8. MARS

Alþjóðlegur baráttudagur kvenna!

Til hamingju stelpur á öllum aldri. 

Í tilefni dagsins ætla ég á bíó og kaffihús.  Ég hvet allar bloggvinkonur mínar að gera eitthvað skemmtilegt á þessum hátíðisdegi.  Eftir því sem ég kemst næst verður öflug dagskrá í gangi og það er um að gera að taka þátt.  Þetta er okkar dagur.

Góða skemmtun allar saman

Athugasemdir

[Katrín Snæhólm Baldursdóttir, 8.3.2007 kl. 01:38]

Jenný..sko. Við eigum að hvetja alla..konur og karla að taka þátt í baráttu fyrir jafnréttinu. Andskotans vitleysa ..afsakið orðbragðið...að vera alltaf að flokka þetta niður. Ég er viss um að minn maður berst jafnmikið fyrir því og ég því það er okkar beggja hagur. Burt með aðgreiningar og sundrung.Það eru til ferlegar kerlingar og ferlegir karlpungar sem standa í vegi fyrir framförum og manngildum. Og það eru til konur og karlar sem standa saman um að styðja við jafnrétti og manngildi..alveg sama hvar. Djöfull...enn og aftur afsakið orðbragðið..en stundum verður bara að kalla hlutina sínum réttu nöfnum..er ég orðin þreytt á þessu kvenna þetta og kvenna hitt. Innra með okkur öllum er hluti af okkur kvenorka og svo læika karlorka. Við þurfum að koma jafnvægi á það með okkur sjálfum ef við viljum sjá breytingar "þarna úti" Allir halda að allt sé alltaf fyrir utan þá og þarna hinu megin í fjarskanum.

Smjúts.

[Jenný Anna Baldursdóttir, 8.3.2007 kl. 02:11]

Það er eins gott fyrir þig að losna við þreytuna enn um stund Katrín mín. Það er töluvert í land enn.  Finnur einhver til undan því að sé til alþjóðlegur baráttudagur kvenna?  Einn dagur á ári, til að minna á allt sem hefur unnist í kvennabaráttu yfirleitt, skoða og meta stöðuna og allt það.  Ég held ekki.  Eins og Dúa segir þá hafa karlar ekki barist við hlið okkar fyrir réttindum, þótt vissulega séu margir karlmenn stuðningsmenn kvennabaráttu.

Enn og aftur gleðilega hátíð

[Jenný Anna Baldursdóttir, 8.3.2007 kl. 03:00]

Takk Beta mín og til hamingju með daginn

[Ásthildur Cesil Þórðardóttir, 8.3.2007 kl. 10:33]

Jamm til hamingju með daginn stúlkur mínar.  Og góða skemmtun.