ATHUGASEMD BÍÐUR SAMÞYKKIS

Ég fór yfir á vísisblogg til að kíkja á síðu þar sem mér hafði verið bent á.  Það er nú svo sem ekki í frásögur færandi nema hvað, ég með mína tjáningargleði varð að skrifa athugasemd.  Eftirfarandi gerðist þegar ég sendi athugasemdina:

Vinsamlegast skráið nafn (krafist) - ók ég skráði fornafn.  Síðan kom:

Vinsamlegast sláið inn netfangi - hvað ég og gerði.  Þá birtist eftirfarandi

Athugasemd bíður samþykkis!!

Ég tek fram að ég er ekki að kvarta yfir því að þurfa gefa upp nafn og netfang, þó ekki væri. Ætli þetta fari fyrir fund þarna uppi á 365 áður en samþykki er gefið fyrir færslu?  Við hvað er fólk hrætt?

Og ég sem hélt alltaf að það hafi verið erfitt að heimsækja bankastjóra hér í gamla daga.  Að bíða eftir fund hjá stjóra og fá svar upp á gott og vont daginn eftir í besta falli.  Þetta blogg átti vinsæll fjölmiðlamaður.  Kannske eru bara þeirra blogg svona þarna hjá Vísi.  Ég veit það ekki.  Má ég þá heldur biðja um heimilislegt moggabloggið þar sem ég sé ekki að farið sé í manngreinarálit og fólk getur sett inn athugasemdir í beinni!

Æi kannski er þetta bara eðlilegt.  Fjölmiðlungar eru séðir af mörgum sem Guðir nútímans, ekki að ég haldi að það sé skoðun þeirra sjálfra, allavega ekki þeirra fjölmiðlamanna sem halda úti vinsælustu bloggunum hér á moggabloggi og gera það algjörlega í trássi við að sótsvartur almúginn segi skoðun sína.

Ég held áfram á moggabloggi; ekki spurning.

Athugasemdir

[Guðríður Hrefna Haraldsdóttir, 12.3.2007 kl. 18:05]

Sums staðar er boðið upp á þetta ... t.d. á blogspot.com ... og jafnvel á Moggabloggi, man það ekki. Þá þyrftir þú að samþykkja hverja athugasemd. Yrðir að hætta að vinna og allt! 

[Jenný Anna Baldursdóttir, 12.3.2007 kl. 18:13]

hehe Gurrí vinn heima og á þegar í fullu fangi með að skila mínu vegna hins lýðræðilega moggabloggs

[bara Maja..., 12.3.2007 kl. 18:46]

 samþykkja athugasemdir já þú segir nokkuð...

[Kleópatra Mjöll Guðmundsdóttir (IP-tala skráð) 12.3.2007 kl. 19:05]

moggabloggið er best .. líka búnað kynnast flottasta fólkinu þar

innlitsknús