Leita í fréttum mbl.is

Það má blóta

Á fólk núna að hópast út á götur borgarinnar, syngjandi og dansandi með rós í munni, til að fagna að frystingu eigna Landsbankans verði nú mögulega aflétt?

Eigum við að trúa því að það sé komin lausn í málið sem við getum sætt okkur við?

Sú lausn er einfaldlega ekki til gott fólk.

Ég veit ekki með ykkur, en ég svona prívat og persónulega hafði aldrei heyrt á Icesave minnst fyrir bankahrun.

En miðað við eftirmálin þá var þetta mitt mál, mín ábyrgð.

Haarde og kó hefðu nú getað sagt okkur fíflunum á götunni að líf okkar og efnahagur væri undir fyrir gullétandi Landsbankaklikkhausana, svo við vissum að minnsta kosti að það væri búið að veðsetja okkur og börnin okkar.

Eins og þetta milljarðaklúður sé ekki nægjanlegur biti fyrir okkur að kyngja þá munu glæpajurtirnar í Landsbankanum vel flestar vera þar enn við vinnu og ég vona að helvítis málmgræðgin í þeim valdi þeim illilegum meltingartruflunum og það að lágmarki.

Við eigum þessa banka, burt með þetta lið.

Ég get ekkert verið málefnaleg í þessu máli, það er engin glóra í þessu fyrirkomulagi frá upphafi til enda.

Það má blóta.

Gremja mín beinist þangað sem hún á heima, að þeim stjórnmálamönnum sem bjuggu í haginn fyrir bölvaða glæpahundana sem gjörspilltir hegðuðu sér eins og engin væri samviskan.

Í mínum huga eru þessir stjórnmálamenn sem hönnuðu bankaumhverfið og veðsettu okkur eins og nú er ljóst orðið ekkert minna en landráðamenn.

Og mikið helvíti er holur hljómurinn í vandlætingartali Framsóknar- og Sjálfstæðismanna á þinginu.

Ég bið fólk að halda því til haga að þar fara arkitektarnir að bankageðveikinni.

Nú standa þeir í ræðustól þingsins, bláir í framan af vandlætingu og láta eins og innblásnir trúarnöttarar sem láta sig raunveruleika og staðreyndir engu varða.

Urrrrrrrrrrrrr


mbl.is Frystingu eigna aflétt
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Jón Steinar Ragnarsson

Ég þakka nú guði, trúlaus maðurinn, að einhver opnar þó kjaft gegn þessu. Við verðum að leggjast á sveif með þeim. Það þýðir ekki að við séum seld undir Framsókn og Sjallana. Núna eru þeir einir um að segja stopp nú stýrimann og það segjum við líka.

Jón Steinar Ragnarsson, 6.6.2009 kl. 09:53

2 Smámynd: Jón Steinar Ragnarsson

Ég vil svo nota leyfið og segja: Helvítins Fokking Fokk!

Jón Steinar Ragnarsson, 6.6.2009 kl. 09:55

3 Smámynd: Sigrún Jónsdóttir

Ég tek undir hvert orð sem þú ritar Jenný.

Sigrún Jónsdóttir, 6.6.2009 kl. 10:39

4 Smámynd: hilmar  jónsson

Tek algerlega undir þetta Jenný. Það er nauðsynlegt í öllu þessu rugli að halda því til haga, að þeir sem megin ábyrgð bera á gjaldþroti landsin , eru þeir sem nú leika saklausa frelsandi engla: þ.e: Framsóknarflokkurinn og Sjálfstæðisflokkurinn.

En í mínum huga trjónir efst á sökudólgalistanum, sá hrokafulli og siðlausi maður Davíð Oddson. Maðurinn sem er hönnuður þessa spillingarkerfis, og síðan sem Seðlabankastjóri, átti að hafa eftirlit og ábyrgð með stöðu fjármála gagnvart umheiminum.

Það er fáránlegt ef við ætlumst ekki til þess að þeir menn sem fóru með yfirstjórn fjármála, verði ekki látnir bera ábyrgð. Höldum fókus í þessu please...

hilmar jónsson, 6.6.2009 kl. 11:44

5 Smámynd: hilmar  jónsson

P.s. Víðasr hvar í heiminum eru stjórnmálamenn sem gerast sekir um glöp og landráð af þeirri gráðu sem við erum að horfa upp á hér, dregnir fyrir dóm og dæmdir til refsinga.

Ef við ætlum að byggja hér upp nýtt samfélag og útrýma því siðleysi sem viðgengist hefur hér, er óhjákvæmilegt að gera þessi mál upp

hilmar jónsson, 6.6.2009 kl. 11:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 9
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband