Bláskjár fer - Rauðka kemur inn

Í dag mun að líkindum stjórnin hennar Jóhönnu verða til.

Hér eftir kölluð Rauðka á þessari síðu til aðgreiningar frá Bláskjá sem er farinn í naflaskoðun.  Megi hann leita vel og lengi og ekkert finna fyrr en í haust.

Sko, stjórnir eiga það til að mæta á flotta staði til að skrifa undir stjórnarsáttmála, til að geta orðið sér út um hátimbruð nöfn sem verða skráð í sögubækur framtíðarinnar.

Þingvallastjórnin s.k. liggur nú í valnum með CV upp á dauða og djöful.

Ekki allt þeim að kenna, en andskoti margt samt.

Að minnsta kosti ætti hún að heita eitthvað annað þegar maður lítur til baka á merkin og verkin.

Hvað verk?  Ók,ók,ók, þeir gerðu milljón hluti að eigin sögn, en unnu samkvæmt lögmálinu;

Það sem fólk veit ekki - meiðir það ekki.

Viðreisnarstjórnin var að mörgum álitin algjör bjargvættur.

Ég minnist hennar sem stjórnar þar sem atvinnuleysið var skelfilegt.

En án gamans, þá hefur ný stjórn 83 daga til að gera eitthvað.

Hún er ekki öfundsverð.

En það erum við almenningur ekki heldur.

Og þó, við erum vöknuð og verðum á vaktinni.

Búsáhaldabyltingin er "work in progress" og rétt byrjað.

Í morgun ákvað ég að láta prenta á skilti til að stinga niður á Seðlabankalóðinni öðrum til varnaðar,

"Varúð - glæpur í framkvæmd - út af lóðinni".

En ég hætti við það af því mér var of kalt.

Sé til á morgun.  Farin að hvíla mig.

Jabb, það ætla ég að gera.

Ingibjörg á Bessastaði í dag

Athugasemdir

[Hulla Dan, 1.2.2009 kl. 13:49]

Góða hvíld. Það er líka dagurinn til þess.

[Einar Áskelsson (IP-tala skráð) 1.2.2009 kl. 14:11]

Ha ha Rauðka. En þú hefur lög að mæla, á vaktina. Eruð þið að horfa á Silfrið. Samkvæmt hagtölu Seðló voru skuldir 2000 milljarðar umfram eignir. Í bönkunum 1000 milljarðar umfram eignir. Samt allt í goddy. Og lífeyrissjóðir enn að fjárfesta. Af hverju? Einfalt vitleysingarnir ykkar.  Munurinn er goodwill, fattiði það ekki? Sagði Bjarni Ármannsson. En Seðló gerði samt ekkert. Eftirlitið gerði ekkert. Ríkisstjórnin gerði ekkert. Fjármálagrúruar heldur áfram. Eins og ekkert sé. Afsakaðu málæðið Jenný, verð varð bara brátt í brók og er farinn á klósettið.

[Anna Ólafsdóttir (anno) (IP-tala skráð) 1.2.2009 kl. 14:49]

En án gamans, þá hefur ný stjórn 83 daga til að gera eitthvað.

Hún er ekki öfundsverð.

En það erum við almenningur ekki heldur.

Og þó, við erum vöknuð og verðum á vaktinni.

Ég sá ástæðu til að hefjast handa við bloggskrif í dag þegar ég las, á vef RÚV í dag, greiningu á fylgi við stjórnmálaflokkana sem eru persónur og leikendur í atburðum janúarmánaðar. Mér fannst þessi spurning um „vaktina“ sem þú talar um, eða kannski öllu heldur gagnrýna hugsun dálítið æpandi þegar ég horfði á þær tölur.

En þess fyrir utan: Bestu kveðjur í bæinn  

[Jenný Anna Baldursdóttir, 1.2.2009 kl. 15:00]

Anna: Sömuleiðis.

Einar: Góður.

Hulla: Sömuleiðis.