DÓMAR HEIMSINS Í TILEFNI DAGSINS

 

 

Verð bara svona í tilefni mánudagsins að skella inn því ljóði sem mest hefur hvatt mig áfram í gegnum árin.  Þetta ljóð hef ég í áranna rás skrifað inn í hvert einasta ferminga- afmælis- og útskriftakort til stúlkna sem ég þekki. Mér finnst ekki af veita að koma þessum heilræðum til kvenna þarna úti sem eru að tjá sig um klám, ofl. Það er illilega að þeim veist. Ég þarf vart að taka fram að dætur mínar fengu neðanskráð með móðurmjólkinni.  Þetta er líka ljóðið sem ég ætla að láta syngja yfir mér þegar ég er öll.  Jarðaförin auglýst síðar.

OGGJÖRIÐISOVELLLL......

Dómar Heimsins, dóttir góð
munu reynast margvíslegir
Glímdu sjálf við sannleikann
hvað sem hver segir.

Gakktu einatt eigin slóð
hálir eru hversmannsvegir
Skeyttu ekki um boð né bann
hvað sem hver segir.

Inn í brjóst þitt ein og hljóð
rýndu fast ef röddin þegir.
Treystu á þinn inni mann
hvað sem hver segir.

- ljóð: Jóhannes úr Kötlum.

 

Athugasemdir

[Jenný Anna Baldursdóttir, 26.3.2007 kl. 15:33]

OMG hvað er komið fyrir bloggið mitt?

[Hrönn Sigurðardóttir, 26.3.2007 kl. 15:36]

[Jenný Anna Baldursdóttir, 26.3.2007 kl. 15:46]

Hvað er að ykkur stelpur? Bara eintómar merkjasendingar broskallar og hjörtu, hm.... var ykkur svona tregt um tungu vegna bakrgunnsins eða vegna fegurðar ljóðsins?

[Hrönn Sigurðardóttir, 26.3.2007 kl. 15:55]

....mér er tregt um tungu að hræra...

[Katrín Snæhólm Baldursdóttir, 26.3.2007 kl. 16:01]

............................

[Jenný Anna Baldursdóttir, 26.3.2007 kl. 16:12]

Hm... konur gjörsamlegá ótútskýranleg fyrirbrigði