Ég er svo standandi hlessa.....

...á að Geir Haarde skuli telja samstarf Samfylkingar og VG versta kostinn. Eru ekki allir orðlausir yfir þessari skoðun forsætisráðherra?  Allt telst nú vera fréttaefni.  Ég hefði haldið að Geir teldi alla kosti versta í ríkisstjórnarsamstarfi þar sem Sjálfstæðisflokkur ætti ekki hlut að máli.  Nema ef takmark flokksins er nú um stundir að vera í stjórnarandstöðu.

Annars gengur þessi frétt Mbl. út á að kynna viðtal við Geir Hilmar í sunnudagsblaði Moggans og er það Agnes Bragadóttir sem á heiðurinn af því.  Það verður spennandi að fylgjast með hvort Geir hafi eitthvað nýtt fram að færa.  Hann ætlar að tjá sig ma um jafnréttismál og hverju flokkurinn hefur áorkað í þeim málum þá væntanlega á kjörtímabilinu.  Ég vona að hann tjái sig um fleira en þau mál því það getur ekki tekið upp meira rými en uþb, 2-3 línur með stóru letri.  Ég bíð spennt.

Geir H. Haarde telur samstarf Samfylkingar og VG versta kostinn

Athugasemdir

[Orri Harðarson, 23.3.2007 kl. 23:38]

Geir ætlar sér væntanlega að stíga í vænginn við Ingibjörgu Sólrúnu að afloknum kosningum, enda hefur hann áður fúslega viðurkennt að ekki sé alltaf hægt að fara með sætustu stelpunni heim af ballinu.  Annars er þetta ekki meint í hefðbundnum útlitsskilningi. Hann ætlar sér að nota hrörnandi Samfylkingu á sama hátt og Framsókn; sem hækju. Og hvað fáum við þá í vor? Jú, óbreytt ástand þar sem Samfylking stígur fram af varamannabekknum í stað Framsóknar, sem haltrar af velli. Þetta er orðinn raunverulegur "kostur" í fyrir Sjallana eftir að foringinn fór í Seðlabankann. Hann hefði aldrei viljað sjá Ingibjörgu í stjórnarráðinu.

[Jenný Anna Baldursdóttir, 23.3.2007 kl. 23:54]

Orri ég dey!  Hvað með allar spekulasjónir um meint daður íhalds við vi.gr.? Þetta er martraðarkenndur andskoti.  Takk fyrir innlitið

[Heiða B. Heiðars, 23.3.2007 kl. 23:57]

Hrædd um að Orri sé nokkuð nálægt þvi.. Sjallarnir verða að hafa blóraböggul og varla meira af slíku að hafa frá Framsókn... Hljóta að vera orðnir þurrausnir

En Jenný; Hvaða tvær línur væru það? Ég barasta man ekki eftir neinni ákvörðun/aðgerð sem átti að auka jöfnuð kynjana? 

[Jenný Anna Baldursdóttir, 24.3.2007 kl. 00:06]

Ég var bara að reyna að vera kurteis og minimalisk "at the same time" Heiða mín.  Sorry

[Heiða B. Heiðars, 24.3.2007 kl. 01:08]

No need to state the obvious Ef þú getur ekki á þér heillri tekið og veist ekkert í þinn haus, ert andlaus... þá er óþarfi að taka fram að þú sért orðlaus! Api! Héddna... fáðu þér einn Carlsberg

ER ekki annars kjörið að drekka áfengi með þessum lyfjum sem þú ert að éta? 

[Ásdís Sigurðardóttir, 24.3.2007 kl. 01:42]

Það er náttl. bara ótrúlegt að spá í það að Samfylk. fari í pool með Sjálfst.m.

en ég hef áhyggjur ef Samfylk. og V-Grænir fara saman, held við dettum aftur til andskotans ef svo verður

[Heiða B. Heiðars, 24.3.2007 kl. 01:46]

Ótrúlegt að sjá fólk flykkjast um sömu frasana eins og vel aldir páfagaukar!

Trúðu mér Ásdís, að mitt í öllu góðærinu í þessu velferðarríki er fullt af fólki sem upplifir sig akkúrat þar.. hjá andskotanum. En það er líklega í lagi af því að Geir Haarde ætlar að kippa því í lag núna.. Hingað til hefur hann hefur haft svo lítið svigrúm til þess blessaður

[Tómas Þóroddsson, 24.3.2007 kl. 02:28]

Er ekki súrt fyrirsjálfstæðisflokkinn að koma með loforðalista? búnir að hafa 16 ár.

Mér finnst ekkert í spilunum sem segir xs og xd 

[Guðmundur Auðunsson, 24.3.2007 kl. 14:06]

Ég er ekki fjarri því að það sé rétt hjá Orra að Geir sé að undirbúa stjórn með Samfylkingunni. Það er helst Mogginn sem hefur áhuga á V-D stjórn, meðal sjálfstæðismanna er áhuginn mun minni því þeir vita að VG mun gera miklar kröfur. Besta leiðin fyrir vinstrimenn að tryggja það að Samfylkingin fari ekki í stjórn með íhaldinu er að kjósa VG þar sem Sf mun aldrei þora að fara í hægristjórn sem væri ekki helmingaskiptastjórn og með VG sterkt í stjórnarandstöðunni. Endi VG og Sf álíka stórir eftir kosningar þá eru líkurnar á vinstristjórn mestar, hugsanlega með Íslandshreyfingunni sem þriðja hjóli. Slíkt yrði auðvitað úrvals ríkisstjórn.