AÐ KOMA SAMAN FÓLKI

Góð vinkona mín sem var að ræða um það við mig nýlega að hún væri til í að fara í samband eftir nokkra ára piparstúlkulíferni.  Hún spurði mig í bríaríi hvort ég þekkti einhvern liggilegan (nei hún sagði reyndar almennilegan mann).  Ég fíflið sagði samstundis já, ég þekkti einn, töluvert eldri en hún, töff náungi, firna góður maður og blablabla. Eftirfarandi samtal átti sér stað:

Vinkona: (vk) Hvernig lítur hann út, ég meina er hann stór, lítill, mjór, feitur, sköllóttur eða hvað?

Ég fíflið (éf) Hann er meðalstór, í meðalholdum með fallegt hár og mjög laglegur.

vk: Drekkur hann eða er hann með einhverja fíknisjúkdóma (systir Þórarins Tyrfingssonar??)

éf: Nei en hann fór í meðferð fyrir 10 árum.

vk: Sjitt sem sagt fanatískur vínleysismaður. Allt einhver fíbbl sem þú þekkir. Hvað gerir hann?

éf: Hann er tónlistarmaður og hefur verið síðan ég man eftir er það ekki nógu gott? (allt í einu er ég farin að selja henni þennan mann sem er blásaklaus og hefur kannski ekki minnstu löngun til að fara á séns)

vk. Á hann börn eða margar fyrrverandi hvernig er hann í rúminu og er hann nískur, er hann nokkuð í fjárhagskröggum???

éf: Eitt barn fullorðið, ein fyrrverandi eiginkona, veit ekki, veit ekki og veit ekki (stend mig að því að vera farin að pára niður á blað svo ég geti spurt manninn þessara spurninga. Omg ég get ekki spurt manninn að því hvernig hann er í rúminu)

vk: Er hann góður við börn, á hann íbúð, er mamma hans á lífi en pabbi hans og hvað á hann mörg systkini og skrifar hann og talar almennilega íslensku?

éf: Heyrðu ætlarðu að giftast honum, skrifa um hann grein eða ráða hann í viðgerðir á húsinu.? Égnennesseggi. Bæjó

Síðan er vinkonan búin að fara og taka manninn út.  Hún byrjaði á að "gúggla" hann, hringja svo í hann, skoða íbúðina og er núna komin með hann upp á arminn.  Ég fer hjá mér þegar þau koma í kaffi, er með einhverja sektarkennd og finnst að þessi vinur minn hafi verið tekinn á sænginni og hann ætti að vita um rannsóknarvinnuna sem liggur að baki þessu sakleysislega sambandi sem hann er nú kominn í fyrir einskæra "tilviljun".  Mér líður eins og ómerkilegri stefnumótalínu.

Athugasemdir

[Ólafur fannberg, 28.3.2007 kl. 02:17]

[Guðríður Hrefna Haraldsdóttir, 28.3.2007 kl. 08:28]

Ja, hérna, þú finnur einhvern sætan fyrir mig næst ... 35-45 ára! Takk! Inn á hvaða reikning á ég að leggja þóknunina? Múahahhaha

[Jenný Anna Baldursdóttir, 28.3.2007 kl. 08:34]

Það er "cash" Gurrí mín, ég þekki þennan "45 ára gamla mann í Vatnsmýrinni sem safnar þjóbúningadúkkum"

[Hrönn Sigurðardóttir, 28.3.2007 kl. 08:40]

...tekurður klink?

[Ásthildur Cesil Þórðardóttir, 28.3.2007 kl. 08:41]

Sennilega er hann alsæll með sambandið.  Þér hefur örugglega tekist að láta gott af þér leiða. 

[Ibba Sig., 28.3.2007 kl. 12:37]

Ertu búin að spyrja hana hvernig hann er í beddanum? Hún hlýtur að vilja ræða það.

[Jenný Anna Baldursdóttir, 28.3.2007 kl. 12:42]

Ibba búin að því.  Fékk "stærð" mannsins upp á sentimeter, bólfimi hans eða var það skortur á henni?

[Jenný Anna Baldursdóttir, 28.3.2007 kl. 21:27]

Bíddu nei þetta ert ekki þú þetta er Sigþr....frrruuuuuusssssssssssss