"Multiple personality"

Ég myndi aldrei meika það í pólitík.

Af því að ég er friggings tilfinningavera og ég bregst við samkvæmt því og svo sést ég heldur ekki fyrir, hleyp á veggi og svona, algjör fimbulfambus.

Fyrir utan það að ég fékk enga plotthæfileika í vöggugjöf, fékk hins vegar (of)gnótt af öðrum eiginleikum, góðum og slæmum eins og gengur.

Og af því að ég geng óbundin til kosninga (hehemm), ætla aldrei í pólitík og stend fyrst og fremst til svars gagnvart sjálfri mér, þá leyfi ég mér að buna út úr mér því sem ég er að hugsa.  Og það algjörlega án ábyrgðar og í boði mínu.  Svo er það barnalegt (ég veit það) og ekki mjög ígrundað heldur.

Fokkit!

Kjósum 4. apríl.

Það á að rjúfa þing.

Enginn flokkur (lesist VG og Samfó) á að reikna með stuðningi Framsóknar.

Jafn vænlegt til árangurs og að heimta skírlífi af manni með skuldbindingarfælni.

Gamli valdaflokkurinn sem setið hefur hér síðan á síðustu öld ef frá er talin átján mánaða pása, er allt of innveklaður í alls kyns hagsmunapólitík sem gerir það að verkum að það er nákvæmlega ekkert að marka það sem hann segir þegar vinna á eftir gegnsæjum reglum nýrra tíma.

Framsókn hefur svikið þann samning sem hann sjálfur setti á koppinn.

Þeir höfðu frumkvæðið að myndun minnihlutastjórnar og skilyrðin hafa síðan komið á færibandi frá fyrsta degi.

Fari þessi aumi svikráðaflokkur og veri.

Nei annars, ég skil að Höskuldur vilji bíða eftir skýrslu frá Evrópuseðlabankanum.

Ég skil það líka ef þeir vilja bíða eftir ársskýrslu Simbaweseðló, líka skýrslunni frá Líbýu, Kúbu og Glapagos.

Við megum ekki flana að neinu.

Krakkar kjósum.

Þetta samstarf ef samstarf skyldi kalla, stjórnarflokkanna við Framsókn hlýtur að vera geðveikislega spennandi.

Svona álíka og búa með manni sem er með greininguna "multiple personality".

Hvað bíður þín þegar þú vaknar á morgnanna?

Kræst.

Mikil fundahöld í þinghúsinu

Athugasemdir

[Finnur Bárðarson, 23.2.2009 kl. 18:26]

Já Framsókn hefur alltaf verið umhugað um afstöðu ESB. Þeir taka enga ákvarðanir án þess að skoða gaumgæfilega viðhorf sambandsins.

[Heiða B. Heiðars, 23.2.2009 kl. 18:41]

Nei.... við eigum að krefjast þess að fá þjóðstjórn eða utanþingsstjórn og kosningar í vor. Ný framboð verða að fá tíma til að vinna að sínum málum

[Ingibjörg Hinriksdóttir, 23.2.2009 kl. 19:02]

Mér datt nú bara í hug (af því ég er haldin smá skitsó eins og þú) að Höskuldur væri að hefna sín á Sigmundi vegna þess að hann vann ... nei annars hann vann hann ekki í kjörinu um formannsembættið.

[Jenný Anna Baldursdóttir, 23.2.2009 kl. 20:46]

Ég vill að það verði kosið sem fyrst nú eða þá utanþingsstjórn.

Ég vil ekki sjá íhald og framsókn þó til bráðabirgða sé.

[Einar Indriðason, 23.2.2009 kl. 22:24]

Svo er annað, Jenný mín, sem veldur því að þú getur ekki farið í pólitík:

- Þú ert of heiðarleg til þess.

Og hana nú.

[Einar Indriðason, 23.2.2009 kl. 22:25]

Og nei, það bara má EKKI!!!!  hafa framsókn eða íhald, jafnvel bara í viku, eða einn dag!  ÞAÐ MÁ EKK!!!!!   Nógan skaða hafa þeir valdið okkur nú þegar!!!!!

[Sigurður Þór Guðjónsson, 23.2.2009 kl. 23:37]

Auðvitað fáum við íhald og framsókn! Guð gefi mér æðruleysi.

[Jenný Anna Baldursdóttir, 24.2.2009 kl. 00:04]

Sigurður: Ég held því miður að það sé rétt til getið að við sitjum uppi með valdníðslubatteríið.

Einar: Takk, ég veit bara að ég á ekkert erindi í pólitík.

Heiðarleg?  Já núorðið en svo sannarlega ekki alltaf.