AUSTURLAND AÐ GLETTINGI

Hvar er Glettingur?  Hann er fyrir austan.  Ég veit ekki meir.  Landafræðikunnátta mín er lítil og ekki til að flagga á mannamótum.  Frá unga aldri hlustaði ég á veðurfregnir yfir kvöldmatnum og "Austurland að Glettingi" var eitt af því sem mér fannst hljóma svo undarlega, framandi og forvitnilega.  Merkilegt þó að ég skyldi aldrei spyrja.  Fyrir einhverjum árum síðan barst þetta í tal milli vinkvenna og við vorum allar jafn blánkar yfir "Austurlandi að Glettingi" nema ein að austan sem vissi að Glettingur var fjall þaðan sem hún kom.  Ég sá strax fyrir mér að þetta hlyti að vera merkilegt fjall þar sem þarna var veðurmæling (hm).  Viss um að við Gletting er ekki nokkur kjaftur, brimið skellur þarna á fjallinu og þegar dimmir á vetrum er umhverfið verulega draugalegt. Muhahahaha.  Kann einhver nánari deili á þessari títtnefndu mælingastöð?

Athugasemdir

[Ester Júlía, 9.4.2007 kl. 11:23]

Hér játa ég vankunnáttu mína á landafræði . Hef ekki guðmund um hvar þetta Glettningi er.  .  Ábyggilega hæsti punkturinn á stóru svæði,  ógeðslega kalt þar og brjálæðislegt rok brrrrrrrr. Pant ekki fara þangað .   

[Jenný Anna Baldursdóttir, 9.4.2007 kl. 11:40]

Jú Ester mín við drífum okkur með Gletting þegar hann er orðinn ferðafær, förum í sól og sumaryl, grillum rjúpur á fæti () og drekkum sódavatn.  That´s live

[Heiða B. Heiðars, 9.4.2007 kl. 11:44]

Hehe.... þegar ég var lítil hélt ég alltaf að það væri Austurland að Grettingi. 

[Edda Agnarsdóttir, 9.4.2007 kl. 12:46]

ÉG VARÐ SVO FORVITIN AÐ É G HRINGDI Í SJÓMANNINN BRÓÐUR MINNN KJARTAN OG SPURÐI HANN SPJÖRUNUM ÚR.

það var til hljómsveit sem hét/heitir Austurland að Glettingi sem varð til í Menntaskólanum á Egilsstöðum fyrir nokkrum árum. En Glettingur er norðan við Loðmundafjörð eða milli hans og Borgarfjarðar Eystra. Þar var einu sinni viti og er kannski enn í gangi sjálvvirkt, veit ekki en þar var vitavörður og húsin standa þar ennþá, þetta er náttúrulega argasta einangrun. Þetta er líklega með austustu oddum landsins en þá er Gerpur eða kannski á maður að segja Gerpir austastur allra og liggur einhversstaðr rétt utan við Norðfjörð. Gaman að þessu!

[Ester Júlía, 9.4.2007 kl. 13:12]

Ég beygði þetta meira að segja vitlaust .... Glettingi! 

YES Jenný, drífum okkur að Glettingi í sumar ..grillum rjúpur..hm.... og tökum nafnlausa hundinn með!

[Jenný Anna Baldursdóttir, 9.4.2007 kl. 14:41]

Takk Edda gott að eiga gangandi alfræðiorðabók að bróður.  Já við höldum bloggvinkonumót við Gletting í sumar með "nafnlausa" hundinum líka Ester mín.

[halkatla, 9.4.2007 kl. 17:58]

gaman að svona fjallapælingum

Gerpir er milli Vöðlavíkur og Sandvíkur held ég... ég á að hafa séð hann, en ekki Gletting - annars veit ég ekkert um innlenda landafræði, það er hrikalegt