Breitt bak í vesen og tjón

Kannski er ég haldin ofsóknaræði en þegar ég hlusta á Birgi Ármannsson, forsætisráðherra, Seðlabankastjóra og alla hina kallana, þá fæ ég á tilfinninguna að þeir tilheyri einhverskonar leynireglu sem skiptir þá miklu máli,  meira máli en hagsmunir almennings.

Það er eins og hjörtu þessara manna slái í takt. 

Þeir tala eins, þeir standa saman í gegnum þykkt og þunnt.

Ok, ég tek því þá ef ég er að kafna úr samsæriskenningafári, ég hef breitt bak í vesen og tjón.

Birgir vill ekki gera þær ráðstafanir sem nauðsynlegar eru til að frysta eigur þeirra manna sem eiga þátt í falli bankanna.

Hann talar um að það sé ekki stemming fyrir neyðarlögum einkum og sér í lagi þar sem hryðjuverkalögum hafi verið beitt á Íslenska þjóð.

Halló, er það sambærilegt?

Fyrirgefið á meðan ég bregð mér aðeins frá til að veina hástöfum.

Komin aftur.

Við erum í klúðri, almenningur borgar, segja þeir eða amk. eru það skilaboðin í því sem þeir segja mennirnir.

Við Íslendingar höfum ekkert val, við sem komum ekki nálægt peningageðveikinni, lúxusnum og ruglinu sitjum uppi með reikninginn.  Við skulum borga og brosa ekkert kjaftæði.

En það má ekki taka þær eignir sem eftir standa til að lámarka skaðann.  Ónó, það er gerræði.

Ég held að Bræðrabandið sé staðreynd.

Súmí en ég held það samt.

Skítt með það þó ég verði færð í vatteraðan klefa í klædd undarlegri treyju sem gerir ekkert fyrir mig svona úlitslega séð.

Vill ekki frysta eignir auðmanna

Athugasemdir

[Hólmdís Hjartardóttir, 23.10.2008 kl. 15:11]

Maðurinn er FÍFL

[Gísli Baldvinsson (IP-tala skráð) 23.10.2008 kl. 15:27]

Birgir er vel uppalið kennarabarn...en Kjaran..fyrst og fremst.

[Hrönn Sigurðardóttir, 23.10.2008 kl. 15:31]

Mér finnst það ekki sambærilegt! Ekki var hikað við að beita neyðarlögum á bankana!

Hver er munurinn? Eru þetta ekki - í og með - mennirnir sem "áttu" bankana? 

[DoctorE (IP-tala skráð) 23.10.2008 kl. 15:38]

Mafíósar.. say it like it is

[Lísa Björk Ingólfsdóttir, 23.10.2008 kl. 16:27]

Ég skil orðið hvorki upp né niður í einu né neinu.......

[Edda Agnarsdóttir, 23.10.2008 kl. 17:55]

Þetta með leyniregluna er góð samlíking ef það ! Ég er samt ansi hrædd um einhverskonar tryggðarpant eða fóstbræðra- eitthvað.

[Snúlli (IP-tala skráð) 23.10.2008 kl. 23:11]

Ó mæ god. Mammon hefur stolið úr þeim sálunum! Þess vegna eru þeir svona tómir og holir og dauðir. Innantómir sparigrísir - bláir.

[Karlotta (IP-tala skráð) 23.10.2008 kl. 23:12]

Ég kalla þá "koppabandalagið" þeir eru hlaupandi um með lok á koppa hvors annars þegar þeir hafa "gert stórt"

Ég er alveg viss um að þeir fara í koppaþjálfumum leið og það er hætta á að þeir þurfi að koma fram í fjölmiðlum og sannfæra "almúgann" um að það sé ekki skítalykt af umræddum rassi og hann hafi heldur aldrei skitið á sig.