OG ÉG VISSI ÞAÐ..

..að megrúnarkúrar duga skammt og illa fyrir þorra manna.  Nú hefur verið sýnt fram á þetta með nýrri rannsókn.  Það mun sem sé ólíklegt að megrun leiði til langtíma þyngdartaps hjá fólki og að megrunarkúrar geti beinlínis verið heilsuspillandi.

Ég sem er með meirapróf á megrunarkúra sem ég ástundaði grimmt í fjölda ára samfara átröskun, veit að flestir þessara kúra eru allir undir sömu sökina seldir.  Um leið og þeim er hætt þá kemur fyrrverandi kílóafjöldi nú ákveðnari en nokkru sinni um að vera komnir til langdvalar.  Ekki það að ég hafi verið svona feit (er einhver að segja að ég hafi verið feit?) heldur "fannst" mér ég vera það.

Núna er ég grönn og fín og ég þakka það edrúmennskunni og breyttu mataræði vegna sykursýkinnar sem ég skarta nú með (nenni ekki að fara út í fílafitusöguna enn einu sinni) og það er komið til að vera.  Nú er stærsti parturinn á disknum grænmeti, svo kjöt eða fiskur.  Einfalt og gott. Gerir kraftaverk fyrir heilsuna

Ég á DÁSAMLEGA vinkonu sem bloggar á moggabloggi og heitir DÚA og hún skrifar þessa dagana um sig eins og það þurfi talíu (heitir það ekki talía þetta þarna sem lyftir vörum, gámum og sollis?) til að koma henni á milli staða. Kræst.  Hvað um það hún gerir megrunina sína ævintýri líkasta en hún þarf að ná af sér nokkrum kílóum.  Hún er að breyta mataræðinu og úðar í sig fæðubótarefnum (ætla sko ekki að auglýsa Herbalive) og hagar sér eins og sannur atvinnumaður í greininni þrátt fyrir að hún hafi alltaf verið í laginu eins og eldspýta. 

Så var det med den saken mina vänner.

Einhver æstur í hamborgara?

Megrunarkúrar þjóna litlum tilgangi fyrir meirihluta fólks að sögn vísindamanna

Athugasemdir

[Sigfús Sigurþórsson., 10.4.2007 kl. 14:55]

Mikið er ég sammála þér, að sjálfsögðu þarf fólk að byrja á að breita lífstýl sínum, það er bara númer 1 og upp í 100.

Hinsvegar er hægt að segja um megrunaraðferðir eins um Jón, það er ekki sama hvort það er Jón eða sér Jón.

[Jenný Anna Baldursdóttir, 10.4.2007 kl. 15:59]

Hehe ég féll fyrir átvaglinu. Algjörlega innstilltur á snæðinginn, með hjálminn svona just in case

[Svava frá Strandbergi , 10.4.2007 kl. 16:36]

Dúa er líka bloggvnkona mín og ég var einmitt að pæla í Herbalife eins og hún þar sem ég hef þyngst um 10 kg. síðan ég hætti að reykja fyrir hálfu ári. En svo benti  annar bloggvinur minn mér á  töflur sem eiga að auka brennsluna. 

Ég er svona að pæla í hvað ég eigi að gera. En auðvitað þarf fyrst og fremst að breyta um lifsstíl og kannski hjálpa þessar töflur eitthvað með.  

[Jenný Anna Baldursdóttir, 10.4.2007 kl. 16:49]

Það getur verið að þú sért í breyttum lífsstíl Dúa mín, en þú ert nú fyrst og fremst krútt.

Guðný: Breyta mataræði, sleppa salti og sykri, bara það breytir heilmiklu. 

[Ásdís Sigurðardóttir, 10.4.2007 kl. 18:25]

Hæ skvísur. Ég hitti Svövu í dag áður en ég keyrði austur, skoðaði fallegu myndirnar hennar og sæta kisuprinsinn. Ég ætla líka að kalla þetta breyttan lífsstíl hjá mér, sé ekki fram á að geta notað hækjur því hendurnar bera mig ekki uppi. Any ways þið eruð krútt, feitar sem mjóar .

[halkatla, 10.4.2007 kl. 19:02]

já ég er einmitt að spá í "breyttum lífsstíl" eftir hið ógurlega páskaeggjaát um nýliðna helgi en það' verður farið að öllu með gát...

[Jenný Anna Baldursdóttir, 10.4.2007 kl. 19:16]

Þið eruð allar MEGADÚLLUR

[Jenný Anna Baldursdóttir, 10.4.2007 kl. 20:57]

Sko Dúa, róleg með bólurnar.  Það er kókið

[Ragnheiður , 10.4.2007 kl. 21:48]

Megrun ? Hvað er nú það ??  Kannast ekki við fyrirbærið sko

[Jóna Á. Gísladóttir, 11.4.2007 kl. 00:01]

Breyttur lífsstíll er málið stelpur. Og hann getur verið í formi Herba, eða  meira grænmeti eða göngutúrar eða hvað sem er sem lætur ykkur líða vel. Málið er bara að fara ekki offorsi og ætla að gleypa heiminn (myndlíking). Góðir hlutir gerast hægt.

[Sædís Ósk Harðardóttir, 11.4.2007 kl. 09:09]

Úff hvað ætli maður hafi oft prófað hina og þessa megrunakúra, ekkert mál að léttast á no time en að halda því er miklu erfiðara.  Því er skynsamlegegra að breyta um lífsstíl. En það er fjandanum erfiðara.........