"The "en" word"

 

Best að skella inn einni EN-færslu, langt síðan síðast sjáið þið til.

Betra að skrifa um það heldur en að einhenda sér í uppvaskið sem bíður mín, en ég var með forsetahjónin af Búrúndí í heimsókn.

Ókei, þau eru frá Köben.

Það er þetta með orðið "en".  Ég blogga reglulega um fullyrðingarnar hjá fólki (stundum mér sjálfri líka) sem setur svo "en" fyrir aftan og segir hið gagnstæða.

Dæmi:

Þú ert alls ekkert feit EN þú mátt missa nokkur kíló.

Þú ert ekki þreytuleg, nei, nei EN þú ættir að hvíla þig betur.

Ég er ekki rasisti EN ég vill ekki sóansó frá sóandsó inn í landið.

Þú ert birtingarmynd fullkomnunar í þessum kjól EN þú ættir að fara í hinn kjólinn.  Hann klæðir þig betur.

Kapíss? No?

Ég var nefnilega að hugsa um yfirlýsingarnar frá ríkisstjórninni, fjölmargar sem hljóma á einn máta en þýða hið gagnstæða.

Kannist þið við þessar?

Það verður að fá allt upp á borðið, velta við hverjum steini EN það á alls ekki að leita að sökudólgum (hvað þá persónugera vandann),  heldur skrifa leynilegar skýrslur og ráða ráðum í reykfylltum bakherbergjum.

Árni Mathiesen, fjármálaráðherra hefur brotið stjórnsýslulög sem er alvarlegt mál EN ég treysti honum til allra góðra verka.

Við munum aldrei láta kúga okkur til að greiða Icesave peningana EN við ætlum ekki að fara í mál við Bretana, bara borga og brosa.

Málið er allt að verða vitlaust í kringum mann.  Breytingarnar snöggar, umskiptin svo stór og sífellt bætast fleiri hneyksli í sarpinn.

Ég er hætt að geta meðtekið allt sem ég les, hvað þá orðað tilfinningar mínar gagnvart því.

Ég skil svo vel af hverju "helvítis fokking fokk" hefur slegið í gegn í samfélaginu eftir Áramótaskaupið.

Fólk er í vandræðum með að lýsa líðan sinni, sárindum, reiði og hneykslan.

Þess vegna grípur það til HFF þrátt fyrir að það sé ekki beinlínis fagurt orðasalat.

Nú hefur Eimreiðin birt skipurit "Nýja" Glitnis sem er auðvitað sami grautur í sömu skál eins og hjá Landsbanka sem birt er þar í gær.

Kíkið á skipuritið og sannfærist um að það er ekki verið að breyta neinu frá því sem var.  A.m.k. ekki neinu sem orð er á gerandi.

Það er einna helst bankastjóri Kaupþings sem virðist vera ærlegur í því að taka bankann inn í nýja tíma.

Enda fékk hann verðlaun frá aðgerðarsinnum í morgun, hið s.k. Ljós í myrkrinu.

Ég er farin í uppþvott EN ætla ekki að þvo upp fyrr en á mánudaginn.

En hvað?

Eiríkur Tómasson: Blekktu eigendur bankanna starfsfólk sitt?

Athugasemdir

[Gulli litli, 9.1.2009 kl. 16:33]

Ég kom hér við og las EN nú fer ég annað að lesa..

[Isis, 9.1.2009 kl. 16:56]

uppáhaldið mitt er "Mér finnst mótmæli eiga rétt á sér, EN bara ekki þessi..."

Ég alveg krullast upp... banna þetta orð, og þá verður lífið miklu beinskeyttara og einfaldara... sver það

[, 9.1.2009 kl. 17:18]

Gott orð "EN" EN kannski full ofnotað

[Ásdís Sigurðardóttir, 9.1.2009 kl. 17:44]

Eitt merkilegasta smáorð tungumálsins, En ekki hvað?? góða helgi

[Hrönn Sigurðardóttir, 9.1.2009 kl. 17:51]

"Þú ert birtingarmynd fullkomnunar í þessum kjól EN þú ættir að fara í hinn kjólinn.  Hann klæðir þig betur."  Mér finnst þessi setning bezt og ekkert fargins en neitt með það!

[Ólína Kjerúlf Þorvarðardóttir, 9.1.2009 kl. 18:00]

Já, helvítis fokking fokk! EN eigðu samt góða helga Jenný mín.

[Óskar Þorkelsson, 9.1.2009 kl. 18:31]

góð færsla Jenny

[kolbrún Bára (IP-tala skráð) 9.1.2009 kl. 19:06]

Sæl, Jenný, þessi skrif mín rötuðuðu ekki alveg á réttan svarreit í fyrstu.

Hér koma þau.

Ég er þér, Jenný og Hönnu Láru svo innilega þakklát og raunar fleirum

bloggurum ykkur líkum, fyrir skrif ykkar. Þið eruð  heiðarleg og sönn.

Málefnanleg, kjarkmikil og kröftug. Ef einhverjir geta flutt fjöll og brætt steina þá eru það þið. Svo marga hygg ég, að muni  fylgja ykkar málstað, að það gæti fullkomlega réttlætt útgáfu bókar með bloggskrifum ykkar, sem bæriheitið: "Áköll  þjáðar þjóðar."

Farið í friði,

Kolbrún Bára

[Jónína Dúadóttir, 9.1.2009 kl. 19:12]

[Heiða B. Heiðars, 9.1.2009 kl. 20:26]

Já en Jenný....hunskastu til að vaska upp í einum hvínandi grænum!

[Svanur Gísli Þorkelsson, 9.1.2009 kl. 22:48]

Þetta ótætis N

sem finnst í öllum

einmanna orðum.

Þetta ókláraða M

sem greinir kynin

hvert frá öðru

Þetta óláns N

sem skilur á milli

skoðana manna

Þetta jarðneska N

sem ekki finnst

í Guði

[Sigrún Jónsdóttir, 9.1.2009 kl. 22:58]

"En" hvað ég skil þig

[Steingrímur Helgason, 9.1.2009 kl. 23:29]

N leiðizt mér ...

[Jenný Anna Baldursdóttir, 9.1.2009 kl. 23:35]

Hehe, þið eruð frábær.

Og Svanur yrkir svo fallega um bölvað enið.

Kolbrún Bára: Þakka þér falleg orð.

Og þið hin eruð bara böggandi alltaf EN ég elska ykkur samt.