í því að greina á milli innhaldslausra og raunverulegra hótana.  Þetta er staðhæfting öryggiráðgjafans Henrik Bramsborg hjá PSF.  Þetta kemur fram á fréttavef Jyllands-Posten.

Ég veit satt að segja ekki hvort ég á að hlægja eða gráta.  Er vitneskjan um heimilisofbeldi ekki meiri en þetta?  Eftir áratuga langa fræðslustarfsemi kvennasamtaka á Norðurlöndunum erum við þá ekki komin lengra?  Hvernig væri fyrir dönsku lögguna að byrja að hlusta?  Það er talað um að þekkja "innhaldslausar" hótanir frá þeim raunverulegu!  Hótun er hótun og hlýtur alltaf að takast alvarlega.  Ég hélt það alla vega.  Það má vera að einhverjir sérfræðingar geti greint þarna á milli og þeir geti þá samkvæmt þessu fullyrt um hvaða hótunum beri að taka mark á og hverjum ekki.  Guð hjálpi þeim ef það klikkar og enn ein konan fellur í valinn.  Er það ekki svo ef við verðum fyrir líflátshótunum ókunnugra, að þeim sé ætíð tekið alvarlega?  Ég ælta nú rétt að reikna með því.  Það sama á að gilda um hótanir eiginmanna og kærasta.  Það hefur sýnt sig vera banvænt að gera það ekki.

Henrik Bramsborg segir: "Verði þetta gert af snjöllum einstaklingi með reynslu af slíkum málum, tel ég að það megi koma í veg fyrir 25% eða allt að helmingi morða þar sem fyrrum maki á í hlut".  Svo mörg voru þau orð.

Það ber að fagna því, að sjálfsögðu þegar yfirvöld vakna til meðvitundar um heimilisofbeldi.  En ég hélt að það væri almenn vitneskja nú orðið að svona hótanir verður alltaf að taka alvarlega en ekki nota eitthvað úllendúllendoff-kerfi við hverju skuli brugðist og hverju ekki.

Athugasemdir

[halkatla, 18.4.2007 kl. 12:59]

ég skil þig, ss skil þetta ekki

[Heiða B. Heiðars, 18.4.2007 kl. 14:15]

úff... skelfing! Eins og í svo mörgu varðandi konur er þetta spurning um hugarfar. Hugarfarið hefur verið á þann veg að þetta sé "einkamál" og þess vegna í lagi að stinga hausnum oní sandinn endalaust