Dótturfélög Kópavogs

Farsinn í Kópavogi heldur áfram.

Með þá vini sem Sjálfstæðisflokkurinn á í voginum þarf hann enga óvini, þarna sjá stuðningsmenn Gunnars Birgissonar um að stroka sig út af yfirborði jarðar og það heilu ári fyrir kosningar.

Gunnar í Krossinum, þessi sem keypti snekkjuna eða bátinn um daginn styður nafna sinn heilshugar.

Finnst að það sé æskilegra að vinna með afkomendum sínum en ekki.

Group hvað?

Þarna eru dótturfélögin mynduð eins og ekkert sé siðferðið.

Já og vel á minnst, Gunnararnir tveir gefa fyrirbærinu fjölskyldufyrirtæki nýja merkingu og minna mig á önnur "fyrirtæki" sem hafa lengi verið við líði í heiminum og eru kennd við ákveðinn stað á Ítalíu.

Jabb.

Athugasemdir

[Sigrún Jónsdóttir, 23.5.2009 kl. 17:50]

"The Gunndólgs in Kópanó"

[Hildur Helga Sigurðardóttir, 23.5.2009 kl. 18:26]

"Kopranos"

[Katrín Snæhólm Baldursdóttir, 23.5.2009 kl. 18:50]

Magnað hversu sumir "sannkristinir" eru siðblindir!

[Hrönn Sigurðardóttir, 23.5.2009 kl. 19:37]

Frábær!

[hilmar jónsson, 23.5.2009 kl. 20:13]

Hann var góður í fréttunum í kvöld karlinn.

Vinstrimenn og fjölmiðlafólk hafa sameinast um að leggja hann í einelti, starngheiðarlegan manninn.

[Jens Guð, 23.5.2009 kl. 21:18]

  Í Asíu henda menn sér fram af kletti þegar þeir verða uppvísir að spillingu.  Á Íslandi vísa menn úr skjaldborg Sjálfstæðisflokksins sök á fjölmiðla þegar þeir verða uppvísir að spillingu.

[Einar Indriðason, 23.5.2009 kl. 21:28]

Hvor Gunnar-inn er ... Don Gunnar?

[Árni Gunnarsson, 23.5.2009 kl. 21:35]

Ef Gunnari Birgissyni dytti í hug að henda sér fram af kletti þá lánaði nafni hans í Krossinum honum bara vængi til að fljúga.

[DoctorE (IP-tala skráð) 23.5.2009 kl. 22:01]

Best væri að þeir báðir sigli í burtu af landinu á örkinni hans Gunnars Á krossinum

[Kolla (IP-tala skráð) 23.5.2009 kl. 22:01]

The Gunndólgs in Kopranos    - Kopranos-Doninn er Goldfinger-Geiri sem alltaf er umvafinn föngulegum konum. Hver myndi ekki vilja hvíla í mjúku fangi hans?

[Ingibjörg Hinriksdóttir, 23.5.2009 kl. 23:57]

"Fundarmenn sýndu bæjarstjóranum stuðning og hlógu þegar hann gerði grín að pólitískum andstæðingum."

Æi, en sætt. Gott að samherjarnir sýndu manninum stuðning með því að hlægja að honum!

[Tryggvi (IP-tala skráð) 23.5.2009 kl. 23:59]

sá sem gengur um ganga á bæjarskrifstofum Kópavogs og segir svo allir heiri ekki láta ykkur detta í hug að ég sé í þessu án þess að hafa eitthvað útúr því sjálfur gæti líka ætlað að láta börninsín njóta þess

[Helga Kristjánsdóttir, 24.5.2009 kl. 00:19]

 Gott að farsanum í höfuðborginni er lokið.

[Sigurður Þorsteinsson, 24.5.2009 kl. 00:49]

Konan úr Vesturbænum sem stýrir dómstól götunnar. Það gerði líka Stalín sem sagðist einnig vera með róttæka vinstri slagsíðu. Það er ekki nema von að hún eigi erfitt með að dylja óvildina til Gunnars í Krossinum.

[davið oddson (IP-tala skráð) 24.5.2009 kl. 02:14]

Svo fer Gunni litli á Goldfinger að hitta vin sinn geira og fá sér eitthvað fleira en detox

[Brjánn Guðjónsson, 24.5.2009 kl. 02:37]

„Fundarmenn sýndu bæjarstjóranum stuðning og hlógu þegar hann gerði grín að pólitískum andstæðingum.“

hann hefur lært Dabbatæknina á landsfundinum, að kalla pólitíska andstæðinga álfa.

frekar skondið þegar tröllin fara að skjóta skotum sínum að álfunum.

[Jenný Anna Baldursdóttir, 24.5.2009 kl. 09:17]

Er þetta húmor Sjálfstæðismanna yfirleitt að hlæja að ruddalegum athugasemdum um andstæðingana?  Ég meina það er ekki langt síðan að liðið í Höllinni lá í krampa yfir heiftarkommentum Davíðs um nýja Seðlabankastjórann, þegar hann vonaði að hann með Alzheimer.

Sigurður Þorsteinsson: Mér er ekki í nöp við Gunnar í Krossinum persónulega en ég er svo sannarlega dauðhrædd við menn sem með trú að leiðarljósi misnota aðstöðu sína gagnvart því, eins og t.d. með því að viðhalda fordómum, ljúga til um himin og helvíti og fordæma t.a.m. homma og lesbíur en treysta sér til án hiks að lýsa yfir stuðningi við mann eins og Gunnar Birgisson.

Kopranos!!!!! HH, ég er í kasti.

Takk öll.

[corvus corax, 24.5.2009 kl. 11:37]

Það er spurning hvor Gunnarinn er meiri drullusokkur, freistarinn eða fitubollan. Annar þykist vera einkaumboðsmaður almættisins (freistarinn getur tekið á sig ólíklegustu myndir) og hinn er einkaumboðsmaður spillingarinnar ...báðir skíthælar af vondri sort.

[Runar (IP-tala skráð) 24.5.2009 kl. 13:48]

Það að Gunnar krossari hafi keypt sér hlut í bát gerir hann varla að glæpamanni.. er það Jenný ?

Ef það eitt kemur manni inn í mengi glæpamanna þá er ég vissulega glæpahundur mikill.

Alveg er hún furðuleg þessi þörf ykkar/okkar  vinstri manna er til að skíta út allt og alla sem tengjast kristni trú.

Líklega er það tilviljun að á þeim svæðum heimsins sem kristin trúarbrögð eru ofan á er frelsið einna mest. Samt er þörfin  það rík að ef svokallaðir guðsmenn kaupa sér flatskjá þá er talað um hræsni og myrkraverk.

Ég held að Gunnar búi í fjölbýlishúsi og er því hæpið að mammon mæti á sama ættarmót og Gunnar krossari.

Fyrr má nú vera geðveikin ef guðsmenn mega ekki kaupa sér annað en mat. til að sleppa við skítköst.

Ég er þó sammála þér með Gunnar von kópavog, hann er spillingin holdi klædd og meðan sorinn hefur ekki verið þinglýstur á krossarann okkar þá finnst mér hann ekki eiga heima í pistli um spillingu og myrkraverk.

Sjálfur tel ég mig að mörgu leiti skoðanabróður þinn í pólitík en mikið ergir það mig þessi árátta vinstri manna til að nota stækkunarglerið á allar fréttir sem tengjast kristni.

Í það minnsta ég er þakklátur fyrir að fæðast inn í þjóðfélag sem hefur minnkað völd og vægi  trúarbragða og viðkomandi trúarbrögð bæði sætta sig við það og virða. 

Þú ert samt ágæt Jenný mín

[Einar Þór (IP-tala skráð) 24.5.2009 kl. 16:48]

uhh, dró Gunnar Kross sig ekki inní þetta mál alveg sjálfur og án þess hin and-kristnu öfl kæmu þar nálægt?  Hann stökk jú til og lýsti yfir stuðningi við manninn áður en búið var að rannsaka málið sem er jú ekkert minna vitlaust en að stökkva til og lýsa yfir sekt hans á sama stigi.

Það lýsir ekki góðu siðferði; það lýsir frændskap.

[Jenný Anna Baldursdóttir, 24.5.2009 kl. 17:00]

Ég er ekki að banna manninum að kaupa sér kænu, mér kemur það ekkert við en mér finnst það skjóta skökku við í þessu árferði að maður sem er á launum frá söfnuði leyfi sér svona. 

[Runar (IP-tala skráð) 24.5.2009 kl. 20:36]

Nákvæmlega Jenný... Gunnar virðist eiga að halda þéttar um budduna af þeirri ástæðu einni, að hann er guðs maður. Er ekki einhvað rangt við þennan málflutning ??

Ég veit ekki hvort krossinn sé á fjárlögum, en ég held að þessi söfnuður keyri mest á tíund safnaðarmeðlima.

Ég þekki ekki neyslu Gunnars, en er það mikill glæpur að fjárfesta í stærri hlut en sígarettupakka á Íslandi í dag ??

Eða er það málið að guðsmenn eigi að notast við harðari skilmála og reglugerðir en ekki-guðsmenn í fullkomnu samfélagi ?

Væri þér illa við ef Steingrímur VG keypti sér nýjan bíl á morgun, mundi það trufla þig það mikið að þú gæfir honum  pláss í bloggi þínu fyrir vikið ?

[DoctorE (IP-tala skráð) 25.5.2009 kl. 10:19]

Einar Þór: Samkvæmt biblíu eiga þeir sem vilja vera 100% kristnir að selja allt sem þeir eiga og gefa fátækum... þeir eiga ekkert að hugsa um framtíðina, ekkert um líkama sinn.
Þeir eiga að bíða eftir að guddi fóðri þá eins og fugla.

Guð hatar peninga... því hlýtur hann að hata Gunnar og örkina hans

[Ásthildur Cesil Þórðardóttir, 25.5.2009 kl. 11:44]

Skrýtið að hneykslast á því að rætt sé á þessum nótum um Gunnar í krossinum og aðra Guðsmenn.  Þeir skapa sér þessar umsagnir sjálfir með framkomu sinni.  Hrokagikkir besservisserar sem telja sig eina hafa Guðdómin í höndum sér og vera þess umkomnir að deila og drottna.  Sem betur fer fer þeim fjölgandi sem geta hugsað sjálfstætt og komið sér upp sínum eigin skoðunum, án tillits til presta eða preláta. 

[Jenný Anna Baldursdóttir, 25.5.2009 kl. 12:06]

Ég gef ekki baun fyrir guðsmenn í pólitískum flokkum.

Eru þeir ekki veraldlegir?  Eru þeir ekki fullir af vílingum og dílingum sem ekki eru "guði" þóknanlegir?

[Jóhann Gunnar (IP-tala skráð) 25.5.2009 kl. 20:54]

Ásthildur

Samt sem áður studdir þú þinn formann sem hafi haldið landsfundinn heima á stykkishólmi í kjallaranum sínum þar sem áttfalt færri mættu? Lýgur að mönnum um framkvæmdastjórastöðu og svo framvegis. Þú bara verður að líta í eigin barm kona góð.

[Sigurður Þórðarson, 25.5.2009 kl. 21:15]

"Dótturfélög"!!!  

Þú getur verið fjári orðheppin og meinleg Jenný. 

[Einar Örn Einarsson, 26.5.2009 kl. 18:12]

Jenný snilldarpistill.

Skil ekki hvað varðhundarnir eru eitthvað hörundssárir fyrir hönd svona gaura.

Gef ekki mikið fyrir slíka kóna...og hananú.

Búinn að hlæja upphátt af kommentunum hérna :)

Dótturfélög..... búið að rústa orðinu í mínum huga.