Á pjúra móðurmáli

Ég vakna á morgnanna og þori tæpast að líta á forsíður blaðanna vegna þess að nánast á hverjum morgni nú orðið stendur þar að lesa eintóma bömmera.

Ég held að það hafi ekki sést jákvæð frétt á forsíðu eftir hrun.

Hvað sem því líður þá er ég einfaldlega haldin kreppustressi.

Það er of mikið í gangi, tilgátur, álit, allir með munnræpu nema þeir sem eiga að tjá sig.

Þeir grjóthalda kjafti.

Við stöndum frammi fyrir gjaldþroti samkvæmt þessari frétt Moggans.

Hvað þýðir það á pjúra móðurmáli?

Súpueldhús?

Svöng börn?

Langar raðir eftir lífsnauðsynjum?

Í guðanna bænum íslenskir ráðamenn, horfist í augu við getuleysið og játið ykkur sigraða.

Þið náið ekki utan um ástandið.

Þjóðstjórn og svo kosningar á næsta ári.

Þetta gengur ekki lengur.

Ísland stendur frammi fyrir gjaldþroti

Athugasemdir

[Jónína Dúadóttir, 13.11.2008 kl. 08:39]

Tek undir þessa áskorun Jennýjar Önnu Baldursdóttur !!!

[Soffía Valdimarsdóttir, 13.11.2008 kl. 09:04]

Þjóðstjórn dugar ekki til. Það verður að fá utanað komandi algerlega óháða aðila inn í landið til að taka við stjórnartaumunum um stundarsakir. Ekki bara í rannsókn á ferlinu heldur líka inn í ráðuneytin og stjórnkerfið allt.

[Katrín Snæhólm Baldursdóttir, 13.11.2008 kl. 09:49]

Það er rétt hjá Soffíu....við þurfum mun öflugri verkfæri en þjóðstjórn.  Vandinn bara stækkar og vex og ráðamenn sitja sem fastast í sinni glerkúlu sem er á sveimi um tungl og allar aðrar plánetur en jörð...Mikið held ég að þau hræðist það að lokið verði tekið af spillingarpottinum....og "afrek" þeirra sl ár og áratugi blasi við öllum. Það getur ekki verið nein önnur ástæða fyrir að þau sitja svona fast..rosalega fast í stólunum okkar.

[Heiða B. Heiðars, 13.11.2008 kl. 10:31]

Oh Katrín! Nákvæmlega!!!

[Svala Jónsdóttir, 13.11.2008 kl. 12:12]

Stelpur mínar! Það þýðir ekkert að óska eftir einhverju sem er brot á stjórnarskrá. Það sem þið eruð að kalla eftir er einræði. Stjórnarskrá verður ekki breytt bara si svona og einhver "óháður" einvaldur fenginn til landsins.

Hvernig væri að halda sig frekar á jörðinni og leita að raunhæfum lausnum sem eru FRAMKVÆMANLEGAR?