Ég málefnaleg? Nei, enda ekki í vinnunni

Mörg dæmi um skýr lögbrot segir Gunnar Andersen forstjóri Fjármálaeftirlits.

Okei, hvernig væri þá að einbeita sér að þeim málum og láta fréttamenn á þessu landi í friði kallinn minn?

Hvernig á maður að hafa tiltrú á eftirlitsstofnunum sem eltast við þá sem afla upplýsinga fyrir almenning sem situr eftir í skuldapollinum sem aðrir bjuggu til?

Bankaleynd, smankaleynd!

Það er ekki eins og það sé verið að veita upplýsingar af sparisjóðsbók Jón Einskismanns og konu hans, sem bæði eru á strípuðum töxtum, versla í Bónus, taka slátur og fara í strætó, heldur eru upplýsingarnar sem viðkomandi fimmmenningar hafa náð að koma á framfæri af þeirri stærðargráðu að þær eiga fullt erindi við almenning.

Og hafðu það Gunnar Andersen, sem mér reyndar líst mun betur á en þann sem áður var vermdi stólinn þinn.

Gunnar Andersen kann að tala og allt og ég hef heyrt það.

Líst ágætlega á hann.

Svo geta saksóknarar, sérstakir og óbreyttir og algjörlega normal einbeitt sér af glæpunum og látið fréttamenn í friði á meðan þeir eru að veita okkur bráðnauðsynlegar upplýsingar.

Málefnalegt hjá mér?

Nei, ekki afturenda, enda er ég bara frú Nóboddí með ekkert vægi.

Skál í partíinu.

Mörg dæmi um lögbrot

Athugasemdir

[Stefán (IP-tala skráð) 7.9.2009 kl. 11:06]

Ég heyrði sagt í fréttatíma Bylgjunnar eða Stövar 2 að 40 % af skuldum þjóðarbúsins væru tilkomnar vegna Björgólfsfeðga. Þeir eru auðvitað ekki bara búnir að rústa fjárhag okkar íslendinga heldur liggur skítaslóðin eftir þá víða um lönd og t.d. er umtalað í Bretlandi núna hvernig Bjöggi gamli rústaði knattspyrnuliðinu West Ham. Væri ekki búið að ákæra þessa menn í öllum öðrum siðmenntuðum ríkjum ?

[Ólína Ásgeirsdóttir (IP-tala skráð) 7.9.2009 kl. 11:13]

Málefnaleg? Má ég heldur biðja um skemmtileg.. ekki þitt vandamál að fela reiði þína undir fágaðri meðvirkni. Var að hugsa í morgun þegar ég heyrði í Lilju Mósesdóttur og Eygló Harðar á morgunvakt Bylgjunnar hvað þeim tekst vel að tala mannamál í þættinum hjá Heimi og Kollu. Þau hafa staðið sig frábærlega frá upphafi hrunadanssins með upplýsandi viðræðum (misupplýsandi þó) við mann og annann. Þetta hefur m.a. brúað gapandi hyldýpið sem skapaðist meðan Silfur Egils hefur ekki verið sent út. Hvernig væri að stjórnvöld héldu hreinlega úti dynamiskri rás, þar sem fram færu rökræður allan daginn og upplýsingum væri stanslaust dælt út. Myndi það ekki auka þetta gagnsæi sem alla þyrstir svo í og eins gera að verkum að lausnir sem leynast vítt og breitt annarsstaðar en hjá þingheimi litu dagsins ljós. Ég verð alveg brjáluð á þessu endalausa innihaldslausa Popplandi rásar 2 og skorti á upplýsandi þroskaðri umræðu. Tek það fram að ég bý úti á landi og tala mest við hundinn minn sem mér finnst sífellt vænna um eftir afhjúpun á karakter íslenskra auðmanna.

[Jenný Anna Baldursdóttir, 7.9.2009 kl. 11:20]

Ólína: Þú ert kona að mínu skapi.  Takk fyrir þessa bráðskemmtilegu og skýru athugasemd.

Stefán: Úff let´s not go there því höfuð gætu fokið.

[Birna Dis Vilbertsdóttir (IP-tala skráð) 7.9.2009 kl. 11:43]

Er svo sammála þér Jenný

[Jenný Stefanía Jensdóttir, 7.9.2009 kl. 15:07]

Hva hva er nú verið að leka út dulbúnum skilaboðum til dólganna, flýtið ykkur að úða í ykkur gullmylsnurnar, því við "gotcha".

Pantið tíma hjá lýtalækninum og látið skipta um trýnið sem þekkist langar leiðir, því við "gotcha".

....... og klárið að flytja peningana til "nomanslands" þar sem þið ætlið að fara huldu höfði það sem eftir er.

[Skorrdal (IP-tala skráð) 7.9.2009 kl. 15:32]

Þú, meðvirk? Þú, "nóboddí"? Akkúrat - talandi um kaldhæðni...