GLÆSILEGASTA MANNFLAK Í HEIMI.....

tók föður sinn í nefið.  Vinurinn kemur ekki á óvart fremur en fyrri daginn, gengur alltaf of langt.  Hann blandaði ösku föður síns saman við kókaín og sniffaði hvorutveggja í nösina.  Krúttið   Hann sagði að stöffið hafi verið nokkuð gott og hann væri enn á lífi.  Sko þetta glæsilegasta mannflak í heimi heldur það.  Þannig er mál með vexti að Stones eru yfirleitt kynntir sem The Rolling Stones ásamt Keith Richards (af því að Keith veit ekki að hann er dauður).

Annars er Keith einn af skrautlegri karakterum í rokkinu og ekki hægt annað en að brosa að allri vitleysunni í honum, botnlausri kvennfyrirlitningunni, gengdarlausri sjálfseyðingarhvöt og algjörum skort á háttvísi.  Hann er bad boy.  Keith er annars frábær tónlistarmaður, gítaristi og lagasmiður og þess vegna fyrirgefst honum margt.  Þið verið að athuga að hann var orðinn miljónamæringur mjög ungur og ól sig upp sjálfur.  Svo má ekki gleyma því að maðurinn er gamalmenni en hefur bara ekki fattað það ennþá.  Þannig er örugglega hægt að lifa að eilífu.

Úje, úje

Tók föður sinn í nefið

Athugasemdir

[halkatla, 4.4.2007 kl. 00:22]

Hann er merkilegur, svo ekki sé meira sagt, alger furðufugl og samt finnst manni hann töff, úff það er bara hrikalegt

[Anna Ólafsdóttir Björnsson, 4.4.2007 kl. 00:30]

Ég nota tónlistina sem afsökun fyrir því að fíla hann, í botn. Hún dugar mér vel, hann er alla vega mjög samkvæmur sjálfum sér.

[Jenný Anna Baldursdóttir, 4.4.2007 kl. 00:55]

Já mannflakið er samkvæmt sjálfum sér og svo eru Stones geggjaðir.

[Þorsteinn Gunnarsson, 4.4.2007 kl. 04:42]

Mér finnst nú hól að kalla hann GLÆSILEGASTA hræið.. en hann er óneitanlega einn af orginölunum og riffin hans hafa vissulega glatt mann í gegnum tilveruna. Kannski er hann bara einn af þessum "sem á að vera sukkari" enda er svo sem ekki eins og hann hafi ekki æft sig þokkalega...

[Ester Júlía, 4.4.2007 kl. 10:01]

Hann er nú samt soldið sexý garmurinn

[dodds (IP-tala skráð) 4.4.2007 kl. 10:15]

Keith er stórmerkilegur bráðgáfaður maður,fyrir utan náttúrulega að vera meðlimur í bestu hljómsveit í heimi. mikið sniðugra að taka foreldra sína í nefið heldur en að sáldra þeim yfir himalæja.

[Jenný Anna Baldursdóttir, 4.4.2007 kl. 10:24]

Sammála Dodds en eitthvað af karlinum hlýtur að hafa farið í "vaskinn", maðurinn hefur ekki geta sniffað allan pabbann í nösina.

[Stefán (IP-tala skráð) 4.4.2007 kl. 10:34]

Meistari Keith Richards er einn allra besti og áhrifamesti tónlistarmaður sögunnar, frábær lagasmiður, frábær gítarleikari, en það er persónan sem mest er á milli tanna fólks og það orðspor sem af honum fer hefur hann auðvitað skapað sér sjálfur. Leiðrétting vegna þess sem að ofan er skrifað um að hann hafi gifst stúlku og byrjað með henni þegar hún var 13. Það var ekki Keith heldur Bill Wyman bassaleikari, sem reyndar er þeirra langelstur og þess má geta að móðir Mandy hinnar ungu gerðist kærasta sonar Bill Wyman. Þannig að tengdamóðir Bill var þá líka orðin tengdadóttir hans á þessu tímabili.

Stefán

[Jenný Anna Baldursdóttir, 4.4.2007 kl. 11:00]

Það má nú kenna karlanganum um margt en hann giftist ekki barninu Mandy. Hann er skemmtilegur karakter karlinn og ég las ævisöguna hans af mikilli áfergju. 

[Ásthildur Cesil Þórðardóttir, 4.4.2007 kl. 11:38]

Sérstakur karakter slíkir gefa lífinu gildi, fá mann til að meta stöðuna og finna eitthvað nýtt í sjálfum sér.