Leita í fréttum mbl.is

Byrjað á vitlausum enda?

Ég hélt að allir vissu að það yrði skorið niður eins og enginn væri framtíðin.

Vegna þess að útrásarvíkingar, fyrrverandi ríkisstjórnir og aðrir spilligrísar settu þjóðina á heljarþröm.

Í beinu framhaldi af því þá finnst mér ekki skrýtið að byrjað væri á brennivíni, tóbaki og eldsneyti.

En það er bara ég, veit minna en ekkert um svona mál.

Ég sá að veitingamenn voru skelfingu lostnir vegna áfengisskatts.

Kannski er byrjað á vitlausum enda, lífsnauðsynjar hækkaðar upp úr öllu valdi.

Það hefði t.d. verið hægt að lúxusskatta bleyjur og matvöru.

Nú eða bara sleppa niðurskurði.

Það er góð hugmynd.

Og láta þá borga sem komu þjóðinni hingað.

Svei mér ég er algjörlega skilningsvana.

 


mbl.is Áfengi og eldsneyti hækka
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Katrín Snæhólm Baldursdóttir

Fólk er öskureitt að þessir hlutir hafa verið valdir til að setja hækkanir á því þeir telja í vísitölunni og hækka þar með lánin og allt með. Ríkið tekur inn 2.7 milljarða á aðgerðinni og hækkar um leið skuldir heimilanna um 8 milljarða...þetta er hrein svívirða og þessa tvo komma sjö milljarða hefði mátt taka í gegnum hátekjuskatt eða með því að loka þessum rándýru sendiráðum út um allt. En nei..látum heimilin sem nú þegar eru í kremju klára dæmið ein og sér..fjármagmnseigendur hljóta að þakka Guði daglega fyrir þessa frábæru stjórn sem stendur sko vörðinn fyrir þá.

Og svo á bara að halda áfram að ræða ESB í dag.....

Katrín Snæhólm Baldursdóttir, 29.5.2009 kl. 09:45

2 Smámynd: Sævar Helgason

Þetta er bara byrjunin á niðurskurði lífskjara -  það versta er eftir.

Ég sakna þess að ekki fylgi með hluttekningarkveðjur frá Sjálfstæðisflokki og Framsókn- stjórnmálaöflunum sem lögðu grunninn og keyrðu þessa þjóð í þrot .

Einkavæðing bankanna til vildarvina sem breyttu þeim og öllu efnahagskerfinu í spilavíti- og töpuðu öllu....  Við eigum að borga spilið.

ESB aðild er ein af vonum okkar til að koma fjárhag okkar til stöðugleika og upprisu þjóðlífs....Strengjum þess heit.

Sævar Helgason, 29.5.2009 kl. 09:58

3 Smámynd: Sigrún Jónsdóttir

Ég er á svipuðum slóðum og þú í skilningsleysinu  Las ekki skammarbofs um hækkun leikskólagjalda en allt fór á hvolf við hækkun tóbaks og áfengis.....en ég er heldur ekki hagfræðingur eins og sumir.

Held að ríkisstjórnin hafi verið að gera mér persónulegan greiða því nú hækkar reykinga sparnaðurinn minn um 15%....

Sigrún Jónsdóttir, 29.5.2009 kl. 10:07

4 Smámynd: Katrín Snæhólm Baldursdóttir

Eina hækkunin á leikskólagjöldunum er fyrir níunda tímann..en gjöldin fyrir átta stundirnar eru þau sömu svo þarna er ekki verið að hækka leikskólagjöldin yfir alla línuna.  En að er klárt mál að neysluvísitalan er kolrangt reiknuð og þættir í henni sem ættu alls ekki að telja...hún er víst bara endurmetin endrum og sinnum og hefur ekkert verið tekin til skoðunar eftir hrunið og allar þær grunnbreytingar sem hafa orðið hér síðan. 

Er einhver hér á þessu landi með fullu viti sem getur látið til sín taka....???? Er ekki komið nóg af þessari firringu stjórnvalda?

Hjálp!!!

Katrín Snæhólm Baldursdóttir, 29.5.2009 kl. 10:19

5 identicon

Ég hef persónulega ekkert á móti því að hækkaðir verði skattar á áfengi og tóbaki.... setjum sem mesta skatta á þetta ef mögulegt er.  Ég aftur á móti sé þetta eins og Katrín Snæhólm hér að ofan.... þetta hefur áhrif á lánin mín sem ég er þegar að sligast undan.  Ef ríkisstjórnin getur aftengt þetta þá flott mál og leggið eins mikið á sígarettur og áfengi og hægt er.

Bensín- og olíuhækkuninni megum við þó ekki við að mínu mati, hvort sem hún hefur áhrif á vísitöluna eða ekki.

Erna Kristín (IP-tala skráð) 29.5.2009 kl. 10:38

6 Smámynd: Lilja Guðrún Þorvaldsdóttir

Það er búinn að vera lúxusskattur á bleyjur og lífrænni matvöru um árabil, eða allt frá því að farið var að flytja inn þennan lúxus. 

    En ég held að þessi ríkisstjórn hafi byrjað á því að taka lúxusskattinn af bleyjunum, - svo vonandi taka þeir líka lúxusskattinn af lífrænt ræktaðri matvöru, þá verðu sko kátt í höllinni hjá mér.

Lilja Guðrún Þorvaldsdóttir, 29.5.2009 kl. 17:17

7 Smámynd: Lilja Guðrún Þorvaldsdóttir

Katrín Snæhólm, er níundi tíminn ekki teljandi hækkun! 

 Þekkir þú eitthvert einstætt foreldri t.d. sem þarf að skila átta stunda vinnudag, og er með barn á leikskóla sem þetta bitnar ekki á. Fólk þarf tíma til að koma sér í og frá vinnu, svo níundi tíminn er ófrávíkjanlega viðbótarkostnaður við leikskólagjöld fjöld foreldra hjá leikskólum Reykjavíkurborgar.

Lilja Guðrún Þorvaldsdóttir, 29.5.2009 kl. 17:23

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (29.3.): 0
  • Sl. sólarhring: 8
  • Sl. viku: 16
  • Frá upphafi: 0

Annað

  • Innlit í dag: 0
  • Innlit sl. viku: 16
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband