ÞUMALFINGURSREGLAN

Skelli hérna inn gamalli færslu um þumalfingursregluna fólki til fróðleiks.

Þumalfingursreglan "the rule of thumb"

Þar sem ég skrifaði um kynlægt ofbeldi í dag finnst mér tilvalið að láta þennan fróðsleikmola fylgja með.

Þumalfingursreglan svokallaða er talin eiga uppruna sinn á Englandi en þar finnst hún fyrst skjalfest árið 1692. Þumalfingursbreidd kaðals eða annars bareflis var talin leyfileg stærð fyrir eiginmenn sem vildu refsa konum sínum með barsmíðum.

Það mun hafa verið Sir Francis Buller sem fyrstur mun hafa kveðið á um þetta.  Hann var því fyrir vikið kallaður Þumall dómari að því er sagnir herma. 

Maður gekk um í mörg ár og talaði um þumalfingursregluna hingað og þangað án þess að hafa grænan grun um að þar lægu að baki kvenlegir harmar.

Athugasemdir

[Edda Agnarsdóttir, 5.3.2007 kl. 22:13]

Ja hérna, ég er ekki frá því að hafa heyrt þetta áður en var búin að steingleyma því. En það er nú  margt í málinu sem hefur orðið vanabindandi eins og "Sjaldséðir hvítir hrafnar" og þykir tilvísun í kynþáttafordóma!

[Jenný Anna Baldursdóttir, 5.3.2007 kl. 22:26]

Það er rétt Edda en svona út frá feministisku sjónarmiði þá er þetta merkileg staðreynd og lýsir tíðarandanum á þessum tíma

[Hrönn Sigurðardóttir, 6.3.2007 kl. 08:12]

....ekki vissi ég þetta, hugsa mig örugglega um áður en ég nota þetta orðasamband næst

[Jenný Anna Baldursdóttir, 6.3.2007 kl. 09:46]

Hrönn ég kemst ekki inn á síðuna þína. Sendu mér meil á [e-mail]