AÐ VANTA BÆÐI SMÁTT OG STÓRT

Ansi mikið stress í dag, svona fyrripartinn.  Úff ég fór í IKEA með Sörunni. Hef ekki farið áður í nýju búðina.  Margir hafa sagt mér að það sé hreint ótrúlega stressandi að ganga í gegnum þessa risaverslun, mikið skvaldur og óróleiki í loftinu.  Þetta fólk hefur rétt fyrir sér.  Ég fór þarna inn með það í huga að kaupa eldföst mót (hehe) og gardínustöng. Ég fór í annarlegan ham, hlýtur að vera loftræstingin og lyktin af sænsku kjötbollunum.  Saran fór aðallega til að kaupa sturtuhengi.  Við gengum hvern kílómetran á eftir öðrum um endalausa ganga verslunarinnar og sáum auðvitað fullt af áhugaverðum hlutum.  Það er mjög nytsamlegt að fara í búðir eins og IKEA, ég hafði tam ekki hugmynd um að mig vantaði eftirfarandi: flísteppi, barnalampa, hnífapör, grillpönnu, páskablóm, diskaþurrkur, smáhnífa ofl. ofl., en allt þetta vantaði mig sárlega.  Úpps hvað hefði ég gert ef ég hefði nú ekki slysast til að drífa mig í þennan verslunartúr? Ég má ekki hugsa þá hugsun til enda.

Það má hins vegar liggja á milli hluta að gardínustöngin gleymdist.  Sturtuhengið hennar Söru gleymdist líka.  Það er hið besta mál við drífum okkur aftur á morgun. Ég er viss umm að það er fleira smálegt sem mig vantar, þarf bara að skreppa í IKEA til að komast að því.  Á morgun flýg ég á vit húsgagna- og smávöruverslunarinnar.

 

Ingvar "puss och kram från mig"

 

Athugasemdir

[Ásdís Sigurðardóttir, 3.4.2007 kl. 21:54]

Ég er komin með svo mikinn stórverslana þroska að ég get labbað í gegn án þess að kaupa neitt, nema kannski það sem mig vantar, ef það er þá til.  Annars hef ég bara farið einu sinni þarna í gegn og mér finnst það horrible.

[Katrín Snæhólm Baldursdóttir, 3.4.2007 kl. 22:16]

Fyndið að öllum finnst agalegt að fara í IKEA en samt er alltaf troðið af fólki þar?

[Jenný Anna Baldursdóttir, 3.4.2007 kl. 23:18]

Dúa Dökka: Þetta er Ingvar hinn sænski, eigandi IKEA aulinn þinn

Ásdís: Það er horrible í svona stórri búð, ég er líka alltaf svo hrædd um að mér sjáist yfir eitthvað´

Katrín: Give it a rest.

[Katrín Snæhólm Baldursdóttir, 4.4.2007 kl. 00:02]

Resting.......

Samt skritið!

[Ásthildur Cesil Þórðardóttir, 4.4.2007 kl. 11:41]

Meira að segja dreyfbýlistúttan ég hef komið þarna í nýju verslunina.  Hún er meira að segja jafnstór eða stærri en Ikea í Vínarborg, hvar ég fór með dóttur minni og kærasta því þau voru að kaupa allskonar fyrir litla barnið sem var að fæðast.  En það er sama hvar maður fer í Ikea, sænsku kjötbollurnar klikka sko ekki. 

[Jenný Anna Baldursdóttir, 4.4.2007 kl. 11:52]

Hehe Ásthildur þær sænsku standa alltaf fyrir sínu.  Mér er sagt að okkar IKEA sé nærst stærsta verslun þeirra í heiminum.  Hvað sem satt er nú í því.