Ást og friður

Svei mér þá ef fyrrverandi Frjálslyndi er ekki jafn órólegur og sumir nýir flokkar á Alþingi.

Við nefnum engin nöfn.

Allt verður þeim að meini.

Hvenær hætti fólk að geta talað saman og leyst úr málum?

Ég bara skil etteggi.

Er ekki hægt að finna sér stað í friði á jörðu, ást og gleði?

Okei, ekki sannfærandi en mikið rosalega er ég þreytt á skemmileggjandi stjórnmálaöflum.

Munur en ég - kem með friði og elska alla.

Ég lýg því auðvitað eins og ég er löng til (162 cm í réttstöðu og á hælum - djók).

En ég er í góðu skapi.

Ætla mér stóra hluti.

En fyrst ætla ég að færa mitt alkunna og fagra menningarheimili úr 105 í 101, þar sem ég mun ástunda fagurt mannlíf og heilbrigt líferni í framtíðinni.

Og farið með friði börnin góð.

Pís lof and happíness.

Úje.

Saka Ólaf F. um fjárdrátt

Athugasemdir

[Sigurður Þórðarson, 31.8.2009 kl. 12:47]

Sammála, stefnumálin voru og eru góð en guð minn góður að saka Ólaf um þjófnað og fjárdrátt!  Nokkurn veginn það síðasta sem mér dytti í hug að hann tæki sér fyrir hendur.  Sorglegt.

[Arnar Bergur Guðjónsson, 31.8.2009 kl. 13:28]

Sæll Sigurður,

Óli er ágætis maður, hefur reynst mér alveg vel,
en maður setur samt spurningamerki við hvers vegna var þessu breytt og hvers vegna breytti hann þessu án samþykkis framkvæmdastjórnar FF, en samt borgaði FF allan kostnað við kosningaframboðið í borginni.

finnst einhver skítalykt af þessu máli

[Ía Jóhannsdóttir, 31.8.2009 kl. 16:59]

Gangi þér vel að flytja Jenný mín.  Ertu ekki annars í stjórnunarhlutverkinu í dag?  Svona í bland með Einari og harðri hendi.

[Dúa, 31.8.2009 kl. 19:14]

Vona að allt hafi gengið vel þó mér finnist það ótrúlegt þar sem ég mætti ekki í stjórnunarstöðuna sem mér var úthlutað

[, 31.8.2009 kl. 20:06]

Mín bara gengin elítunni á hönd. Þú hefur kannski keypt stóra húsið á Laufásveginum sem einhverra hluta vegna stóð tómt  

[Jenný Stefanía Jensdóttir, 1.9.2009 kl. 03:22]

Sé að þú ert tengd og uppsett á nýja staðnum langt eftir miðnætti.  Fagna því innilega.

Megi hamingja og kærleikur fylgja ykkur inn á nýja "kærleiks".

[Ásthildur Cesil Þórðardóttir, 1.9.2009 kl. 09:03]

Þetta er skrýtið mál með peningana.  En það hlýtur að liggja á hreinu hvort Ólafur fékk þessa peninga sjálfur eða flokkurinn.  Og eins og Arnar segir, ef þeir voru lagðir inn á borgarmálafélagið, þá hljóta þau samtök að taka þátt í að greiða kostnaðinn við framboðið í Reykjavík.  En svona hlutir þurfa að komast á hreint allra vegna.

Gangi þér vel að flytja Jenný mín.  Vonandi verður ekki mikill hávaði í kring um þig á 101.  Mig minnir að þú hafir búið á þeirri breiddargráðu hér í den og flúið undan hávaða og fylleríislátum

[Hildur Helga Sigurðardóttir, 1.9.2009 kl. 16:38]

Hjartanlega velkomin í hundraðogeinn!

Þú getur alltaf leitað til okkar hér á Ásvallagötunni ef þig vanhagar um bolla af sykri -eða smjörklípu...

[Hildur Helga Sigurðardóttir, 1.9.2009 kl. 16:40]

p.s. ertekkannars að flytja á Fríkirkjuveg 11 ?

[Hildur Helga Sigurðardóttir, 1.9.2009 kl. 16:41]

Þar vantar einmitt svona glaðlynda stórfjölskyldu.

[Hrönn Sigurðardóttir, 1.9.2009 kl. 21:01]

Til hamingju með flutningana.

Vona að þú tengist umheiminum hratt og vel.

[Jónína Dúadóttir, 2.9.2009 kl. 08:01]