Hvað heitir leynifélagið?

Davíð neitar að svara.

Voðalega er ég hissa.  Alveg stein andskotans bit. 

Hélt að Seðlabankaljúflingurinn myndi frussa frá sér upplýsingum eins og glæpamaður á píningarbekk loksins þegar hann álpaðist fyrir viðskiptanefndina.

Hann ber við bankaleynd.  Hahahahahahaha.

Það er ótrúlegt að verða vitni að því hvernig einum manni tekst að fokka upp heilli þjóð, halda henni í gíslingu, tala hana niður í útlöndum, sýna dónaskap, hóta mönnum, skemma og eyðileggja án þess að nokkuð sé gert í málinu.

Það er svo grátlegt að það verður hlægilegt.

Og mikil ósköp - næst þegar Geir Haarde verður spurður um hvort hann treysti Seðlabankastjóra þá mun hann svara eins og venjulega, með stuttaralegu jái.

Hvaða tök hefur Davíð á mönnum?

Í hvaða leynifélagi eru þessir strákar allir?

Frímúrurunum?

Ég spyr.

Áhugaverð samantekt hjá skessunni.

 

Davíð ber fyrir sig bankaleynd

Athugasemdir

[Heiða B. Heiðars, 4.12.2008 kl. 11:00]

Svei mér þá... mér er farið að lítast betur á vopnuðu hugmyndina

[Jenný Anna Baldursdóttir, 4.12.2008 kl. 11:11]

Það er ekki laust við að þessar nýju fréttir virki í manni ofbeldisgenið.

[Þorsteinn Úlfar Björnsson (IP-tala skráð) 4.12.2008 kl. 11:12]

Leynifélagið heitir Bilderberg klúbburinn.

[Brjánn Guðjónsson, 4.12.2008 kl. 11:13]

mér var sagt frá samsæriskenningu Ingva Hrafns, að samfó og sjallar hafi gert með sér leynisamkomulag. Dabbi fær að sitja gegn því að sjallar bryti um stefnu í evrópumálum.

enda hætti maður alveg að heyra samfó-raddirnar sem töluðu gegn Dabba á sama tíma og sjallar flýttu landsfundi.

[Heiða B. Heiðars, 4.12.2008 kl. 11:20]

Þið verðið að skoða Anda-Njóta hjá Kreppukallinum. Ég andaði og hló mig máttlausa...ekki veitir af

[Rut Sumarliðadóttir, 4.12.2008 kl. 11:32]

Fólk er farið að tala um að taka fram kindabyssurnar hér á blogginu.

Held að ofbeldisgenið sé farið að segja til sín hjá mörgum.

[Ásdís Sigurðardóttir, 4.12.2008 kl. 11:32]

Ég get alveg trúða því sem Brjánn segir.

[Katrín Snæhólm Baldursdóttir, 4.12.2008 kl. 11:58]

Á endanum sýður uppúr...það eru takmörk fyrir hversu mikla spillingu er hægt að setja framan í fólkið og niðurlægingu. Meira að segja ég friðarpostuli og andofbeldissinninn er farin að finna áður óþekktar kenndir krauma í maganum á mér. Mig langar að nota sleifarnar mínar í eitthvað allt annað en að hræra í naglasúpum mínum. Og ég meina það.

[Sigrún Jónsdóttir, 4.12.2008 kl. 12:24]

Það verður fróðlegt að sjá hvernig fjölmiðlar taka á þessari uppákomu

[Jenný Anna Baldursdóttir, 4.12.2008 kl. 14:01]

Ég var búinn að sjá þetta myndband og ég nærri dó úr hlátri.

En það ég svona sem ég og fleiri látum þegar við leggjum okkur FRAM um að vera svo hallærislegar að fólki langi til að fremja eitthvað.

En þetta er gert í alvörunni.  Halló, sumt er ólýsanlega fyndið.