Söknuður, sorg, blíða, ást, gredda (nú eða þrá), svefnleysi, hungur eftir hlátri og samræðum, hahahahahaha, búhúhúhúhú og komdu heim - núna!

 

Kúbanski rithöfundurinn Ludmilla hefur séð fyrir sér í 15 ár með því að skrifa ástarbréf fyrir fólk.

Af hverju datt mér þetta ekki í hug, hugsaði ég og boraði í nefið á mér gröm á svip.

Svo kviknaði á perunni.  Auðvitað datt mér þetta ekki í hug þar sem ég hef aldrei skrifað eitt einasta ástarbréf á minni löngu ævi.

Er of krumpuð og lokuð til að hafa skrifað ástarviðföngum mínum í gegnum lífið enda eru til símar og engin ástæða til að skella samböndum til baka í tíma allt aftur til fjaðurpennamenningarinnar.

Hvernig myndi ég skrifa ástarbréf ef ég ætlaði í einlægni að setja hlýjar og heitar kveðjur á blað til míns heittelskaða?

Hm.... látum okkur nú sjá, hafið þolinmæði ég kann þetta ekki. 

Hvar á hann að vera staddur?  Jú hann getur verið að spila blús, segjum á Kúbu.  Nei það gengur ekki, hefði aldrei samþykkt að fá ekki að fljóta með.  Ókei, setjum hann niður með gítarinn í Félagsheimili Harðangursfjarðar í Norge. Mig langar ekkert þangað.

Jibbedydonk.

Elsku ástin mín (hérna heldur hann að ég sé að gera eitthvað stórkostlegt af mér en ókei, allt fyrir ástina).

Ég elska þig jafn mikið og ég gerði þegar þú fórst.  Ég get ekki borðað, ekki lesið og ekki bloggað.  Það er nefnilega búið að loka fyrir rafmagnið.

Gengur ekki, kaldhæðni í ástarbréfum er nónó.

Ég gæti ekki verið væmin á blaði þó líf mitt væri undir.

Ég gæti hins vegar alveg átt það til að gerast smá klúr til að fá ástina mína til að brosa.

Elsku draumaprinsinn minn, ég sakna þín mest í við gúrkurekkann í Hagkaupum og þangað fer ég þegar þrá mín eftir þér verður hvað öflugust, ég styn af frygð innan um grænmetið, allt frá kúrbítum að ætiþislahrúgunni.

Ég gefst upp, ég er í alvörunni smáborgaraleg í ástarmálum, sko hvað varðar svona ástarjátningar.  Svo er ég hrædd um að einhver kæmist í bréfið og myndi setja það á netið og hringja á væmnilögguna nú eða klámlögguna ef ég fer í klúru deildina.

Af hverju á maður að búa til sönnunargögn gegn sjálfum sér?

Hvað hefur maður ekki oft orðið ástfanginn í bríari í svo sem eins og vikutíma nú eða sólarhring þegar best (verst) lét? 

Haldið þið að það væri gaman að hafa skriflegar heimildir um tilraunastarfsemi með eigin hormóna?

Arg.

Þá er best að lyfta tóli og tala í gegnum sæstrenginn.

Ég gæti sagt:

Söknuður, sorg, blíða, ást, gredda (nú eða þrá), svefnleysi, hungur eftir hlátri og samræðum, hahahahahaha, búhúhúhúhú og komdu heim - núna.

Love you darling.

Nei, ég þarf örugglega að leita á önnur mið eftir tekjulind.

Ástarbréfahöfundur verð ég ekki úr þessu.

P.s. Ég öfunda samt smá vinkonur mínar sem eiga ástarbréf í skókössum upp á háalofti.

Það er einhvers konar "Notebook" og "Bridges in Whatevercounty" yfir því.

Ástarbréf í akkorði

Athugasemdir

[Brjánn Guðjónsson, 25.8.2009 kl. 21:29]

glákan mín leyfir ekki svona langan lestur.

[Heiða B. Heiðars, 25.8.2009 kl. 22:06]

Ég á svona bunka með slaufu og allt :) Svakalega gömul ástarbréf...en ástarbréf engu að síður. Hef aldrei skrifað slíkt sjálf

.......sem kannski skýrir ýmislegt svona þegar ég hugsa um það

[Hrönn Sigurðardóttir, 25.8.2009 kl. 22:15]

Madisoncounty....

[Hrönn Sigurðardóttir, 25.8.2009 kl. 22:16]

Ég gæti hæglega unnið fyrir mér við svona ástarbréfaskriftir! Ég er líka svo ljúf og góð og alltaf ástfangin........

[Sigurður Þorsteinsson, 25.8.2009 kl. 22:56]

Takk fyrir bréfið, þetta er svo gott fyrir svefninn.

[Steingrímur Helgason, 25.8.2009 kl. 23:17]

Fríráð dagzinz, mar á aldrei að geyma ázdarbréf...

[Jenný Anna Baldursdóttir, 25.8.2009 kl. 23:18]

Nei Hrönn: Ég er alveg með þetta á hreinu "Whatevercounty".

[Hrönn Sigurðardóttir, 25.8.2009 kl. 23:23]

hehe whatever.....

[ASE (IP-tala skráð) 25.8.2009 kl. 23:30]

LOL, nei þú munt seint geta selt þig á "rósrauðu skýi" EN að einhver "fjölmiðill" sé ekki fyrir lifandis löngu búinn að fá sig í lið með sér - bara skil það ekki!!!!

Held ekki til "beinskeyttari/nauðsynlegri" penni á landinu í dag, þú hefur allt sem þarf - frábær penni, með mjög sterka réttlætiskennd, getu til að sjá hlutina í "óvenjulegu" ljósi (íronía er rosalega "holl" þó ekki allra "cup of tea" en líka á fárra færi að geta miðlað henni til fjöldans!). Þú ert mannleg á allann hátt, með þína "háværu" kosti en líka galla, ekki fullkomin - frekar en neitt okkar (nema þú opin um þína sem við flest ekki!)

M.ö.o. ég er aðdáandi ;-)

Ps. Og það þó einstaka sinnum ósammála þér :-)

[Jónína Dúadóttir, 26.8.2009 kl. 06:43]

[Ragna Birgisdóttir (IP-tala skráð) 26.8.2009 kl. 08:15]

[Ía Jóhannsdóttir, 26.8.2009 kl. 08:35]

Hehehehe var ég búin að segja þér hvað það er gott að lesa þig á miðvikudögum?  Neip ekki það........... en bara svo þú vitir það þá á ég alveg eins bunka eins og Heiða með sluffu og alles!  Og skrifaði mörg frá Norge en ekki frá Hardanger heldur Sunnmöre.

[Jenný Anna Baldursdóttir, 26.8.2009 kl. 08:38]

Þið eruð hvort öðru skemmtilegra gott fólk.