Leita í fréttum mbl.is

Fossablæti

Svona frétt er uppfyllingarefni.

Þriðjudagur smiðjudagur.

Vitið þið að mig dauðlangar á hótel um páskana.

Ég sagði mínum reisufælna eiginmanni þessi tíðindi rétt fyrir kvöldfréttir.

Hann spurði hvar hótelið ætti að vera staðsett, kannski í öðru landi?

Ég var á því að það væri slétt sama, mig langaði einfaldlega á hótel.

Og ég vildi að það heyrðist í fossi inn um gluggann.

Ég nenni ekki að segja ykkur hvernig þetta samtal þróaðist.

En ég er ekki á leiðinni á hótel um páskana.

En mér hefur hins vegar verið bent á að það sé foss í nágrenninu sem ég geti heimsótt.

Þessi í Kaupþingsanddyrinu þið vitið.

Á opnunartíma banka og sparisjóða.

Hef ég sagt ykkur hvað ég er gift skemmtilegum manni?

Ekki?

Ég held ég láti það alveg eiga sig að sinni.


mbl.is Þriðjudagur erfiðastur vinnudaga
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Brjánn Guðjónsson

tjalda undir Glymi, fossinum, í Hvalfirði og ganga saman upp fyrir hann.

mæli aldeilis eindregið með því.

getur ekki klikkað

Brjánn Guðjónsson, 7.4.2009 kl. 22:48

2 identicon

Það er foss í Elliðaánum nánar til tekið í elliðaárdalnum þú labbar bara þangað nema sígarettu mæðin sé alveg að fara með þig

Tryggvi (IP-tala skráð) 7.4.2009 kl. 22:56

3 Smámynd: Lilja Guðrún Þorvaldsdóttir

Eins er hótel við Skógarfoss, Seljalandsfoss, og svo er hótel við læk á Húsavík.

Lilja Guðrún Þorvaldsdóttir, 7.4.2009 kl. 23:00

4 Smámynd: Ingibjörg Hinriksdóttir

Svona til upplýsingar þá var ég í Kaupþingsanddyrinu um daginn, og horfði á fossinn sem ég tók þátt í að borga með viðskiptagjöldum mínum í Kaupþingi. Það heyrist ekkert í honum!

Kíktu á eitthvert þeirra hótela sem Lilja bendir á. Svo má alltaf skrúfa frá krananum og láta sulla svolítið í vaskinum ef mæðin fer með þig!

Ingibjörg Hinriksdóttir, 7.4.2009 kl. 23:11

5 Smámynd: S. Lúther Gestsson

Sammála þér Jenný um að svona frétt sé uppfyllingarefni.

það er líka fréttin sem er búin að vera á hverjum einasta degi um að einhver unglingspiltur frá Belgíu sem var tekin með efni í maganum sé búinn að kúka, hann er víst búinn að kúka 2 um helgina en svo kúkaði hann seint í gærkveldi og þá skilaði restin af dópinu sér.

Þú veist þá núna hvað þú getur talað um við mannin þinn fyrst hann er svona leiðinlegur við þig. 

Fræddu hann alla páskana um hvenar helvítis Belginn Kúkaði og hvað miklu í einu.

S. Lúther Gestsson, 7.4.2009 kl. 23:23

6 Smámynd: Jenný Anna Baldursdóttir

Ég tek vaskinn og hver hvergi.

Lúther: Þarna komstu með  það.  Verkefni helgarinnar er hér með fyrirliggjandi.

Takk öll.

Jenný Anna Baldursdóttir, 8.4.2009 kl. 08:20

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (28.3.): 1
  • Sl. sólarhring: 1
  • Sl. viku: 10
  • Frá upphafi: 2985622

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.