ÞEGAR SÓLIN SKÍN..

..þá vaknar allt til lífsins.  Sem er auðvitað hið besta mál.  Í dag fór ég í hreingerningarham og þreif allt sem varð á vegi mínum.  Þar að auki þvoði ég þvott og er enn að.  Mamma hringdi í mig og hún er að strauja út á svölum!! Ég var ekki hissa á að hún væri út á svölum en að strauja gerir einhver það ennþá?  Ég er þá að meina fyrir utan þær flíkur sem maður er að skella sér í og hafa krumpast í þvotti.  Mamma mín straujar diskaþurrkur, sokka, handklæði, rúmföt og allt þar á milli.  Hún gerir það af mikilli samviskusemi og hún hefur trúað mér fyrir því að hún sakni "þvottadagana" þegar hún fór í þvottahús að morgni og kom upp að kvöldi.  Þá var búið að leggja í bleyti þvo í relluvél, skola, þurrka og hengja á snúrur.  Manneskjan er með undarlegan smekk stundum.  Ég get svarið það.

Ég sá ryk allsstaðar hér í dag.  Mikið rosalega verður allt sýnilegt í sólinni. Það var þétt ryklag yfir öllu og gluggarnir í stofunni munstraðir með lófaförum eftir Jennslubarnsins. Ég elska hana ofar öllu þessa stelpu en lófaförin á glugganum eru "túmöts" eða þannig.

Nú dríf ég mig í þvottahúsið og verð þar í 10 mínútur.  Guði sé lof að þeir tímar eru liðnir að maður þurfi að taka með sér nesti í þvottahúsið.

Athugasemdir

[Jenný Anna Baldursdóttir, 28.3.2007 kl. 16:15]

Hehe ég myndi allavega ekki mæta þar, það er á hreinu

[Sigfús Sigurþórsson., 28.3.2007 kl. 16:16]

ÞAð er eins gott að fá ekki svona pjattrófu í heimsókn.

[Sædís Ósk Harðardóttir, 28.3.2007 kl. 17:04]

humm strauja hvað er það

En það er satt það lifnar allt við þegar sólin fer að skýna

[Ásdís Sigurðardóttir, 28.3.2007 kl. 19:18]

Ég á mömmu sem er að verða 82 og doldið lasin dúllan, en hún straujar enn, brækurnar hans pabba og t-shirts líka ásamt náttl. öllu hinu, hún ætlar sko ekki að hafa tauið hart, hún er hætt að geta skúrað og sér líka ekki eins vel, þannig að þetta passar vel saman. Eina sem ég strauja í dag eru skyrtur eiginmannsins, efnalaugin sér um rest. Þegar sólin skín, eins og í dag, fór ég bara út til að sjá ekki rykið, kom svo bara heim með blóm og dúll

[Jenný Anna Baldursdóttir, 28.3.2007 kl. 19:29]

Krúttið hún mamma þín Ásdís!

[Guðríður Hrefna Haraldsdóttir, 28.3.2007 kl. 20:06]

Voða verða allir eitthvað glaðir þegar sólin skín ... fólkið í vinnunni var að fríka út!

[Ásthildur Cesil Þórðardóttir, 28.3.2007 kl. 20:13]

En hvað þú ert dugleg.  Þú mátt koma til mín þegar þú ert búin hjá þér hehehe.