HVUNNDAGUR GJÖRSVOVEL

Nú tekur hversdagsleikinn við á morgun.  Mikið skelfing er ég fegin.  Þetta gerist á hverju ári fyrir jól og páska.  Konu hlakkar alveg svakalega til.  Tvisvar verður sá feginn er á steininn sest.  Ég er nefnilega alltaf jafn glöð þegar hátíðunum lýkur og allt verður eins og það á að vera.  Enda eins gott því sem betur fer tekur eitt við af öðru.

Á morgun ætla ég að skoða í uppskriftabókina og leita að hollu fæði fyrir mig og mína.  Er með vægt ógeð á steikum og fíneríi.  Aðalsmerki þessarar viku verður pottur ekki panna.  Soðið í öll mál.  Hm.  Ég ætla líka að fara til læknis á morgun, vinna verkefni sem mér var falið fyrir páska, þýðingarvinnu, sem ég geymi fram yfir hádegi.  Aöl. er morgundagurinn ókannað ævintýri.

Ég er búin að liggja í bókum yfir páskana.  Þegar nýju lesefni sleppti réðst ég á áðurlesnar bækur og er komin með hámarks höfuðverk.  Hvað er í gangi hjá ríkissjónvarpinu?  Þarf að finna til hundleiðinlegt efni í hvert sinn sem helgidagar ganga í garð?  Fyrir utan stjórnmálaumræðuna í kvöld og myndina um Che Guevara, þá hef ég ekki fundið neitt nema Gasolinþáttinn í gærkvöldi.  Kannski er það nóg.  Þrjú prógrömm frá miðvikudagskvöldi fram á mánudag.  Hm.  sennilega.  Ég bakka með þetta.

Ég þarf að fara að læra dans, klífa fjöll, veiða lax og sauma út ef ég á að eiga eitthvað líf!! Þ.e. eins og sumir hér í bloggheimum sem eru alltaf að gera eitthvað ýkt spennandi og blogga um það.  En svo má taka sér skáldaleyfi og ljúga eins og sprúttsali upp á sig svaðilförum og lífreynslusögum. Ég geri það á morgun.  Það verður ekki við hæfi fólks undir 25 ára aldri.

Síjúgæs

Athugasemdir

[Katrín Anna Guðmundsdóttir, 10.4.2007 kl. 00:26]

Ekki gleyma endursýningunni á Whale Rider sem var kl. 12:30 á föstudaginn... mögnuð mynd og algjört must að sjá.

[Jenný Anna Baldursdóttir, 10.4.2007 kl. 00:34]

Dem, er ég þá ekki búin að missa af henni?  Það væri sniðugt að kvarta minna og LESA sjónvarpsdagskrána.

[Katrín Anna Guðmundsdóttir, 10.4.2007 kl. 00:43]

Jú búin að missa af henni í sjónvarpinu - nema RUV ákveði að endursýna aftur En hún er til út á videoleigu... Þessi mynd og Iron Jawed Angels eru á topplistanum yfir almennilegar myndir.

[Ásthildur Cesil Þórðardóttir, 10.4.2007 kl. 10:44]

Hlakka til að lesa djúsí reynslusögur Jenný mín.  Ég er orðin nógu gömul sko samkvæmt skalanum.

[Jenný Anna Baldursdóttir, 10.4.2007 kl. 14:30]

Búin að sjá Iron Javed Angels en það er með gæðamyndir eins og bækurnar, alltaf gaman að sjá aftur og aftur.  Eins og að hitta gamla vini sem manni þykir vænt um.  Takk Katrín Anna

Ásthildur mín einhvern tímann í dag kemur SVO djúsí reynslusaga að ég verð örgla sett inn af siðferðislögreglunni