DAGURINN Í DAG

Þarna úti er félagi sem berst í fallhættu eftir margra ára edrúmennsku.  Ég vil að viðkomandi viti að ég hugsa til hans og við hann vil ég segja þetta:  Þú veist hvað þér ber að gera, þú hefur verkfærin og nú er bara að nota þau.  Ég læt fylgja "daginn í dag" en þar ættir þú að geta fundið eitthvað þér til hugarhægðar.  Taktu klukkutíma í einu, eða jafnvel mínútu.  Löngunin gengur yfir og það er hjálp að fá. Þú þarft bara að sækja hana.  Mundu að lögnunin til að hætta að drekka er það sem rak okkur af stað í upphafi, nýttu þér hugsunina um það.  Til þín fylgja hlýjar hugsanir frá mér en aðeins þú getur tekið skrefið. 

Þegar ég fór í mína áfengismeðferð í fyrra og ég var dregin frá grafarbakka og inn í hús, fékk ég lítið spjald sem heitir "Dagurinn í dag" að gjöf.  Þetta er lífsspeki sem ég held að allir hafi gott af að tileinka sér.

Í dag ætla ég að láta deginum nægja sína þjáning og ekki taka ákvörðun lengra fram í tímann en næstu tólf stundir.  Ég ætla ekki að reyna að brjóta til mergjar öll vandamál lífs míns.

Í dag ætla ég að vera ánægð.  Ég ætla að trúa því sem Abraham Lincoln sagði: "Flestir eru eins ánægðir og þeir einsetja sér að vera."

Í dag ætla ég að leitast við að fá andlegan styrk.  Ég ætla að læra eitthvað nytsamt.  Ég ætla að lesa eitthvað sem krefst áreynslu, hugsunar og einbeitingar.

Í dag ætla ég að laga mig eftir aðstæðunum en ekki reyna að breyta öllu í það horf sem mig langar til sjálfa.

Í dag ætla ég að þjálfa mig á þrennan hátt.  Ég ætla að gera einhverjum gott, án þess að nokkur viti. Ég ætla að gera eitthvað sem mér leiðist, aðeins til þjálfunar.  Og ef tilfinningar mínar eru særðar, ætla ég ekki að láta á því bera.

Í dag ætla ég að vera eins snyrtileg og mér er unnt, tala rólega og koma kurteislega fram.  Gagnrýna engan. Reyna ekki að bæta eða aga nokkurn annan en sjálfan mig.

Í dag ætla ég að fara eftir áætlun.  Líklega fylgi ég henni ekki nákvæmlega, en ég ætla að fara eftir henni í höfðudráttum.  Ég ætla að forðast tvo kvilla: hraða og ráðleysi.

Í dag ætla ég að hafa hálfrar stundar ró aðeins fyrir sjálfa mig, til hugleiðingar og hvíldar.  Á þessari hvíldarstund ætla ég að öðlast betra yfirlit um líf mitt.

Í dag ætla ég að vera æðrulaus.  Ég æla ekki að vera hrædd við að njóta þess sem fagurt er og trúa því að veröldin gefur mér á sama hátt og ég henni.

Í dag ætla ég að reyna að temja mér auðmýkt hjartans og vera ekki hrædd við að viðurkenna breyskleika minn.

Baráttukveðjur,

 

Athugasemdir

[Jenný Anna Baldursdóttir, 24.3.2007 kl. 14:34]

Í dag ætla ég ekki að reyna að aga...

Neh er á leiðinni að hringja til að láta þig hafa það óþvegið skömmin þín

[Ásdís Sigurðardóttir, 24.3.2007 kl. 15:07]

það er svona dagur hjá mér í dag,fór á fætur til að borða og lesa blöðin, fór svo upp í til að lesa blogg hvíla mig, hugsa að ég bara sofni svona í 2 tíma. Eiginmaðurinn skrapp út og ekkert truflar leti íhugunina. Eigið góðan laugardag dúlurnar mínar

[Sædís Ósk Harðardóttir, 24.3.2007 kl. 16:50]

Veistu þetta er frábært plagg.  Ég á svona spjald líka sem ég nota í Al-anon og þetta virkar svo sannarlega bara eins og 12 sporin gera Í dag ætla ég einmitt að laga mig að aðstæðum og ekki að reyna að breyta öllu í það sem ég vil að það sé.  Erfitt en skal takast