SVONA RÉTT FYRIR SVEFN

 

Úff hvað kona er orðin húrrandi þreytt.  Svona er þetta á hátíðum, það er hangið fram eftir öllu.  Þetta hefur verið um margt góður dagur.  Byrjaði ekki beinlínis á hamingjusveiflu en ég skrifaði um það hvernig mér leið og ég fór strax að hressast.  Ég þakka öllum sem sendu mér hvatningu og falleg orð.  Það hafði hreint ótrúleg áhrif.  Allir dagar geta ekki verið dúndur góðir dagar.  Lífið er alltaf aðeins upp og niður.  Þegar ég hugsa til daganna meðan ég ráfaði um sem fárveikur alki, hversu svart lífið var og allt virtist vonlaust og svo þessir smá afturkippir sem ég er að fá af og til í dag, þá eru þeir hjóm eitt í samanburði.  Lífið er æði og hver dagur er nýtt ævintýri.

Ég fer sátt að sofa í kvöld.  Vorið er að koma þó óneitanlega hafi ég orðið smá langleit þegar ég talaði við dóttur mína í London í kvöld.  Hjá þeim var sól og 22. stiga hiti í dag og þau eyddu deginum úti að grilla og tjilla.  Skelli hér inn mynd af Oliver sem var á stuttermabol eins og um hásumar væri. En er ég hissa á að við skulum ekki vera komin með sumarveður? Nebb þá væri ég nefnilega ekki í lagi því við búum á Íslandi.  En það er í lagi að láta sig dreyma.

Góða nótt

Athugasemdir

[Guðríður Hrefna Haraldsdóttir, 9.4.2007 kl. 02:02]

Vonandi sefur þú rótt og þig dreymir hugljúfa drauma. Gaman að sjá Oliver litla ... og dúfurnar. Hvar eru allar íslensku dúfurnar? Líklega flognar til London. 

[Jenný Anna Baldursdóttir, 9.4.2007 kl. 02:41]

Stelpur er á leiðinni í rúmið.  Dúfurnar eru allar í London. Gúdd næt görls

[Ásthildur Cesil Þórðardóttir, 9.4.2007 kl. 10:46]

Hlýjar hugsanir og falleg orð hafa alltaf góð áhrif og þau kosta ekki neitt frekar en brosið.  Það er gott að muna að eitt bros getur bjargað mannslífi.  Við skulum muna það. 

[Ester Júlía, 9.4.2007 kl. 10:52]

Gott að þú hresstist Jenný mín. Já það er ótrúlegt hvað falleg orð og hvatning geta gert fyrir mann . Vona að þú hafir sofið hreint frábærlega og byrjað nýjan dag dásamlega. Allt annað er að baki.