Of litlar vogarskálar?

 

Það er gleðiefni að glæpamenn fái á baukinn í formi fangelsisdóma í formi skilorðs- eða óskilorðsbundinna.

Sérstaklega matarþjófarnir.  Það er ófyrirgefanlegt að stela sér til matar, þannig hefur það alltaf verið á Íslandi. 

Brimarhólmur næsta bara.

Látum okkur sjá.  Maðurinn sem stal vodkapela og einum bjór úr Vínbúðinni á Akureyri fékk dóm afgreiddan á hraða ljóssins fyrir brot sitt.

30 daga skilorðsbundið.

Hann var búinn að borga vöruna en það bræddi ekki hjarta dómarans á Norðurlandi eystra.

Um að gera að taka stórglæpamennina og vera snöggir að því.

Enda fangelsi landsins yfirfull af stórglæpamönnum eða hvað?

Ég er að reyna að reikna hérna en sú iðja er ekki mín sterkast hlið.

Gefum okkur að pelinn og bjórinn kosti fimmþúsund kall.

30 dagar.

Ef við tökum Icesave, reikníreikní sexhundruð og áttatíu milljarðar eða eitthvað svoleiðis.

Hjálp!

Hvað eru það margir dagar innan rimla?

Ó, ég gleymdi mér hérna.

Það er öðruvísi glæpur.

Það eru hangikjötslærin, sláturkeppirnir og vodkapelarnir sem vigtast á vogarskálum réttlætisgyðjunnar.

Ég sé ekki þetta stærsta bankarán Íslandssögunnar komast fyrir á þeirri vog. 

Ætli þeir séu kannski með stærri vigt í USA?

Gætum við fengið hana lánaða?

Nei, nei, segi svona.

Stal vodkafleyg og einum bjór

Athugasemdir

[Birna Dis Vilbertsdóttir (IP-tala skráð) 9.7.2009 kl. 15:27]

Dómskerfið er undarlegt og sumir dómarar undarlegri en aðrir.Hæstaréttardómarar eru á einhveri annarri plánetu en við .

http://visir.is/article/20090709/FRETTIR01/66355698

Eða ekki?

[Jenný Stefanía Jensdóttir, 9.7.2009 kl. 15:52]

Já sæl ég heiti Karl ...........

Það gera 11, 3 milljónir ára og ef við deilum því milli svona 10 þrjóta þá verða það 1,1 milljón ár, sem hljómar snöggtum betur.

[Margrét Sigurðardóttir, 9.7.2009 kl. 16:11]

Við vitum að dómarar eru SjálfstæðisFLokksmenn, allflestir. Undantekning þá á er aðeins leyfð til að sanna regluna. Og hættulegustu glæpamennirnir eru þeir sem voga sér að stela frá kaupmönnum og eignamönnum. Gefin eru sterk skilaboð um að slíkt borgi sig ekki.

[Brynjólfur Árnason, 9.7.2009 kl. 16:36]

Ekki flókið reikningsdæmi. Undirritaður fékk 18 mánaða fangelsisvist fyrir að draga sér 13.671.598kr af almannafé sem sagt 759.533 á bakvið hvern mánuð eða 25.317 hver dagur.

Til að auðvelda útreikning á dómum má þannig segja að hver milljón leggi sig á 42,88 daga í fangelsi.

Hvað verður Björgúlfur þá gamall þegar hann losnar út?

[Finnur Bárðarson, 9.7.2009 kl. 17:42]

Hvað verður Björgólfur gamall þegar hann kemst út, hann verður eldri en Metúsalem eitthvað í kringum 400 ára.

[Helga Magnúsdóttir, 9.7.2009 kl. 22:05]

Sjálfstæðisflokkurinn á dómstólana. Við hverju býstu? Arrrrg, þetta gerir mann snaróðan.