Leita í fréttum mbl.is

Flenging eina ráðið?

Ég stóð algjörlega með litla og stóra Bónus í Baugsmálinu skelfilega.

Goðsögnin um góðu kapítalistana hellaði mig algjörlega og rændi mig skynseminni og ég nánast grét yfir helvítinu honum Davíð sem lagði þessa góðu menn í einelti og notaði til þess íslenska dómstóla.

Ferlegt að þurfa að viðurkenna hvers lags auli maður getur verið þegar maður lætur öðrum um að segja sér hvað er rétt og hvað er rangt.

Davíð ER reyndar fullur hefndarþorsta og Jón og Jón Ásgeir GERÐU íslenskum heimilum stóran greiða á sínum tíma með opnun Bónusverslananna.

Afgreitt mál.  Þakkarræðu lokið.

Það skelfir mig að verða vitni að hrokanum í þessum græðgisfurstum öllum.

Ef þeir standa ekki í málarekstri við fjölmiðla fyrir að segja frá því sem gerðist á mannamáli,  þá eru þeir að svara með bullandi hroka og yfirlæti þessir dekurdrengir.

Jón Ásgeir er ok. á meðan hann á fyrir Diet Coke.

(Nú veit ég hvaðan hrokasafinn kemur, Þór Saari skiptu yfir í appelsín eða eitthvað).

Bjarni Ármanns telur fullkomlega óábyrgt að borga skuldir sínar.

Getur einhver tekið að sér að flengja þessa dekurdrengi?

Ég trúi ekki á ofbeldi en kannski er það eina sem dugir til að fá þá til að hætta að senda skuldpíndum almenningi fingurinn.

Myndræn flenging af einhverjum toga myndi lækka í þeim rostann.

Hvað þarf að gerast til að þessir menn átti sig á víddinni af afleiðingum græðgi sinnar og heimsku?

Urrrrrrrrrrrrrrr


mbl.is Jón Ásgeir: Stenst enga skoðun
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Guðrún Emilía Guðnadóttir

Góðir hlutir gerast hægt, þú veist elskan við eigum að vera þolinmóð.

Guðrún Emilía Guðnadóttir, 16.9.2009 kl. 09:59

2 Smámynd:

Djöf..... helv......  andsk...... drullusokkar   Hvar er löggan? Af hverju er ekki búið að stinga þessum delum inn á Hraun? Er það kannski vegna þess að einhverjir sem stálu brauði eru á undan í röðinni 

, 16.9.2009 kl. 10:14

3 Smámynd: Fríða Eyland

Hva er keddlingin hætt við krossfestingar og gapastokka nú er mín hissa ?

Fríða Eyland, 16.9.2009 kl. 10:17

4 Smámynd: Fríða Eyland

!

Fríða Eyland, 16.9.2009 kl. 10:18

5 identicon

Það er spurning hvort tími líkamlegra refsinga sé að renna upp aftur?  Kanski nauðsynlegt til að koma ákveðnum löndum okkar niður á jörðina aftur. 

Gísli Gunnlaugsson (IP-tala skráð) 16.9.2009 kl. 10:29

6 identicon

Ekki verður annað skilið en að þú sjáir nú eftir því að hafa ekki skipað þér í sveit með Davíð í stóra Bónus og Baugsmálinu.

Sigurjón Pálsson (IP-tala skráð) 16.9.2009 kl. 10:46

7 Smámynd: Jenný Anna Baldursdóttir

Engar líkamlegar refsingar takk, ég er að gefa málinu aukið vægi með því að nefna þær addna.

Sigurjón: Já segðu.  Kannski ég fari að beita mér fyrir Facebookgrúppu um að fá Davíð aftur í stjórnmál.

Fríða: Ég er svo kurteis í dag, kunni ekki við að stinga upp á opinberri hýðingu og gapastokk.

Jenný Anna Baldursdóttir, 16.9.2009 kl. 11:07

8 Smámynd: Jóhann Frímann Traustason

þykist þú vera einhver vinstri manneskja þú ert eins langt til hægri og hugsast getur ,

Jóhann Frímann Traustason, 16.9.2009 kl. 11:40

9 Smámynd: Sigurður Sigurðsson

Frábært upphaf á bloggskrifunum hérna - sannleikurinn er nefnilega seigari en lygin - og gott að þú ert búin að átta þig á fjárhættuspilaborginni Baugur ehf.

En ég er hjartanlega sammála þér með upphaf og tilgang Bónus og hef alltaf sagt að ég skuli taka hatt minn ofan fyrir þeirri hugmynd.  En Baugsmálið snerist ekki um að fella mennina sem stofnuðu Bónus á sínum tíma, heldur að reyna að færa upp á yfirborðið spillinguna og viðskiptasiðferðið sem þar tíðkaðist.

Það er nú komið á daginn og gott mál að allir sem trúðu því að þetta væri einelti Davíðs koma nú fram og iðrast !!!

Sigurður Sigurðsson, 16.9.2009 kl. 11:50

10 Smámynd: Flosi Kristjánsson

Það er athyglisverð þessi setning hjá þér Jenný: ég nánast grét yfir helvítinu honum Davíð sem lagði þessa góðu menn í einelti og notaði til þess íslenska dómstóla

Skyldi kallskömmin hafa séð í gegnum blekkingarhulu sem nú er sem óðast að hverfa?

Hins vegar er ljóst að það gekk maður undir manns hönd til að hamla því að vondi hrokkinkollurinn með bláu höndina gæti unnið óhæfuverk sín á fyrirtækjum dugnaðarforkanna ungu

Þú ættir að gaumgæfa gestalistann í brúðkaupi ársins 2007. Þar á meðal má vísast finna helstu dissara Davíðs Oddssonar. Ætli þeir vildu ekki helst vera annars staðar núna?  

Flosi Kristjánsson, 16.9.2009 kl. 11:52

11 Smámynd: Jenný Anna Baldursdóttir

Jóhann Frímann: Ó, fyrirgefðu, ég hélt að ég væri til vinstri.  Leiðrétti það samstundis og geng í Sjálfstæðiflokkinn, bara eftir hádegi.

Jenný Anna Baldursdóttir, 16.9.2009 kl. 12:29

12 identicon

Ég held að mistök margra hfi verið að halda að það væri einhver góður gæi í þessu stríði.  Við drógumst inní að taka afstöðu í þessum ógeðfellda leðjuslag.  Þegar við áttum að hafna báðum aðilum af sömu ákefðinni.

Málið var að sjálfsögðu að bæði Davíðsgengið og Baugsliðið voru, og eru, spillt og slæm fyrir íslenskt samfélag. 

Svo þú skalt ekki hreykja þér hátt Flosi ... það að Baugsliðið sé pest gerir Davíð ekki góðan ... fjarri því.

Elfa Jóns (IP-tala skráð) 16.9.2009 kl. 12:41

13 identicon

Tókuð þið eftir í fréttum gærkvöldsins þar sem sýnd voru átök lögreglu og nokkurra vesalinga sem dirfðust að mótmæla á pöllum Ráðhúss Reykjavíku.Það voru engin vettlingatök á þeim þar ,en hvenær skyldi verða sýnt frá átökum lögreglu við útrásar og bankaglæpamennina????

Ragna Birgisdóttir (IP-tala skráð) 16.9.2009 kl. 13:01

14 identicon

Lögreglunni er sigað á mótmælendur og sauðsvartan almenning á meðan stóru milljarðaþjófarnir ganga lausir - þetta endar væntanlega með því að einhver verður drepinn !?

Stefán (IP-tala skráð) 16.9.2009 kl. 13:28

15 identicon

Í Baugs-máli sem og örðum málum þar sem peningar spilla grandvörum mönnum gleðst sauðsvartur almúginn meðann hann sér sér hag í því.

Þegar að frá líður þagna húrrahrópin og öfundin kemur upp. Þar á eftir eftirsjá, sorg og svo hatur.

Ekki svo ólíkt sorgarferli.

Bestu lögmenn og lögfræðingar er fást fyrir peninga bakka þessa menn upp og verja.

Svo að þegar komma-bleyður Steingríms Nábrókar og Nornarinnar mæta....alltof seint í partíið og byrja að veina eru allir þeir stærstu farnir og aðeins mylsnan eftir á borðunum.

Við ættum að taka okkur til og merkja þessa menn, öðrum til viðvörunar, annars leika þeir bara sama leikinn annarsstaðar.

Nú erum við að horfa uppá að menn sem tóku þátt í veislunni og fleyttu rjómann af og sendu í skattaskjól eru að reyna að viðra peninganna sína með að "leysa slæma stöðu" fyrirtækkja of kaupa þau og orku á spottprís til að selja okkur aftur á margföldu verði. Þetta er m.a. að gerast í Magma.

Svo þeir sem eru sárir núna, þeir sömu og veinuðu sig hása á "sigurhátíðini" ættu barasta að láta sig hverfa út af sviðinu. Skríða ofan í einhverja holu og hafa hægt um sig næstu tvo áratugi meðan sár þau er þau og vinir þeirra veittu íslenskum almenningi gróa.

Óskar Guðmundsson (IP-tala skráð) 16.9.2009 kl. 13:28

16 Smámynd: hilmar  jónsson

Bónus er sennilega með stærri kjarabótum sem rekið hefur á fjörur Íslendinga burtséð frá öðrum viðskiptaháttum Baugs í gegnum tíðina.

Hinsvegar má öllum vera ljóst að hefnd frekar en þjóðarhagur réðu árásum Davíðs á Jón Ásgeir á sínum tíma..

Magnað að sjá hér liðsmenn náhirðarinnar koma inn á kommentakerfið hjá þér Jenný grípandi á lofti setningar til að upphefja Davíð. Bíð bara eftir Hannesi..

hilmar jónsson, 16.9.2009 kl. 14:03

17 Smámynd: Matthildur Ágústa Helgadóttir Jónudóttir

Eina ráðið geng "ljótuköllum" er að taka af þeim völdin og peningana

Matthildur Ágústa Helgadóttir Jónudóttir, 16.9.2009 kl. 14:36

18 Smámynd: Finnur Bárðarson

Bara gamli góði gapastokkurinn

Finnur Bárðarson, 16.9.2009 kl. 16:03

19 Smámynd: Dúa

Hann gat ekki sagt að hann ætti fyrir kóki.....varð að segja diet á undan....

Dúa, 16.9.2009 kl. 16:40

20 Smámynd: Emil Örn Kristjánsson

Láttu ekki hefnigirnina og refsigleðina hlaupa með þig í gönur, Jenný Anna. Auðvitað á að taka þessum glæframönnum (körlum og konum) en refsingin sem slík leysir engan vanda.

Reyndar hefur það hvarflað að mér hvort þeir hafi ekki nú þegar tekið út hluta refsingarinnar. Hafandi baðað sig í sviðsljósi Séðs og heyrðs og annara glansmiðla en vera nú litnir hornauga.

Og annað: Hversu erfitt, jafnvel ómögulegt er ekki fyrir þetta fólk að komast aftur á jörðina eftir alla firringuna. Ég meina, að þykja það í lagi t.a.m. að taka við ævitekjum okkar hjóna (mínum og minnar heittelskuðu) fyrir það eitt að vilja mæta í vinnuna. Já, ég er að tala um Welding. Þvílíkt svínarí. Í hvaða sýndarveröld var þetta lið eiginlega?

Ég er ekki á því að þeir feðgar Jóhannes og Jón hafi gert heimilunum nokkurn greiða. Þeir lögðu undir sig smásöluverzlun á landinu með undirboðum og vafasömum viðskiptaháttum og það var byrjunin á þessari vitleysu allri saman. Bezt að bölv... grísinn hefði aldrei birzt. Við erum aldeilis að fá að borga til baka það sem töldum okkur hafa grætt á því að verzla í Bónus.

Svo ertu velkominn í Sjálfstæðisflokkin, Jenný mín, hvenær sem er bæði fyrir og eftir hádegi. En jafvel þó þú látir ekki verða af því þá óska ég þér alls hins bezta.

Emil Örn Kristjánsson, 16.9.2009 kl. 17:37

21 Smámynd: Lísa Björk Ingólfsdóttir

Er ekki svarið við vondum köllum verri kallar ?

Lísa Björk Ingólfsdóttir, 16.9.2009 kl. 18:28

22 identicon

Vonandi hættir þú þá að versla í Bónus?! Skelfilegt þetta skammtímaminni okkar Íslendinga, ég hef sagt það áður og segi enn - það á ekki að sjást hræða í Bónus eða Hagkaup! Nú eru Danir farnir að benda okkur á að það sé skrítið hvernig Jón Ásgeir stjórni hér öllu enn og að hann græði á tá og fingri í hvert skipti sem við förum út í búð! Algjörlega óásættanlegt, sniðgöngum þessar verslanir fólk!

Erla (IP-tala skráð) 17.9.2009 kl. 11:41

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (28.3.): 1
  • Sl. sólarhring: 2
  • Sl. viku: 10
  • Frá upphafi: 2985622

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband