Á útihátíðina og klósettið með vini og óvini

Samkvæmt henni Ólöfu Guðnýju Valdimarsdóttur, fyrrverandi hægri hönd borgarstjóranefnunnar í Reykjavík, skulu heilindi borgarstjóra ekki dregin í efa. Absólútt ekki. Fyrir utan þennan fáheyrða hroka karlsins í brúnni og gleði hans með eigið ágæti, þá hefur þessi stuðningsmaður hans nú vikið fyrir öðrum sem hann treystir betur þessa dagana.

Mér þætti forvitnilegt að vita hvort Ólöf Guðný er enn á því að borgarstjórinn í Reykjavík sé hafinn yfir gagnrýni á störf sín og heilindi hans séu enn jafn óumdeilanleg eftir þennan gjörning.

Það fækkar í fanklúbbi karls.

Ég þekki mann fyrir norðan (bloggvinur minn) sem stendur með Ólafi.  Svo er það Jakob Frímann og væntanlega Magnúns Skúlason, arkitekt sem verður varaformaður í skipulagsráði Reykjavíkur í staðinn fyrir Ólöfu Guðnýju.  Ég veit ekki um fleiri en þeir eru ábyggilega einhverjir.  Það fer að verða fátt um fína drætti.

Það eru ekki margir eftir til að dissa. 

Ekki gamanmál.

Embættissaga borgarstjórans í Reykjavík gefur manni tilefni til að grínast með þróunina, en auðvitað er þetta grafalvarlegt mál.  Það er ekki eins og maðurinn sé skrifstofustjóri á tveggja manna kontór, hann er æðsti yfirmaðurinn borgarinnar. 

Ólafur má lýsa því yfir munnlega og skriflega oft á dag hversu rosalega hann er hafinn yfir allan vafa þegar kemur að heilindum, mín vegna, ég tala nú ekki um ef það færir honum sálarfrið.  En ég eins og fleiri trúum honum ekki augnablik.  Bara sú staðreynd að hann telji sig knúinn til að minna stöðugt á viðkomandi heilindi, segir heilmikla sögu.

Ég sá ekki betur en að þeir félegar Kobbi og Óli væru í sjónvarpinu þegar sýnt var frá Borgarfirði eystra um helgina.

Þá datt mér í hug gömul speki..

Hafðu vini þína nálægt þér en farðu á útihátíðir og á klósettið með óvinina (hehemm).

Fýkur Kobbi næst??

Segi svona

Borgarstjóri skiptir um varaformann skipulagsráðs

Athugasemdir

[Hrönn Sigurðardóttir, 29.7.2008 kl. 10:11]

Ég heyrði í Ólöfu Guðnýju í útvarpinu í morgun. Mér heyrðist hún nú ekki par hress.........

[Jenný Anna Baldursdóttir, 29.7.2008 kl. 10:12]

Hrönn: Ég stend með henni.  Djöfuls paranoja í manninum.

[Sunna Dóra Möller, 29.7.2008 kl. 10:15]

Ég er búin að vera að hrista hausinn yfir þessu í morgun, það er ótrúlegt að þessi maður skuli vera borgarstjóri og að hann skuli komast upp með allt þetta helv...bull !

[Ásthildur Cesil Þórðardóttir, 29.7.2008 kl. 10:22]

Ég verð að taka undir þetta, ótrúlegur andskoti.  Er hægt að reka fólk bara fyrir að segja eitthvað  opinberlega sem manni líkar ekki?  Ég hafði álit á Ólafi en með þessu er ansi mikið farið að fjara undan því áliti.  Ef þetta eru stjórnaraðferðirnar þar á bænum, þá minna þær nú frekar á einræðisherra, nema að ef þetta hefði verið Mugabwe hefði hann sennilega hent Ólöfu í fangelsi, eða bara kálað henni. 

Ætli Íslandshreyfinginn viti af þessu ? 

[Birna Dis Vilbertsdóttir (IP-tala skráð) 29.7.2008 kl. 10:31]

"gleði hans með eigið ágæti"dásamleg setning.Segi nú eins og Ásthildur,ætli Íslandshreyfingin viti af þessu?

[Helga Magnúsdóttir, 29.7.2008 kl. 10:37]

Maður fer bara hjá sér þegar karluglan er að gapa í fjölmiðlum. Sjálfstæðisflokkurinn keypti völdin dýru verði þegar hann gerði Ólaf að borgarstjóra.

Svo eru allt í einu allir bloggvinir mínir horfnir af síðunni minni. Er þetta svona alls staðar?

[Stefán (IP-tala skráð) 29.7.2008 kl. 11:27]

Þetta er bara geðveikislegar ákvarðanir aftur og aftur og fulltrúar Sjálfstæðisflokksins eru skammarlega undirgefnir einræðisherranum valdsjúka.

[Jenný Anna Baldursdóttir, 29.7.2008 kl. 12:30]

Miðað við það sem maður heyrir á götunni og les á milli lína í fjölmiðlum þá finnst mér það algjört siðleysi af íhaldinu að halda þessum meirihluta gangandi.

Svo eru þeir að gera út af við flokkinn í borginni og ég gleðst að sjálfsöðu yfir því.

[Magnús Geir Guðmundsson, 29.7.2008 kl. 12:34]

Jamm, Sirkús Reykjavík er komin á stjá, hátíð í bæ enda hásumar!

En Jenný mín, ekki gleyma hinum glaðhlakkalega prakkara Jens í upptalningunni!

[Þorsteinn Briem, 29.7.2008 kl. 12:36]

Knífurinn stendur í kúnni,
því kallinn er enn í brúnni,
hann er keikur,
hann sér leikur,
að frjálslyndri óþægri frúnni.

[Brjánn Guðjónsson, 29.7.2008 kl. 13:11]

nákvæmlega. heilindi...my ass

[Hildigunnur Rúnarsdóttir, 29.7.2008 kl. 15:33]

nú, hvah, hvar er hamsturinn núna?  Búinn að gefast upp á varnarstöðunni?

[Lilja Guðrún Þorvaldsdóttir, 29.7.2008 kl. 22:39]

Maður getur ekkert sagt annað en flott limra hjá honum Steina Briem, svo assgoti vel að orði komist.