18 MÁNUÐIR KVA!

 Það hrynja inn dómar í kynferðisafbrotamálum.  Átján mánaða fangelsi fyrir nauðgun.  Rosalega er mér misboðið.  Nú er nauðgun innan sama refsiramma og morð en það er greinilega ekki verið að nýta sér það.  Þrátt fyrir alla fræðsluna sem búið er að koma á fram færi hjá hinum ýmsu hópum virðast dómarnir í nauðgunarmálum ekki þyngjast.  Nauðgun er alvarlegur ofbeldisglæpur, það hljóta allir að vita nú orðið.  Hvers vegna er ekki tekið tillit til þess?

. 

Halló-halló!! Vaknið dómarar og farið að dæma skamkvæmt alvarleika brotanna.

Dæmdur í 18 mánaða fangelsi fyrir nauðgun

Athugasemdir

[Heiða B. Heiðars, 7.3.2007 kl. 18:33]

Einmitt.. 18 mánuðir þegar niðurstaða dómsins er sú að það leiki ekkert vafaatriði á neinum atriðum ákærunnar. En skilaboðin eru skýr... það þykir ekkert svo ýkja alvarlegt brot að nauðga konu

[Jenný Anna Baldursdóttir, 7.3.2007 kl. 18:39]

Nákvæmlega Heiða og svo þótti hún trúverðug ma vegna þess að hún var lágstemmd!!!

[Guðríður Hrefna Haraldsdóttir, 7.3.2007 kl. 18:55]

Ég þekki ungan mann sem fékk dóm fyrir auðgunabrot, ekkert of þungan ... en hann sagði samt kaldhæðnislega að hann hefði komið betur út úr dómnum ef hann hefði nauðgað konu! Mér fannst þetta ekkert fyndið ... en samt skildi ég hvað hann átti við. Þá hafði fallið einhver fáránlega léttur dómur yfir kynferðisafbrotamanni.  

[Guðríður Hrefna Haraldsdóttir, 7.3.2007 kl. 18:56]

auðgunaRbrot ... átti þetta að vera

[Ásthildur Cesil Þórðardóttir, 7.3.2007 kl. 20:01]

Dómar eru fáránlegir og sektir til skammar.  Ef til vill er þetta vegna þess að dómarar eru flestir karlmenn og hafa engann skilning á hvað nauðgun er í raun og veru.  Þeir þyrftu annað hvort að fara á námskeið eða það þyrfti að ráða manneskju í dómaraembætti sem hefði orðið fyrir slíkri reynslu.

[Katrín Snæhólm Baldursdóttir, 7.3.2007 kl. 20:11]

Manni er fyrirmunað að skilja þetta. Getur einhver dómari komið fram í fjölmiðlum og sagt okkur hinum hvernig heilinn í þessari stétt virkar og hvað það er nákvæmlega sem þeir eru ekki að skilja????

[Magnús Þór Jónsson, 7.3.2007 kl. 23:14]

Var að spá í að blogga um þetta, en lasleikinn leyfði mér ekki langan pistil.  Skammarlegt, skammarlegt og skammarlegt.  Sammála Ásthildi, mér finnst reyndar til mikilla vansa hvað fáar konur eru í dómarastétt hér á landi.

[Jenný Anna Baldursdóttir, 7.3.2007 kl. 23:27]

Á reyndar systur í dómarastétt en það skiptir nottla ekki máli.  This is a man´s world!