Leita í fréttum mbl.is

Kosningar á næsta ári ofkors

Rétt hjá VG auðvitað á að kjósa.  Ég vil kosningar á næsta ári eins og flest hugsandi fólk.

Það eru bara nokkrar eftirlegukindur í áhangendaklúbb jakkafatanna í Seðló og Sjálfstæðis sem auðvitað hræðast kosningar eins og pestina enda ekki skrýtið allt þetta lið er trausti rúið.

Auðvitað hangir íhaldið í þeirri veiku von að minni kjósenda sé eins og gullfiskanna og það fenni yfir sporin þeirra í bankahruninu með vorinu.

Allt gleymt og allir glaðir með Sjálfstæðis.

En þannig er það ekki í þetta skipti.

Skellurinn er of stór, mistökin of mörg og leynimakkið of augljóst, spillingin hreinlega gargar á mann með nýjum dæmum dag hvern.

Samfylkingin á eftir að hljóta sömu örlög og félagar þeirra láti þeir ekki kjósa í vor.

Það er auðvitað undir þeim komið.

Annars var það gott innlegg hjá stjórnmálafræðingnum í Silfri Egils í dag sem gerði að umtalsefni að íslenskir stjórnmálamenn skildu ekki hugtakið pólitísk ábyrgð.

Sjaldan hafa sannari orð verið töluð.

En við almenningur erum ábyrg og munum taka ríkisstjórnina og aðra hennar pótintáta í verklega kennslu um hvað svona ábyrgð felur í sér, eða réttara sagt hvað það kostar að axla hana ekki.

Við munum gera það með atkvæðinu okkar óseiseijá.

Allir á Borgarafundinn á morgun í Háskólabíó auðvitað.

Þar verður verkalýðsforystan - ef forystu skyldi kalla.

Allir af stað.

Úje í baráttunni.


mbl.is Vilja þak á verðtryggð lán og frystingu uppboða
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Ásthildur Cesil Þórðardóttir

Ætli fundinum verði útvarpað einhversstaðar á morgun ? Er annars sammála því sem þú segir hér að ofan.

Ásthildur Cesil Þórðardóttir, 7.12.2008 kl. 16:59

2 Smámynd: Björgvin R. Leifsson

Flokksráðsfundum er aldrei útvarpað nema örsjaldan frá setningarræðu varaformanns.

Björgvin R. Leifsson, 7.12.2008 kl. 17:15

3 Smámynd: Ásthildur Cesil Þórðardóttir

ég var að tala um borgarafundinn með verkalýðsleiðtogunum Björgvin minn.

Ásthildur Cesil Þórðardóttir, 7.12.2008 kl. 17:25

4 Smámynd: Óðinn Þórisson

Eins og þú veist þá er það Sjálfstæðisflokkurinn sem einn ákveður hvenær verður kosið.
Þó svo að sf gefist upp á verkefninu ( reyndar hafa 2 ráðherrar sf lýst því yfir að þeir stiðji ekki ríkisstjórnina )
Minn draumur er að ESB-aðild verði sparkað út af boðinu í landsfundi sjálfstæðisflokksins og mynduð verði á fyrstu dögum feb stjórn með Framsókn - þá er hægt að hefjast handa því þá erum við laus við vg-ráðherrann Þórunni Sveinarbjarnardóttir.

Óðinn Þórisson, 7.12.2008 kl. 17:52

5 Smámynd: Ásdís Sigurðardóttir

Auðvitað á að kjósa næsta vor, ekki nokkur spurning.

Ásdís Sigurðardóttir, 7.12.2008 kl. 17:54

6 Smámynd: Jóhanna Magnúsar- og Völudóttir

Sammála, mér finnst að eigi að kjósa.

Jóhanna Magnúsar- og Völudóttir , 7.12.2008 kl. 18:45

7 Smámynd: Helga Magnúsdóttir

Kjósa bara strax eftir áramót. Sjálfstæðiflokkurinn vill vitanlega koma með eitthvað voða sniðugt af landsfundinum en vér látum ekki blekkjast.

Helga Magnúsdóttir, 7.12.2008 kl. 19:50

8 Smámynd: Lára Hanna Einarsdóttir

Ég sé borgarafundinn annað kvöld hvergi á dagskrá - búin að athuga Bylgjuna, Rás 1, Rás 2 og Ríkissjónvarpið.

Ég hef heyrt því fleygt að RÚV hafi fengið hressilega, pólitíska ádrepu fyrir að sjónvarpa síðasta borgarafundi. Sel það ekki dýrar en ég keypti það en ljótt ef satt er. Það má ekki útvarpa eða sjónvarpa reiði og óánægju fólks - og mig grunar að ráðherrarnir sem þó mættu hefðu ekki komið ef fundurinn hefði ekki verið í beinni útsendingu. Þeir neyddust til til að halda andlitinu.

Fussumsvei! Það ætti að skylda RÚV - útvarp og sjónvarp allra landsmanna - til að sýna frá öllum svona atburðum.

Fyrir síðasta fund var Ævar Kjartansson með a.m.k. tvo borgarafundi í þætti sínum Í heyranda hljóði á Rás 1 á þriðjudögum, sem er eðalþáttur, en mér sýnist annað vera í þættinum næsta þriðjudag.

Fólk sem ekki kemst á fundinn verður því að stóla á frásagnir fjölmiðla, en umfram allt frásagnir bloggara og frjálsra netmiðla.

Lára Hanna Einarsdóttir, 7.12.2008 kl. 20:44

9 Smámynd:

Þetta ríki er orðið algert gúlag. Embættismenn stjórnar ráða og reynt er að halda fólki eins ignorant og framast er unnt, ekki sjónvarpað eða útvarpað neinu sem gæti ruggað bátnum. Bara spurning hvenær farið verður að refsa fólki sem vogar sér að vera ósammála stjórnvöldum. KOSNINGAR STRAX!!!

, 7.12.2008 kl. 22:16

10 Smámynd: Steingrímur Helgason

Á meðan samfylkíngarskríllinn mælizt furðulegt nokk, með tveggja stafa tölu fylgi, & vill fá fólk í áfalli til að kjóza sjálfstæðið burt til Bruxxelzklafanz, þá mín þjóð ekki að fá að kjósa slíkt drazl.

Taka til heima hjá sér, áður en mætt er prúðbúið annarz staðar.

Steingrímur Helgason, 7.12.2008 kl. 22:36

11 identicon

Slök mæting á mótmælendafundi, deyfð í þjóðmálaumræðu, er þetta ekki tákngerving afneitunarinnar í sorgarferlinu? Fólkið er að melta málið, reyna að gleyma öllu erfiðu, búa sig undir jólin, margir við kröpp kjör. Jólaundirbúningurinn er eitt. Hann er léttur hjá mér, barnabörnin vilja bara eina góða gjöf , sem vð sláum saman í. Jólin koma.

En eftir jól og áramót. ÞÁ fer að kárna gamanið. ÞÁ þýðir ekki að bera á borð fyrir okkur sama ruglandagrautinn og fyir jól. Því þá áttar fólk sigl á að ekkert hefur breyst, makkið heldur áfram, verra en nokkru sinni. Og ÞÁ verður allt vitlaust. Látið mig vita það. 

Nína S (IP-tala skráð) 7.12.2008 kl. 22:47

12 Smámynd: Greta Björg Úlfsdóttir

Ráðherrar á Indlandi sögðu af sér í lange baner eftir hryðjuverkaárásirnar í Mombai (veit reyndar ekki hvað þeir hafa marga ráðherra þar).

Gríski innanríkisráðherrann (um hvað ætli hann sjái? Allt heila klabbið, eða hvað?) bauðst til að segja af sér í kjölfar óeirðanna sem nú eru í Grikklandi, forsætisráðherrann þeirra þáði það að vísu ekki og vill að hann sitji áfram.

Íslenska bankakerfið hrynur, efnahagslífið er í rúst, en enginn segir af sér.

Kjósum Vinstri Græna í maí!

Greta Björg Úlfsdóttir, 7.12.2008 kl. 23:10

13 Smámynd: Sigrún Jónsdóttir

Auðvitað á að kjósa í vor. 

Sjáumst í Háskólabíó kl. 20:00 annað kvöld.

Sigrún Jónsdóttir, 7.12.2008 kl. 23:13

14 Smámynd: Greta Björg Úlfsdóttir

Ég er á því að þetta sé rétt hjá Nínu. Fólk vill smá hvíld, sleikja sárin og halda jólin í friði, eftir áramótin fer að hitna í kolunum. Fólk er enn rétt að átta sig á ástandinu, í febrúar verður kreppan komin á skrifð á fullum þunga, þá fer að kárna gamanið og volgna enn meira undir mörgum.

Greta Björg Úlfsdóttir, 7.12.2008 kl. 23:13

15 Smámynd: Einar Indriðason

Eitt af vandamálunum okkar, er að það er bara *ekkert* frambærilegt í boði.  *Allir* stjórnmálaflokkarnir á Alþingi eru prumpu-flokkar, fullir af heitu lofti, en ekkert innihald af viti.  *ALLIR* flokkarnir.

Það sem okkur íslendinga vantar, er að fá að kjósa um fólk og málefni.  *EKKI* þennan helv. pakka með "allt eða ekkert" dæminu, og hafa síðan *ekkert* með þetta að gera eftir kosningar.

En, já, auðvitað á að kjósa í vor.  Ef það er ekki ástæða til að skipta um stjórnvöld núna í þessu ástandi, hvenær er þá ástæða til?

Ég skal segja ykkur hvaða flokka (í núverandi kerfi) ég vil *ALLS EKKI* sjá við stjórnvölinn:  B, D, og stóran hluta af S.  (Solla er ekki að standa sig.) 

Við þurfum og verðum!  Að losa okkur við stjórn Seðlabankans.  (Og ég skal meira segja nafngreina Davíð sérstaklega.)  Hvernig í ósköpunum getur Ísland vonast til að öðlast traust í útlöndum, til að byggja upp aftur?  Það eru tveir aðilar búnir að segja af sér, báðir í stjórnarandstöðunni.  Stjórnvöld og seðlabankinn sitja sem fastast!  HALLÓ!!!!!

*dæs*

úbbs, Jenný... örlítið rant hérna.

Einar Indriðason, 8.12.2008 kl. 08:58

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Höfundur

Jenný Anna Baldursdóttir
Jenný Anna Baldursdóttir

Bara eins og ég kem fyrir af skepnunni.  Er með róttæka vinstri slagsíðu, með fagurgrænu ívafi ásamt femínískum töktum þegar við á.  Ég bít ekki.  Eða bít ég?  Það fer tvennum sögum af því. 

jennfo.baldursdttir@gmail.com

Heimsóknir

Flettingar

  • Í dag (28.3.): 1
  • Sl. sólarhring: 3
  • Sl. viku: 10
  • Frá upphafi: 2985622

Annað

  • Innlit í dag: 1
  • Innlit sl. viku: 10
  • Gestir í dag: 1
  • IP-tölur í dag: 1

Uppfært á 3 mín. fresti.
Skýringar

Mars 2024
S M Þ M F F L
          1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31            

Innskráning

Ath. Vinsamlegast kveikið á Javascript til að hefja innskráningu.

Hafðu samband