AÐ SITJA Í FANGELSI Í USA....

...getur ekki verið minna en helvíti á jörð.  Þegar ég sá umfjöllun Sigmars í Kastljósinu í gær vöknaði mér ríflega um augu.  Ég skammast mín ekki hætishót fyrir það.

Hún er merkileg þessi heiftarinnar refsigleði bandaríkjamanna.  Þar er það greinilega hugmyndafræðin "auga fyrir auga" sem veður uppi. Ég er ekki sérfræðingur í bandarískum fangelsismálum en auðvitað hefur maður ekki komist hjá því að fræðast um hvernig hlutirnir ganga fyrir sig þar í landi.  Nú virðast þessir þungu dómar ekki hafa fyrirbyggjandi áhrif á tíðni glæpa þar, þrátt fyrir dauðrefsingar tam.  Kommon þeir dæma börn til fangelsisvistar!! Glæpir í USA aukast stöðugt.  Þetta hlýtur að vera áhangendum dauðarefsinga tilefni til heilabrota.

Varðandi þenna mann sem Sigmar átti viðtal við þá fann ég til djúprar meðaumkunar með honum. Ég vil fá hann heim og er tilbúin að leggja eitthvað af mörkum til þess. Ég geri mér að fullu ljóst að hann framdi alvarlegan glæp og mér finnst hann vera búinn að slitja hann af sér í þessu víti þar sem honum hefur verið holað niður til tuggugu ára!!  Ég hef lesið víða í bloggheimum að hann eigi þetta skilið, að það sé ekki hægt að vorkenna seku fólki osfrv. Halló!! Hvar er samkenndin með meðbræðrum okkar?  Það eru gömul og ný sannindi að nauðganir, morð og gróft ofbeldi viðgengst í bandarískum fangelsum.  Þvílík mannvonska og mannréttindabrot.

Enn einu sinni hefur Sigmar komið með magnaða umfjöllun sem á erindi til okkar allra.  Ég bíð í ofvæni eftir framhaldsumfjöllun kvöldsins jafnvel þótt ég viti ekki nokkurn skapaðan hræranlegan lifandi hlut um hversu ill og ljót hún verður en það er nauðsynlegt að fræðast!!!

Takk Kastljós

 

Athugasemdir

[Jenný Anna Baldursdóttir, 6.3.2007 kl. 12:50]

Takk ásamt, prentara, rúmi, veggjalist, kubbum og fl. Love u

[Ásthildur Cesil Þórðardóttir, 6.3.2007 kl. 14:37]

Já þessir vesalings drengir okkar sem þurfa að sitja í erlendum fangelsum og eiga á hættu allskonar illvirki, nauðganir og barsmíðar og jafnvel dauða.  Það er ótrúlegt hvað getur gengið á í henni Ameríku, þeir eru ekkert betri en löndin sem þeir eru að argast út í fyrir harðneskju og spillingu.  Þeir ættu að skammast sín. 

[Jenný Anna Baldursdóttir, 6.3.2007 kl. 14:40]

Sammála Cesil. Þær ættu að hætta að líta á sig sem merkisbera frelsis og mannúðar.  Kominn tími á þá að taka til í eigin ranni.

[Ásthildur Cesil Þórðardóttir, 6.3.2007 kl. 15:44]

Já ef þeir bara færu nú í má naflaskoðun.   En það gerist víst ekki

[Hrönn Sigurðardóttir, 6.3.2007 kl. 16:03]

....land of the freedom?

[Jenný Anna Baldursdóttir, 6.3.2007 kl. 18:02]

Já Hrönnsla mín "land of the free and the home of the brave"