Atli Húnakonungur nútímans

 

Ég hef sagt það áður og segi það enn að kreppan hefur gert manni hluti.

Bæði góða og slæma.

Jón Daníelsson var í Silfrinu og var nokkuð bjartsýnn á að nú færi ástandið hér að lagast.

Ég hlustaði og ég skildi en trúði ekki.

Það er nefnilega það vonda sem kreppan hefur gert mér að ég gef lítið fyrir alls kyns yfirlýsingar sérfræðinga.

Tek öllu með gífurlega miklum fyrirvara.

Þetta á einkum við sérfræðinga eins og þá sem kenna sig við hagfræði vegna þess að skoðanir þeirra á hvað beri að gera og hvernig mál standa, skarast eilíflega.

Það er vont að treysta engu(m)...

Nú eða fáu(m).

Illugi Gunnarsson er að ég held ágætis maður og í betri kantinum miðað við þann flokk sem hann tilheyrir.

En sorrí Illugi, ég fæ beisíklí óbragð í munninn þegar þið Sjálfstæðismenn byrjið að gagnrýna stjórnvöld af því mér finnst að þið hafið hreinlega ekki efni á því.

Þið eruð svo bullandi sekir maður minn.

Allir aðrir (ókei, ekki Framsókn) geta gagnrýnt sig bláa í framan og ég skal hlusta.

En ekki sjálfur hrunflokkurinn.

Samt má Illugi eiga það að hann er málefnalegur í sínum málflutningi oftast nær.

En að missa traust á öllu og öllum er vont fyrir sálina.

Það getum við þakkað bévuðum stjórnvöldum sem hönnuðu umhverfið fyrir banka og útrásir ásamt útrásardólgunum sem gáfu Atla Húnakonungi ekkert eftir í yfirferð sinni um akurinn, só tú spík.

Súmítúðekor.

Jón Daníelsson: Bjartsýnni en áður

Athugasemdir

[Pjetur Hafstein Lárusson (IP-tala skráð) 6.9.2009 kl. 15:49]

Þú talar um "hagfræðinga".  Ég kalla þá hagræðinga, enda hef ég aldrei heyrt þá gera annað en hagræða sannlaeikanum, í samræmi við óskir þeirra, sem borga þeim launin.  Auðvitað eru til hagfræðingar.  En þeir eru sárafáir og mér vitanlega er enginn þéirra Íslendingur.

[Sigurður Sigurðsson, 6.9.2009 kl. 18:32]

Bídddu við:  "Allir aðrir (ókei, ekki Framsókn) geta gagnrýnt sig bláa í framan og ég skal hlusta."

Hvað með Samfylkinguna - er hún saklaus - flokkurinn sem hefur mært útrásarvíkingana og forsetann  ??

Hugsaðu lengra Jenný !!

[Jenný Anna Baldursdóttir, 6.9.2009 kl. 21:23]

Sisi: DJÓK.

Pjetur: Góður.