SELSKAPSDÖMUR - LISTAMENN

Ég var að sjá í fréttunum áðan að "Strawberry Club" (sem ég vissi ekki einu sinni að væri til) hafi sótt um 30 kennitölur nýlega fyrir jafnmargar konur frá Rúmeníu sem eru selskapsdömur í klúbbnum og selja kampavín.  Þetta hlýtur að vera vandasamt verk. Stórkostlegur innflutningur á vinnuafli í kampavínsbransanum.  Allt listamenn frá Balkanlöndum.

Í fréttinni kemur fram að þær koma inn á undnþágu sem listamenn.  Eigendur klúbbsins halda því fram að það séu þær eimitt.  Þær selji kampavín, spjalli við gestina, dansi fyrir þá en fækki ekki fötum (utan á Jarðaberjaklúbbnum eru mjög fáklæddar konur), engin súla er á staðnum (það breytir öllu)  og þegar gestir kaupa kampavín þá fara þær með þeim afsíðis að spjalla!

Þetta er vændi undir rós, leyfi ég mér að fullyrða.  Á þetta að vera hægt?  Ef þetta er svona saklaust hví konur frá Balkanlöndum, er ekki nóg af íslenskum konum sem vilja vinna þessa selskapsvinnu, sem reyndar er ólaunuð að sögn eins eiganda klúbbsins.

Konurnar hafa ekki leyfi til að vinna hér á landi þar sem þær eru á undanþágu sem listamenn en hvenær hefur það að hella í glas og fara afsíðis með fólki haft eitthvað með vinnu að gera?

Stundum skammast ég mín niður í hrúgu fyrir að vera íslendingur.

Lögreglan er að rannsaka málið en með hin nýsamþykktu lög um vændi er það þá nokkur vinnandi vegur að uppræta þetta?

Athugasemdir

[halkatla, 20.3.2007 kl. 19:24]

þær koma ábyggilega með tonn af "reynslu" með sér frá Rúmeníu í þessum hádönnuðu fræðum

[Heiða B. Heiðars, 20.3.2007 kl. 19:30]

Láttu ekki svona! Þær eru ábyggilega með prófgráðu í selskapsfræðum og algjörlega professional!

[Jenný Anna Baldursdóttir, 20.3.2007 kl. 20:16]

Já ég veit stelpur mínar þær eru reynsluboltar með prófskírteini enda ekki allar konur sem geta verið selskapsdömur á kampavínsklúbbi.

[Ibba Sig., 20.3.2007 kl. 21:01]

Það er nú fínt að þessar selskapsdömur frá Balkan séu með svo góða íslenskukunnáttu að þær geti lokkað menn afsíðis til að spjalla. Eða er verið að tala um "the language of looooove"

Mikið er nú hægt að plata yfirvöld.  

[Jenný Anna Baldursdóttir, 20.3.2007 kl. 21:14]

Stelpur er svo sammála ykkur.  Language of freedom and luuuuvvvv

Það er allavega ekki mikið "frelsi" í gangi í Jarðaberjaklúbbnum ha?

[Ásdís Sigurðardóttir, 20.3.2007 kl. 21:43]

ææ ekki heimfæra það alfarið upp á karla í sjálfst.flokki sem vilji hafa konur þarna, þekki of marga til að vita að það er ekki satt, þú veist að það er blanda í öllum flokkum, en mér fannst alfyndnast (eða ekki fyndið) að þeir fengju að tala við þær privat ef þeir keyptu kampavín, halda þessir menn að við séum algjörir asnar??

[Jenný Anna Baldursdóttir, 20.3.2007 kl. 22:17]

Nákvæmlega þetta með að fara afsíðis er svo gegnsætt enda verið að senda yfirvöldum langt nef.