BARA FÓTUR Í ÞETTA SINN..

..en Richards glæsilegi og heimsins mesta krúttibúlla hefur einu sinni amk.  dúndrað gítarnum í hausinn á Wood.  En það var vegna þess að Wood var enn í heróíni en Richards var þá hættur í því dópi og kominn yfir í kókaín og önnur heilbrigðari efni.  Honum var skiljanlega misboðið að Woods væri enn í svona "heavy" dópi. Erðanemavon að manninum hafi blöskrað.  Nú er Woods refsað fyrir að vera edrú.  Mér finnst að glæsilegasta mannflak í heimi sé farinn að linast í refsingageiranum.  Bara smá spark í löpp, tertubiti og ekkert annað.

Sendi Woods samúðarkveðjur vegna brennivínsleysis á tónleikaferðum.  Það getur ekki verið neitt grín að burðast um með sjálfa sig út um allan heim.  Hann á samúð mína alla.

Keith Ritchard með sinn heilbrigða lífsstíl er áfram í uppáhaldi hjá mér.  Ég er gjörsamlega blind á þennan draumaprins margra kvenna.

Richards sparkaði í Wood á sviði

Athugasemdir

[Guðríður Hrefna Haraldsdóttir, 11.4.2007 kl. 14:22]

Rosalega er ævisaga Keiths skemmtileg ... las hana fyrir nokkrum árum. Hafði aldrei heyrt um svona blóðskipti áður til að komast í USA. Ef ég man þetta rétt. 

[Jenný Anna Baldursdóttir, 11.4.2007 kl. 14:29]

Á þessa æfisögu og hún er nokkuð merkileg.  Hann fór til Swiss reglulega til að skipta um blóð, þá losnaði hann við fráhvörfin af dópinu.  Djísús.  Samt finnst manni hann krútt

[Ester Júlía, 11.4.2007 kl. 16:07]

Mér finnst hann líka krútt .  

En elsku Jenný..þú misskildir það sem ég sagði við Dúu og snérir þessu við.. ég var að meina að EF hún væri tuttugu kg þyngri þá mætti hún fara að hugsa sitt ráð .  Dúa er rosalega fín eins og hún er, og lítur ofsalega vel út.

[Kristján Kristjánsson, 11.4.2007 kl. 17:05]

Ég las þessa bók og það var ótrúleg lesning. Trúði því eftir lesturinn að Keith Richards dó fyrir mörgum árum, hann veit bara ekki af því

[bara Maja..., 11.4.2007 kl. 20:48]

Eruð þið ekki að djóka með að hann sé krútt ??? stelpur kommon !!! blahh

[Jenný Anna Baldursdóttir, 11.4.2007 kl. 21:31]

Sko krútt Maja mín vegna þess að hann á í raun ekki að vera á lífi.  Hann er á einhverjum sér-samning við almættið maðurinn.  Já hann ER litríkur persónuleiki svona þegar glittir í hann.  Það sýnir bókin um hann framá.  Svo er ég Stónsaraaðdáandi.  Það er svona "you had to be there" tilfinning frá því í denn.  Ég er svo gömul.

[Ásthildur Cesil Þórðardóttir, 12.4.2007 kl. 09:44]

Keith er í hrukkudýrafélaginu

[Stefán (IP-tala skráð) 12.4.2007 kl. 11:21]

Keith Richards er án efa litríkasti karakter rokksins frá upphafi og frábær tónlistarmaður að auki. Hann er í miklu uppáhaldi hjá mér bæði sem karakter og tónlistarmaður. Hans verður sárt saknað þegar hann loksins fer fyrir alvöru.

Stefán