ÞAÐ ÆTLAR AÐ TAKA TÍMANN SINN

Nú hefur forsætisráðherra skipað nefnd til að kanna starfsemi vist- og meðferðarheimila fyrir börn.

Fyrsta verk nefndarinnar verður að kanna starfsemina á Breiðavík og er ekkert nema gott eitt um það að segja.  Það sem mér finnst hins vegar vont mál er að nefndin á að skila könnun sinni um Breiðavíkurbörnin í síðasta lagi þ. 1. janúar 2008.  Það getur varla tekið allan þennan tíma, þrátt fyrir að ég viti að á bak við svona vinnu er mikil yfirlega.  Mér finnst að úrlausn í máli þessara manna sem dvöldu á Breiðavík sem börn verði að hafa forgang fram yfir flest annað.  Það er nóg búið að dynja á þessum mönnum og mér finnst að stjórnvöld eigi að bæta þeim það upp. 

það er merkilegt eftir að málið komst í hámæli hversu margir vissu eitthvað en báru sig aldrei saman.  Ekki í fyrsta skipti sem þagað var yfir vondum hlutum á kostnað valdalausra barna.

Nefnd til að kanna starfsemi meðferðarheimila skipuð

Athugasemdir

[Ásdís Sigurðardóttir, 3.4.2007 kl. 01:41]

Ég held að þeir séu alveg til í að bíða fram í janúar, ef það gæfi þeim þá vissu að þetta skilaði einhverju fyrir þá. Er hræddust um að þetta sé enn ein glataða nefndin sem skilar engu fyrir fórnarlömbin

[Ásdís Sigurðardóttir, 3.4.2007 kl. 01:45]

Veistu, ég held að þeir væru alveg til að bíða fram í janúar, ef þeir hefðu von um að eitthvað gott gerðist í þeirra málum, en er þetta ekki bara ein nefndin enn ??

[Ásdís Sigurðardóttir, 3.4.2007 kl. 01:46]

sorry, tölvan að stríða mér, ætlaði ekki setja nema eitt blogg inn, en allt fór í kerfi, er moggabloggið nokkuð að bila??